Ազգային հիմնադրամ (Մեծ Բրիտանիա)

Վիքիպեդիայից՝ ազատ հանրագիտարանից
Jump to navigation Jump to search
Ազգային հիմնադրամ
LogoNT.JPG
Տեսակnational trust?
ԵրկիրFlag of the United Kingdom.svg Միացյալ Թագավորություն
ԿարգախոսFor ever, for everyone
Հիմնադրված1895[1]
Գլխադասային գրասենյակՍուինդոն, Միացյալ Թագավորություն
Կայքnationaltrust.org.uk

Պատմական հետաքրքրության կամ բնության գեղեցկության օբյեկտների ազգային հիմնադրամ (անգլ.՝ National Trust for Places of Historic Interest or Natural Beauty), սովորաբար կոչվում է Ազգային հիմնադրամ (անգլ.՝ National Trust), բրիտանական շահույթ չհետապնդող և ոչ պետական կազմակերպություն։ Հիմնադրվել է 1895 թվականին «ափերի, գյուղական շրջանների և Անգլիայի, Ուելսի ու Հյուսիսային Իռլանդիայի շինությունների» պահպանության համար։ Շոտլանդիայի տարածքում նմանատիպ գործունեություն է ծավալում Շոտլանդիայի ազգային հիմնադրամը[2]։

Պատմություն[խմբագրել | խմբագրել կոդը]

Հիմնադրամի առաջին ձեռքբերումը՝ քահանայի տուն Էլֆրիսթոնում (15-րդ դար)

Հիմնադրամի ստեղծման նախաձեռնությունը պատկանում է Վիկտորյական Անգլիայի բարեգործ Օկտավիա Հիլլին (1838-1912)։ Նախաձեռնությանը ֆինանսական աջակցություն է ցուցաբերել Վեսթմինսթերյան առաջին դուքսը։ Օբյեկտների նշանակալի մասը հիմնադրամին անցել է ոչ թե գնման, այլ տերերի կտակագրման եղանակով։ Դա պայմանավորված էր նրանով, որ 20-րդ դարում շատ ազնվական ընտանիքներ կորցրին իրենց եկամտի ավանդական աղբյուրները և չկարողանալով իրենց քաղաքամերձ կալվածքները պահել բարվոք վիճակում՝ որոշեցին իրենց ընտանեկան օջախները փոխանցել Ազգային հիմնադրամին[3]։

Ներկայումս ազնվականների կալվածքներից բացի հիմնադրամը տնօրինում է բրիտանական ափի համեմատաբար անխնամ տարածքները (օրինակ՝ Բրաունսի և Լինդիսֆարն կղզիները) և Անգլիայի հյուսիսում գտնվող Լճային երկրամասի քառորդը։ Վերջին տարիներին հիմնադրամն ընդլայնում է իր գործունեությունը նոր տեսակի օբյեկտների վրա, ինչպես՝ Ջոն Լենոնի և Փոլ ՄաքՔարթնիի տները Լիվերպուլում[4]։

2005 թվականին հիմնադրամի շտաբ-կայանը տեղափոխվել է Սուինդոնի երկաթուղային դեպոյի վերակառուցված շինություն[5]։

Կարևոր օբյեկտներ[խմբագրել | խմբագրել կոդը]

  • Գլաստոնբերյան գերեզմանաթումբ (անգլ.՝ Glastonbury Tor)
  • Ֆաունտինյան աբբայություն (անգլ.՝ Fountains Abbey)
  • Սաթթոն-Հու հնագիտական տարածք (անգլ.՝ (Sutton Hoo)
  • Սթոու պալատ և այգիներ
  • Կլիվդեն (անգլ.՝ Cliveden)
  • Սթոուրհեդ
  • Հարդվիք հոլ (անգլ.՝ Hardwick Hall)
  • Քեդլսթոն հոլ (անգլ.՝ Kedleston Hall)
  • Փեթուորթ հաուս (անգլ.՝ Petworth House)
  • Նոուլ հաուս (անգլ.՝ Knole House)
  • Մոնթեքյութ հաուս
  • Բելթոն հաուս (անգլ.՝ Belton House)
  • Կորֆ ամրոց (անգլ.՝ Corfe Castle)
  • Դրոգո ամրոց
  • Թաթերշոլ ամրոց (անգլ.՝ Tattershall Castle)

Ծանոթագրություններ[խմբագրել | խմբագրել կոդը]

  1. German National Library, Berlin State Library, Bavarian State Library et al. Record #17978-4 // Gemeinsame Normdatei — 2012—2016.
  2. «What we do»։ National Trust։ Վերցված է 17 March 2013 
  3. «National Trust to review governance structure»։ www.civilsociety.co.uk։ Վերցված է 2018-10-17 
  4. «Beatles Childhood Homes, National Trust»։ Վերցված է 8 January 2017 
  5. «Heelis»։ National Trust։ Արխիվացված օրիգինալից-ից 28 May 2011-ին 

Արտաքին հղումներ[խմբագրել | խմբագրել կոդը]