Ալեքսանդր Խաչունց
| Ալեքսանդր Խաչունց | |
|---|---|
 | |
| Ծնվել է | մարտի 9, 1956 (68 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան |
| Գիտական աստիճան | Կենսաբանական գիտությունների թեկնածու |
| Մասնագիտություն | նյարդաֆիզիոլոգ և լուսանկարիչ |
Ալեքսանդր Սերգեյի Խաչունց (մարտի 9, 1956, Երևան, Հայկական ԽՍՀ, ԽՍՀՄ), հայ բժիշկ-նյարդաֆիզիոլոգ, կենսաբանական գիտությունների թեկնածու, լուսանկարիչ։
Կենսագրություն[խմբագրել | խմբագրել կոդը]
Ալեքսանդր Խաչունցը ծնվել է 1956 թվականի մարտի 9-ին, Երևանում։ 1972 թվականին ավարտել է Երևանի թիվ 34 միջնակարգ դպրոցը և ընդունվել Երևանի բժշկական ինստիտուտ։ 1978 թվականին մեկնել է Լենինգրադ, սովորել ասպիրանտուրայում։ 1983 թվականին պաշտպանել է թեկնածուական թեզը և աշխատանքի անցել Երևանի Լևոն Օրբելու անվան ֆիզիոլոգիայի ինստիտուտում։ 1993 թվականից Երևանի հանրապետական հիվանդանոցի աշխտորոշման բաժանմունքի վարիչն է։ Զբաղվում է մարդու գլխուղեղի ֆունկցիոնալ ակտիվության կարճատև տիրույթի տատանումների ուսումնասիրությամբ[1]։
ՀՀ ԳԱԱ ակադեմիկոս Լևոն Օրբելու անվան ֆիզիոլոգիայի ինստիտուտի գիտխորհրդի անդամ է[2]։
Լուսանկարչություն[խմբագրել | խմբագրել կոդը]
Ալեքսանդր Խաչունցը լուսանկարչությամբ հետաքրքրվել է դպրոցական տարիներից, երբ լուսանկարել է պատերազմից պապի բերած «Ցեյսիկոն» լուսանկարչական շարքով, որին հետագայում փոխարինել են «Ֆեդ 3-ը», «Զենիթը»։ Նկարահանել է հիմնականում սլայդ։
Հայաստանում և նրա սահմաններից դուրս կատարած բազմաթիվ շրջագայությունների ընթացքում կատարված տարբեր ուղղությունների պատկանող լուսանկարչական աշխատանքները` ճարտարապետական, լանդշաֆտային, մակրոլուսանկարչական, վերացական, պիկտորիալ և այլն ներկայացվել են տարբեր խմբակային և անհատական ցուցահանդեսների ժամանակ[3]։
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Քոչար, Վահան։ Հայ լուսանկարիչներ, հեղինակային հրատարակություն, 2007, էջ 255։