Աթենքի ազգային պատկերասրահ

Վիքիպեդիայից՝ ազատ հանրագիտարանից
Jump to navigation Jump to search
Աթենքի ազգային պատկերասրահ
National Gallery of Greece1.jpg
Տեսակպատկերասրահ և ազգային թանգարան
ԵրկիրFlag of Greece (1822-1978).svg Հունաստան
ՏեղագրությունAthens Municipality
Կազմված էNafplio national gallery, Koumantareios gallery և Kapralos museum
Հիմնադրված է1878
Կոորդինատներ: 37°59′12.2″ հս․ լ. 23°46′41.7″ ավ. ե. / 37.986722° հս․. լ. 23.778250° ավ. ե. / 37.986722; 23.778250
Կայքnationalgallery.gr

Աթենքի ազգային պատկերասրահ (հունարեն՝ Εθνική Πινακοθήκη), գեղարվեստի թանգարան Աթենքում: Հիմնադրվել է 1900 թվականին և ներկայացնում է 14-րդ դարից մինչև մեր օրերի հունական և եվրոպական արվեստի նմուշները։ Կոչվում է նաև Ալեքսանդրոս Սուցոսի թանգարան (հունարեն՝ Μουσείο Αλεξάνδρου Σούτζου), Հունաստանի ազգային թանգարան: Հետպատերազմյա շրջանում քանդակների հավաքածուն առանձնացել է թանգարանից և ներկայացվում է Ազգային գլիպտիկայի թանգարանում։

Պատմություն[խմբագրել | խմբագրել կոդը]

Թանգարան հիմնադրելու միտքը հղացել է 1878 թվականին, երբ Աթենքի համալսարանն իր հավաքածուի մի մասը տվել է թանգարանին։ 1896 թվականին իրավաբան, արվեստի սիրահար Ալեքսանդրոս Սուցոսը իր մասնավոր հավաքածուն նվիրել է հունական պետությանը։ Թանգարանը բացվել է 1900 թվականին և ունեցել է շուրջ 258 նմուշ Աթենքի համալսարանից, Աթենքի պոլիտեխնիկական համալսարանից և Ալեքսանդրուս Սուցոսի հավաքածուից։ Թանգարանի առաջին համադրողն է եղել հույն նկարիչ Գեորգիոս Իակովիդիսը։ Գործունեության հետագա տարիներին թանգարանի հավաքածուն համալրվել է հույն նկարիչների, շարքային քաղաքացիների նվիրատվություններով։ Թանգարանի հավաքածուն էականորեն համալրվել է Էվրիպիդես Կուտլիդիսի կողմից 19-20-րդ դարերի հունական գեղանկարչության գործերի նվիրատվությամբ։

1964 թվականին սկսվել է թանգարանի նոր շենքի շինարարությունը ճարտարապետներ Ֆատուրիսի, Միլոնասի, Մուվոպուլոսի նախագծով։, որն իրենից ներկայացնում է ոչ մեծ, երկթևյա շինություն։ Թանգարանն այս շենքում է գործում 1976 թվականից՝ ունենալով ավելի քան 9,5 հազար ցուցանմուշ։

Ցուցադրություն[խմբագրել | խմբագրել կոդը]

Ցուցասրահներ

Թանգարանի մշտական հավաքածուն տեղավորված է առաջին և երկրորդ հարկերում և ներկայացնում է 19-20-րդ դարերի գեղարվեստի աշխատանքներ։ Կտավները ներկայացված են ժամանակագրական կարգով և թեմատիկ խմբավորմամբ։ Հիմնական սրահը նվիրված է հետբյուզանդական գեղանկարչությանը, որտեղ հիմնականում ներկայացված է Դոմենիկոս Տեոտոկոպուլոսի կամ ինչպես հայտնի է իր իսպանական անվանումով Էլ Գրեկոյի աշխատանքները։ Ներկայացված են նաև Յակոբ Յորդանսի, Լուկա Ջորդանոյի, Ջովաննի Բատիստա Տիեպոլոյի, Ավագ և կրտսեր Յան Բրեյգելների, Լորենցո Վենեցիանոյի, Ալբրեխտ Դյուրերի և այլոց աշխատանքներ։

Պատկերասրահ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]