Ալաչաթը
| Բնակավայր | ||
|---|---|---|
| Ալաչաթը | ||
| թուրքերեն՝ Alaçatı | ||
 | ||
| Երկիր |  Թուրքիա | |
| ԲԾՄ | 16±1 մետր | |
| Ժամային գոտի | UTC+3 | |
| Փոստային դասիչ | 35937[1] | |
| ||
Ալաչաթը (հաճախ անվանում են նաև Ալաչաթի, թուրքերեն՝ Alaçatı, հուն․՝ Αλάτσατα), քաղաք Թուրքիայի ծայր արևմուտքում` Իզմիրի մարզում։ Քաղաքը գտնվում է Չեշմեի մոտակայքում` Էգեյան ծովի ափին։ Ալաչաթըի մոտակայքում կան մի շարք աղի լճեր։ Քաղաքը բավականին հայտնի հանգստավայր է ոչ միայն Թուրքիայում, այլ նաև Եվրոպայում և Մերձավոր Արևելքում։ Տարեկան շուրջ մեկ միլիոն մարդ է այցելում Ալաչաթը։
Ալաչաթըի տարածքը Օսմանյան կայսրության տարածքի մեջ ներառվել է XIV դարում։
Մինչ 1922 թվականը հիմնականում քաղաքը հունաբնակ էր։ 1922 թվականի սեպտեմբերին Զմյուռնիայի կոտորածից հետո քաղաքից փախած հույն բնակչությունը Կրետե կզու Իռակլիոն քաղաքում հիմնեցին Նոր (Նեա) Ալաչատի թաղամասը[2]։
Ներկայումս Ալաչաթըն հիմնականում հայտնի է վինդսերֆինգով և ծովային զբոսաշրջությամբ։ Ջրի հարթությունը, ծանծաղությունը և միալար քամին այն դարձնում են հետաքրքրաշարժ, ինչպես նոր, այնպես էլ փորձառու սերֆերների համար։
Ալաչաթըում հիմնականում տները քարից են։ Փողոցները նույնպես քարեպատ են և նեղ։ Ալաչաթըի կենտրոնում կան մի շարք տներ, որոնք ունեն շուրջ 100 տարվա պատմություն։ 2005 թվականին քաղաքի կենտրոնական հատվածը հայտարարվել է պետության կողմից պահպանվող տարածք։
Հայտնի բնակիչներ[խմբագրել | խմբագրել կոդը]
- Ջորջ Դիլբոյ (1896—1918)` հույն զինվոր, «Առաջին համաշխարհային պատերազմի 10 ամենամեծ հերոսներից մեկը (ամերիկյան բանակի)» և առաջին հունական ծագմամբ ամերիկացին է, ով ստացել է Փառքի շքանշան
- Նիկոդիմ (1881—1966)` Յոհանեսբուրգի և Պրետորիայի մետրոպոլիտ
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Ալաչաթը» հոդվածին։ |
| ||||||
