Ալեքսանդր Առաքելյան

Ալեքսանդր Առաքելյան;
Ծնվել է	1923
Ծննդավայր	Խնածախ, Հայաստան
Մահացել է	1987
Քաղաքացիություն	ԽՍՀՄ
Կրթություն	Հայկական պետական մանկավարժական համալսարան (1947)
Մասնագիտություն	մանկավարժ
Պարգևներ և ; մրցանակներ

Ալեքսանդր Նիկոլայի Առաքելյան (1923, Խնածախ, Հայաստան - 1987), հայ մանկավարժ։ ՀԽՍՀ վաստակավոր ուսուցիչ (1965):

Կենսագրություն[խմբագրել | խմբագրել կոդը]

Ալեքսանդր Առաքելյանը ծնվել է 1923 թվականին Գորիսի շրջանի Խնածախ գյուղում։ 1941 թվականին ավարտել է Գորիսի մանկավարժական ուսումնարանը և ուսուցչական գործունեություն ծավալել հայրենի գյուղում։ 1942 թվականին զորակոչվել է գործող բանակ։ Հյուսիսային Կովկասի ազատագրման մարտերին մասնակցել է 89-րդ հայկական հրաձգային դիվիզիայի 390-րդ գնդի կազմում։ Մասնակցել է Մոզդոկի, Մոլգոբեկի, Նալչիկի մատույցներում մղված մարտերին։ 1943 թվականին ծանր վիրավորվել է և, որպես պատերազմի հաշմանդամ, զորացրվել բանակից^[1]։

1943-1947 թվականներին սովորել և ավարտել է Երևանի Խաչատուր Աբովյանի անվան մանկավարժական ինստիտուտի պատմության ֆակուլտետը։ Երկար տարիներ կատարել է մանկավարժական, դաստիարակչական աշխատանքներ։ Եղել է Գորիսի №2 միջնակարգ դպրոցի ուսմասվար, ՀԿԿ շրջկոմի պրոպագանդայի և ագիտացիայի բաժնի վարիչ, 1957-1983 թվականներին վարել է շրջանային ժողկրթբաժվարի պաշտոնը^[1]։ Կյանքի վերջին տարիներին եղել է Գորիսի շրջսովետի գործկոմի սոցապ բաժնի վարիչ^[1]։

Մարտական և աշխատանքային աչքի ընկնող ծառայությունների համար Առաքելյանը պարգևատրվել է Աշխատանքային կարմիր դրոշի շքանշանով, «Մարտական ծառայությունների համար», Գերմանիայի դեմ տարած հաղթանակի համար, «Աշխատանքի վետերան» և այլ մեդալներով ու պատվոգրերով։ 1965 թվականին Առաքելյանին շնորհվել է հանրապետության վաստակավոր ուսուցչի կոչում։

Ալեքսանդր Առաքելյանը մահացել է 1987 թվականին։

Մրցանակներ և պարգևներ[խմբագրել | խմբագրել կոդը]

Աշխատանքային կարմիր դրոշի շքանշան
«Մարտական ծառայությունների համար» մեդալ
«1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալակիր
«Աշխատանքի վետերան» մեդալ
ՀԽՍՀ վաստակավոր ուսուցիչ (1965)

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[haygirk-1] 1,0 ^1,1 ^1,2 Հայաստանի ուսուցիչները Մեծ հայրենականում։ 3 գիրք։ Հարությունյան, Աշոտ Հովսեփի, Մելքումյան, Հայկազ Ստեփանի, Սուքիասյան, Աղվան Ղազարի։ Երևան, «Լույս», 1987:

[1]