Ազգային պարկերի համակարգ Կապույտ լեռներում

Ազգային պարկերի համակարգ Կապույտ լեռներում; անգլ.՝ Greater Blue Mountains Area
Տեսակ	բնության հատուկ պահպանվող տարածք
Երկիր	Ավստրալիա
Վարչատարածք	Նոր Հարավային Ուելս
Մակերես	1 032 649 հեկտար և 86 200 հեկտար

Ազգային պարկերի համակարգ Կապույտ լեռներում, ներառում է յոթ ազգային պարկ և մեկ հատուկ տարածք, գտնվում է Ավստրալիայի Նոր Հարավային Ուելս նահանգում։

Աշխարհագրություն

Համակարգը գտնվում է նահանգի արևելյան մասում, Սիդնեյից ոչ հեռու, Կապույտ լեռներում` հեռավորությունը քաղաքից մոտակա կետ կազմում է մոտավորապես 60 կմ։ Համակարգի մակերեսը 10 326,49 քառ. կմ է, ավելացրած 862 քառ կմ, որը բուֆերային գոտի է հանդիսանում։ Չնայած անվանմանը համակարգի տարածքում լեռներ չկան, հիմնականում սարահարթեր են, որոնց բարձրությունը ծովի մակարդակից կազմում է 100-1300 մետր։

Նկարագրություն

Ազգային պարկերի համակարգը Կապույտ լեռներում կազմված է հետևյալ ազգային պարկերից.

Կապույտ լեռներ (ազգային պարկ), 1959
Կանանգրա-Բոյդ (ազգային պարկ) (Kanangra-Boyd National Park), 1969
Թիրլմեր-Լեյքս (ազգային պարկ) (Thirlmere Lakes National Park), 1972
Վոլլեմի, 1979
Յենգո (Yengo National Park), 1988
Նատայ (ազգային պարկ), 1991
Գարդենս օֆ Սթոուն (Gardens of Stone National Park), 1994
և Jenolan Caves Karst Conservation Reserve արգելոցը, որի գլխավոր տեսարժանությունն է հանդիսանում Ջենոլան քարայրը։

2000 թվականին Համաշխարհային ժառանգության կոմիտեի 24-րդ նիստում այս բոլոր գոտիները միավորվեցին և համակարգ դարձան։

Ֆլորա

Տարածքում մեծ քանակությամբ աճում են 91 տեսակի էվկալիպտներ, որը կազմում է աշխարհում գոյություն ունեցողների 13%-ը, դրանցից 12-ը այդ ազգային պարկերում էնդեմիկ տեսակ են հանդիսանում։ Բույսերից մեծամասնություն են կազմում վոլեմիաները` մնացուկային բույսեր, աշխարհում ամենահին և հազվագյուտ, որի մասին իմացվել է միայն 1994 թվականին Վոլլեմի ազգային պարկի տարածքում։

Ֆաունա

Տարածքում բնակվում են ավելի քանի 400 տեսակի կենդանիներ։ Կարելի է առանձնացնել կզաքիսներին, կոալաներին, թռչող սկյուռներին և այլն։ Համակարգի խոշոր գիշատիչ է Դինգո շունը, որի կերն է հանդիսանում հսկայական կենգուրուն։ BirdLife International կազմակերպությունն այս պարկերը հայտարարել է այսպես կոչված Important Bird Area, թռչունների համար բարենպաստ տարածք, քանի որ այստեղ մեծ քանակությամբ թռչուններ են բնադրում` Rockwarbler, Diamond Firetail^[1], իսկ սեզոնային արտագաղթի ժամանակ այստեղ կանգ են առնում Yellow-faced Honeyeater թռչունների երամները^[2]։