Ալեքսանդր Բելով (1876-1940)
| Ալեքսանդր Բելով | |
|---|---|
| փետրվարի 23 (մարտի 6), 1876 - նոյեմբերի 26, 1940 (64 տարեկան) | |
| Ծննդավայր | Աթբասար, Atbasarsky Uyezd, Aqmola Oblast |
| Մահվան վայր | Հարբին, Մանջոու-Գո |
| Գերեզման | Q61715413? |
| Մարտեր/ պատերազմներ | Ռուս-ճապոնական պատերազմ, Առաջին համաշխարհային պատերազմ և Ռուսաստանի քաղաքացիական պատերազմ |
| Պարգևներ |  |
Ալեքսանդր Բելով (ռուս.՝ Александр Иванович Белов, փետրվարի 23 (մարտի 6), 1876, Աթբասար, Atbasarsky Uyezd, Aqmola Oblast - նոյեմբերի 26, 1940, Հարբին, Մանջոու-Գո), ռուս զորահրամանատար, գեներալ-մայոր (13.07.1919), Ռուս-ճապոնական, Առաջին համաշխարհային և Քաղաքացիական պատերազմների և Սիբիրում Սպիտակ շարժման մասնակից։
Կենսագրություն[խմբագրել | խմբագրել կոդը]
Ալեքսանդր Բելովը ծնվել է 1876 թվականի փետրվարի 23-ին։ Սերվել է Աթբասարսկի գավառի սիբիրյան կազակներից (այժմ` Ղազախստանի Աքմոլայի մարզ)։ Սիբիրյան կադետական կորպուսի (1893) և Նիկոլաևսկի հեծելազորային ուսումնարանի (1895) շրջանավարտ է։ Ծառայել է լեյբ-գվարդիայի Համա-կազակական գնդում։
Մասնակցություն Ռուս-ճապոնական պատերազմին[խմբագրել | խմբագրել կոդը]
Մասնակցել է Լյոյանի և Մուկդենի տակ մղվող մարտերին։ Եղել է Սիբիրյան կազակական գնդի ենթաեսաուլ, Մուկդենի ճակատամարտում հրետանին փրկելու համար ստացել է եսաուլի կոչում։
Մասնակցություն Առաջին համաշխարհային պատերազմին[խմբագրել | խմբագրել կոդը]
Առաջին համաշխարհային պատերազմի ժամանակ արդեն գնդապետ էր, Սիբիրյան կազակական դիվիզիայի 1-ին բրիգադի և Սիբիրյան կազակական գնդի հրամանատարն էր[1]։ Պարգևատրվել է Գեորգիևյան զենքով։ .
Մասնակցություն Քաղացիական պատերազմին[խմբագրել | խմբագրել կոդը]
Ադմիրալ Կոլչակի ռուսական բանակում 1919 թվականին եղել է Սիբիրյան կազակական առանձնակի բրիգադի, հետագայում 3-րդ Սիբիրյան կազակական դիվիզիայի հրամանատար։ Այնուհետև եղել է 1-ին Օրենբուրգյան կազակական դիվիզիայի հրամանատար։ Պարգևատրվել է Սուրբ Գեորգիի IV աստիճանի շքանշանով։
1920 թվականին ծառայել է Հեռավորարևելյան բանակում, մինչև 1920 թվականի մայիսի 7-ը եղել է բանակային սանիտարա-էվակուացիոն հանձնաժողովի ներկայացուցիչ։ Եղել է գեներալ, Հեռավորարևելյան բանակի հրամանատարի հանձնակատար։
Էմիգրացիայում[խմբագրել | խմբագրել կոդը]
Հարբինում միավորել է գվարդիայի սպաներին, 1921-1923 թվականներին եղել է Արևելյան կազակական միության վարչության անդամ։ Մահացել է 1940 թվականի նոյեմբերի 26-ին Հարբինում[2]։
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Волков Е. В., Егоров Н. Д., Купцов И. В. Белые генералы Восточного фронта Гражданской войны: Биографический справочник. — М.: Русский путь, 2003. — 240 с. ISBN 5-85887-169-0.