Ադրբեջանական անձնագիր

Վիքիպեդիայից՝ ազատ հանրագիտարանից
Jump to navigation Jump to search
Ադրբեջանի Հանրապետության քաղաքացու անձնագիր

Ադրբեջանական անձնագիր (ադրբ.՝ Azərbaycan pasportu), պետական փաստաթուղթ, որը տրվում է Ադրբեջանի Հանրապետության քաղաքացիներին և օգտագործվում է անձի նույնականացման և արտասահման մեկնելու համար։ Սովորական անձնագիրն ուժի մեջ է թողարկման պահից 10 տարի ժամկետով (2007 թվականից սկսած) և պարունակում է վիզայի 34 էջ։ Անձնագրի բովանդակությունը տպագրված է ադրբեջաներեն և անգլերեն։

2018 թվականի հունվարի 1-ի դրությամբ Ադրբեջանի քաղաքացիներն ունեցել են 66 երկրներում և տարածքներում ազատ վիզայի կամ ժամանելիս վիզա ստանալու հնարավորություն, որով ադրբեջանական անձնագիրն ըստ Հենլիի վիզաների սահմանափակումների ինդեքսի տեղաշարժման ազատության մակարդակով 75-րդն է աշխարհում[1]։

Անձնագրի տեսակներ[խմբագրել | խմբագրել կոդը]

  • Սովորական անձնագիր․ տրվում է սովորական քաղաքացիներին։
    • Սովորական անձնագրերը տրվում են վավերականության 2 ժամկետով՝ 5 և 10 տարի։

18 տարեկանը չլրացած Ադրբեջանի քաղաքացիներին տրվում է 5 տարի վավերականությամբ անձնագիր, իսկ 18 տարեկանը լրացած քաղաքացիներին տրվում է 10 տարվա վավերականությամբ (կանաչ) անձագիր։

  • Պաշտոնական անձնագիր՝ տրվում է պետական ծառայողներին։
  • Դիվանագիտական անձնագիր՝ տրվում է դիվանագետներին, նրանց ընտանիքի անդամներին և բարձրաստիճան պաշտոնյաներին։

Ֆիզիկական տեսք[խմբագրել | խմբագրել կոդը]

Ադրբեջանի զինանշանը պատկերված է անձնագրի կազմի կենտրոնում, որից վերև գրված է ադրբեջաներեն «Azərbaycan Respublikası» և անգլերեն «The Republic of Azerbaijan» («Ադրբեջանի Հանրապետություն»), իսկ զինանշանից ներքև նույն լեզուներով համապատասխանաբար՝ «PASPORT» և «PASSPORT» («ԱՆՁՆԱԳԻՐ») գրությունները։

Անձնագիրն ունի ընդհանուր 54 էջ, չափերն են 88 x 124 մմ։

Ըստ անձնագրի տեսակի, ադրբեջանական անձնագիրը կարող է ունենալ հետևյալ գույները․

  • Քաղաքացիական անձնագիր, մուգ կանաչ,
  • Պաշտոնական անձնագիր, մուգ կապույտ,
  • Դիվանագիտական անձնագիր, մուգ կարմիր։

Տղեկատվական էջ[խմբագրել | խմբագրել կոդը]

Ադրբեջանական անձնագիրը տրամադրում է Ադրբեջանի ներքին գործերի նախարարությունը։ Այն տեղեկատվական էջում պարունակում է հետևյալ տեղեկությունները․

  • Անձնագրի տիրոջ լուսանկար (թվային նկար տպված էջում)
  • Տեսակը (P)
  • Անձնագրի սերիան
  • Ազգանունը
  • Տրված անուններ
  • Ծննդյան ամսաթիվ
  • Սեռ
  • Ծննդավայր (միայն քաղաք կամ գյուղ, անգամ եթե ծնված է Ադրբեջանի Հանրապետությունից դուրս)
  • Անձնագրի թողարկման ամսաթիվ
  • Անձնագրի վավերականության ավարտի ամսաթիվ
  • Անձնագրի տիրոջ ստորագրություն (թվային պատկերը տպված էջում)
  • Անձնագրի ընթեռնելիության կոդն սկսվում է «P<AZE»-ով։

Կենսաչափական անձնագիր[խմբագրել | խմբագրել կոդը]

Ադրբեջանական նոր կենսաչափական անձնագիրը թողարկվել է 2012 թվականի հուլիսի 17-ին[2]։

Անձնագրային գրքույկի նոր դիզայնը համապատասխանում է քաղաքացիական ավիացիայի միջազգային կազմակերպության 9303 նորմատիվ փաստաթղթին։

Էլեկտրոնային անձնագիրը կրում է EPassport logo.svg RFID չիպ, որը գտնվում է կազմի վրա, ինչպես նաև տեղեկությունների էջում անձնագրի տիրոջ լուսանկարից վերև։

Նոր գրքույկի ընդհանուր դիզայնը, բացի վերը նշվածից, չի տարբերվում ոչ կենսաչափական գրքույկի նախորդ նախագծից։

Վիզայի պահանջներ[խմբագրել | խմբագրել կոդը]

Վիզայի պահանջներ Ադրբեջանի քաղաքացիների համար

2018 թվականի հոկտեմբերի տվյալներով Ադրբեջանի քաղաքացիները ազատ վիզայի կամ ժամանման պահին վիզա ստանալու հնարավորությամբ կարող են այցելել 66 երկրներ և տարածքներ, որով Ադրբեջանի անձնագիրն ըստ Հենլիի վիզաների սահմանափակումների ինդեքսի տեղաշարժման ազատության մակարդակով 75-րդն է աշխարհում։

Ծանոթագրություններ[խմբագրել | խմբագրել կոդը]