Ազուլեժու թանգարան

Ազուլեժու թանգարան
Տեսակ	թանգարան և շենք
Երկիր	Պորտուգալիա
Տեղագրություն	Լիսաբոն
Վայր	Լիսաբոն
Հիմնադրված է	1960
	Կոորդինատներ: 38°43′23″ հս․ լ. 9°7′10″ ամ. ե. / 38.72306° հս․. լ. 9.11944° ավ. ե.
Կայք	mnazulejo.imc-ip.pt

Ազուլեժու թանգարան (պորտ.՝ Museu Nacional do Azulejo), Լիսաբոնի ամենահայտնի ազգային թանգարաններից։ Հիմնադրվել է 1965 թվականին, ազգային թանգարանի կարգավիճակ է ստացել 1980 թվականին։ Տեղակայված է Աստվածածին եկեղեցու (պորտ.՝ Madre Deus) ներսում (1509)։

Թագարանում ներկայացված է ազուլեժուի և խեցեգործության պատրաստման ու զարգացման պատմությունը Պորտուգալիայում` սկսած 15-րդ դարից մինչև մինչ օրերը։ Ազուլեժու անվանումն ունի արաբական ծագում (արաբ․՝ al zulaycha‎‎, փոքր հղկված քար): Ազուլեժուները քառակուսի, տարբեր չափսի սալիկներն են, որոնք գունավորված են կամ նկարազարդված։ Պորտուգալական ավանդական ազուլեժուն ունի 14X14 սմ չափսեր։ Նախկինում Լիսաբոնում շատ հարգի է եղել տների կամ հասարակական վայրերի պատերի ծածկումը այդ սալիկներով, օրինակ` թագավորական պալատները, եկեղեցիները և այլն։ Ներկայումս էլ Պորտուգալիայում շարունակում են ազուլեժուով պատել տարբեր շենքերի ներսի պատերը։

Թանգարան կարելի է հասնել հետևյալ համարի ավտոբուսներով. 210, 718, 742, 759 և 794. Հարկավոր է իջնել Igreja Madre Deus կանգառում. Թանգարանը բաց է ամեն օր` բացի երկուշաբթիից, ժամը 10.00-18.00։ Թանգարանում ներկայացված են տարբեր տարիների խեցեգործության նմուշներ և ազուլեժուներ։