Ազատ Մաթյան

Ազատ Մաթյան
Ծնվել է	1942
Ծննդավայր	Թեհրան, Իրան
Մասնագիտություն	բանաստեղծ, թարգմանիչ և գրող
Քաղաքացիություն	Իրան
Կրթություն	Սպահանի համալսարան
Աշխատավայր	Սպահանի համալսարան
Կայք	azadmatian.com
	Ազատ Մաթյան Վիքիքաղվածքում

Ազատ Մաթյան (1942, Թեհրան, Իրան), հայ բանաստեղծ։

Կենսագրություն[խմբագրել | խմբագրել կոդը]

Ծնվել է 1942 թ. Թեհրանում։ Նախնական և միջնակարգ կրթությունը ստացել է Աբադանի հայոց և պետական դպրոցներում։ Ավարտել է Սպահանի համալսարանի հայոց լեզվի և գրականության ճյուղը, Փարիզի արևելյան լեզուների ինստիտուտի հայոց լեզվի բաժինը, զուգընթաց ուսանելով Սորբոնի համալսարանի համեմատական գրականության ամբիոնում։

1972 թվականին Հրավիրվում է Սպահանի Պետ. Համալսարանում աշխատելու, որպես հայոց լեզվի և գրականության դասախոս, որտեղ աշխատում է շուրջ 40 տարի։

Եղել է` Նոր Ջուղայի Ներկայացուցչական և Պատգամավորական Ժողովների անդամ,

Իրանահայ Ազգային և Մշակութային Միության (ԻԱՄՄ) վարչության նախագահ,

«Հանդես» գրական-գեղարվեստական եռամսյայի խմբագրության անդամ^[1]^[2]։

2010 թվականներին՝ «Ջուչի» խորագրով փայտյա քանդակների ցուցահանդես է ունեցել Սպահանի ժամանակակից արվեստի թանգարանում^[3]։

2014 թվականի հունիսից հաստատվել է ԱՄՆ - ում։

Ազատ Մաթյանը «Վտարանդին»^[4], «Ուխտավորներ»^[5], և «Այնուամենայնիվ»^[6] գործերի մեջ, փորձել է պատմել իր հոգու պատմությունը։

Ընտանիք[խմբագրել | խմբագրել կոդը]

1973 թվականին ամուսնացել է Արաքս Խուդավերդյանի հետ։ Ունի մեկ զավակ։

Պարգևներ[խմբագրել | խմբագրել կոդը]

Ազատ Մաթյանը պարգևատրվել է Հայաստանի Հանրապետության մշակույթի նախարարության ոսկե շքանշանով (2001) և մրցանակակիրն է Սբ. Էջմիածնի և Հայաստանի գրողների միության «Կանթեղ» թարգմանական մրցանակի։