Ալբերտ Սեյբին

Ալբերտ Սեյբին
Ծնվել է	օգոստոսի 26, 1906(1906-08-26)[…]
Ծննդավայր	Բելոստոկ, Գրոդնոյի նահանգ, Վիլնայի գլխավոր նահանգապետարան, Ռուսական կայսրություն
Մահացել է	մարտի 3, 1993(1993-03-03)[…] (86 տարեկան)
Մահվան վայր	Վաշինգտոն, Կոլումբիայի շրջան, ԱՄՆ
Մահվան պատճառ	Սրտային անբավարարություն
Քաղաքացիություն	ԱՄՆ և  Ռուսական կայսրություն
Կրթություն	Նյու Յորքի համալսարան և Նյու Յորքի համալսարանի բժշկական ֆակուլտետ
Մասնագիտություն	վիրուսաբան, համալսարանի դասախոս, գյուտարար, ախտաբան, իմունաբան և համաճարակաբան
Աշխատավայր	Հարավային Կարոլինայի համալսարան և Ցինցինատիի համալսարան
Պաշտոն	նախագահ
Անդամակցություն	Սերբական գիտությունների և արվեստների ակադեմիա, Հունգարիայի գիտությունների ակադեմիա, Արվեստների և գիտությունների ամերիկյան ակադեմիա, Բելգիայի թագավորական բժշկական ակադեմիա և ԱՄՆ-ի Գիտությունների ազգային ակադեմիա
Պարգևներ	, , Հովարդ Թեյլոր Ռիքեթսի պարգև (1956) , , կլինիկական բժշկական հետազոտությունների ոլորտում Լասկե-Դեբեյկի մրցանակ (1965) , Ազատության մեդալ , Հարգելի ամերիկացիներ շարք (2006) , Ռոբերտ Կոխի անվան մրցանակ (1962) , Ալբերտ Լասկերի մրցանակ բժշկական հիմնավոր հետազոտությունների համար , E. Mead Johnson Award? (1941) և Բրազիլիայի համալսարանի պատվավոր դոկտորի կոչում
Կայք	sabin.org
Albert Sabin Վիքիպահեստում

Ալբերտ Սեյբին (անգլ.՝ Albert Bruce Sabin, օգոստոսի 26, 1906(1906-08-26)^[…], Բելոստոկ, Գրոդնոյի նահանգ, Վիլնայի գլխավոր նահանգապետարան, Ռուսական կայսրություն - մարտի 3, 1993(1993-03-03)^[…], Վաշինգտոն, Կոլումբիայի շրջան, ԱՄՆ), ամերիկացի բժիշկ-գիտնական, վիրուսաբան, պոլիոմիելիտի պատվաստանյութն ստեղծողը։

ԱՄՆ գիտությունների ազգային ակադեմիայի անդամ (1951)։

Կենսագրություն

Ծնվել է Բելոստոկում՝ Յակով Սապերսթայնի և Ցիլա Կրուգմանի հրեական ընտանիքում, որոնք 1921 թվականին գաղթել են ԱՄՆ։

Ավարտել է Նյու Ջերսիի միջնակարգ դպրոցը։ Դպրոցն ավարտելուց հետո Ալբերտի մեծահարուստ քեռին առաջարկել է վճարել ուսման ծախսերը` ատամնաբույժի մասնագիտությունը յուրացնելու պայմանով (նա պիտի շարունակեր ընտանեկան բիզնեսը)։

Տեղափոխվել է Նյու Յորք։ Ամերիկացի միկրոկենսաբան Պոլ դե Կրյուիի բեսթսելլեր «Մանրէների որսորդները» գրքով հետաքրքրվածությունը հանգեցրել է նրան, որ հակառակ իր քեռու պնդման, նա ընդունվել է Նյու Յորքի համալսարանի բժշկական դպրոց։

Ազգանունը փոխել է` դառնալով Սեյբին։

Գիտական ​​գործունեություն

1931 թվականին ցույց է տվել, որ այդ ժամանակ մաշկի վրա արվող թեսթերը որևէ հիմնավորում չունեն։

Հիմնական բացահայտումներն արվել են Ցինցինատիի համալսարանի և Մանկական հոսպիտալի հետազոտական կենտրոնի հետ երկարամյա համագործակցության շնորհիվ։

Նախ հերքել է համընդհանուր ընդունված տեսակետն առ այն, որ պոլիմելիթի փոխանցումը լինում է օդակաթիլային եղանակով։ Ապացուցել է դրա աղիքային պատճառը։ Այուհետև կարողացել է ստանալ վարակի թույլ ձևերը, որոնք կարող էին երկարատև իմունիտետ առաջացնել։

1957 թվականին բերանային հակապոլիոմելիթային ատվաստումը հաջողությամբ անցել է փորձարկումը ԽՍՀՄ-ում, Չիլիում, Հոլանդիայում, Ճապոնիայում, ՄԵքսիկայում և Շվեդիայում։ Երեք տարի անց թույլտվություն է ստացվել այն օգտագործել ԱՄՆ-ում։

Չի արտոնագրել իր պատվաստանյութերը, այլ պարզապես փոխանցել է դրանք Առողջապահության համաշխարհային կազմակերպությանը` չօգտագործելով միլիարդ դոլարներ աշխատելու հնարավորությունը։ Դրա շնորհիվ անգամ ամենաաղքատ երկրները կարողացել են արտադրել պատվաստանյութը նվազագույն ծախսերով։ 1960-ական թվականների սկզբից Սեյբենի պատվաստանյութը փրկել է միլիոնավոր երեխաների կյանք ամբողջ աշխարհում։

Պարգևներ և ճանաչում

• 1941` E. Mead Johnson Award
• 1956` Հովարդ Թեյլոր Ռիքեթսի մրցանակ
• 1958` Ընդգրկվել է Polio Hall of Fame-ի մեջ
• 1962` Ռոբերտ Կոխի մրցանակ
• 1964` Ֆելտրինելլի մրցանակ [
• 1964` Բավարիայի «ՎԱստակի համար» շքանշան
• 1965` Լաքսեր Դեբեյկի մրցանակ` կլինիկական հետազոտությունների համար
• 1970` ԱՄՆ ազգային գիտական մեդալ
• 1974` John Howland Award
• 1986` Ազատության նախագահական մեդալ

Արտաքին հղումներ

• Як TUТэйшыя змянялі свет. Альберт Сабін Archived 2009-01-25 at the Wayback Machine. (բելառուս.)
• Albert B. Sabin. 1906—1993 // A Biographical Memoir by Marguerite Rose Jiménez(անգլ.)