Ադրբեջանական քարոզչություն

Ադրբեջանական քարոզչություն, Ադրբեջանական Հանրապետության կառավարության հայացքներին, պատկերացումներին կամ օրակարգերին համապատասխանող զանգվածային լրատվամիջոցների գործունեության արդյունքի կամ հասցեագրված հաղորդակցությունների ամբողջություն։ Այդ զանգվածային լրատվամիջոցներն ընդգրկում են բազմաթիվ պետական հովանավորություն ունեցող հարթակներ և առցանց տեխնոլոգիաներ։

Քարոզչության մեթոդներ

Ադրբեջանական քարոզչությունն ունի անմիջապես իրեն բնորոշ մի շարք մեթոդներ։

Հղում «հայկական» ԶԼՄ-ներին

Քարոզչության մեթոդներից է հղումն առ կեղծ, բայց որպես «հայկական» ներկայացվող ԶԼՄ-ներ, որոնք իբր հանդիսացել են տվյալ նորության սկզբնաղբյուրը։ Ինչպես նշում է փորձագետ Անժելա Էլիբեգովան, ընդ որում հաճախ չի նշվում այն «հայկական» կայքի անվանումն, որին հղում է կատարվում, իսկ ստուգումից հետո պարզվում է, որ նման հայկական ԶԼՄ ընդհանրապես գոյություն չունի։ Օրինակ, Report.az կայքը այդ մեթոդը օգտագործելով հղում էր կատարել «հայկական ԶԼՄ-ներին», պնդելով, որ Ապրիլյան պատերազմի ժամանակ հայկական կողմից զրահատեխնիկայի կորուստները կազմում էին 6 տանկ և շուրջ 12-15 հրետանային համակարգ, իսկ զոհերի թիվը՝ մի քանի հարյուր։ Որոշ ժամանակ անց նման տվյալները հայտնվում են Ադրբեջանական Հանրապետության պաշտպանության նախարարության հաղորդագրություններում։

Տես նաև

• Պատմության կեղծարարությունն Ադրբեջանում
• Ռուսական քարոզչություն

Ծանոթագրություններ

Ադրբեջան