Ադամ Անդերսոն

Ադամ Անդերսոն
Հիմնական տվյալներ
Բնօրինակ անուն	անգլ.՝ Adam Anderson
Ի ծնե անուն	անգլ.՝ Adam David Anderson
Ծնվել է	մայիսի 14, 1984 (39 տարեկան) ; Մանչեսթեր, Մեծ Մանչեսթեր, Միացյալ Թագավորություն
Երկիր	Միացյալ Թագավորություն, Մանչեսթեր
Ժանրեր	սինտի-փոփ, փոփ ռոք
Մասնագիտություն	երաժիշտ, ստեղնահար և կիթառահար
Գործիքներ	ստեղնաշարային գործիքներ և կիթառ
Գործունեություն	2005-ներկա
Լեյբլ	RCA
Կապված	Hurts
Կայք	Պաշտոնական կայքը
	Hurts Վիքիպահեստում

Անվան այլ կիրառումների համար տե՛ս՝ Անդերսոն (այլ կիրառումներ)

Ադամ Անդերսոն (անգլ.՝ Adam Anderson, մայիսի 14, 1984(1984-05-14), Մանչեսթեր, Մեծ Մանչեսթեր, Միացյալ Թագավորություն^[1]), հանրահայտ բրիտանական Hurts դուետի երաժիշտ, որտեղ նա նվագում է ստեղնայիններ և կիթառ, նաև գրում երաժշտություն։

Վաղ կենսագրություն[խմբագրել | խմբագրել կոդը]

Ադամն ապրել է մի փոքրիկ ծայրամասային գյուղում՝ ունենալով 16 շուն և 16 հեկտար հողատարածք։ Նրա հայրը կթվոր է եղել Hazel Grove-ում երեսուն տարիների ընթացքում, և Ադամը պատրաստվում էր գնալ նրա հետքերով։ Ադամի պապը եղել է զինվորական երաժիշտ և բանջոյի անդամ, ովքեր նվագում էին թագուհու համար։ Ադամն ունի ավագ եղբայր։ Նա պատմում է իր մասին, որ ունեցել է մի բարդ բնավորություն, որի պատճառով էլ 15 տարեկանում հեռացել է տանից։ Երբ 16 տարեկան էր, կարծում էր, որ կդառնա պոետ։ Ամենևին էլ չէր հետաքրքրվում երաժշտությամբ մինչ 17-19 տարեկանում կգներ իր առաջին ալբոմը՝ OK Computer Radiohead խմբի։ Մեկ այլ կարևոր պահ է տեղի ունեցել, երբ 20 տարեկան էր. «Ես գնեցի մի կիթառ և ձայնագրիչ, և հասկացա, որ կարող էի երաժշտություն ստեղծել, ու հասկացա, որ կարող եմ երաժիշտ դառնալ, գրել երաժշտություն, դա ինձ առանձնահատուկ դուր եկավ»։ Կիթառահար Ադամ Անդերսոնն և ստեղնաշարային երաժիշտ Սքոթ Ֆորստերը եղել են անանուն խմբի անդամ, որը հանդես էր գալիս Pink Floyd-յան ոճում, կիթառային ռոք մթնոլորտում։ Այդ ժամանակ սովորում էր համալսարանում և աշխատում վազքուղում, և նկարահանում էր շների մրցավազք։

Daggers[խմբագրել | խմբագրել կոդը]

2005 թ.-ին ծանոթանում է Թեո Հաչքրաֆթի հետ։ Միասին նրանք ստեղծում են Bureau խումբը։ Բայց Dexys Midnight Runners խմբի անդամները նրանց ներքաշում են խոշոր դատավարության մեջ և ստիպված վերանվանում են։ Ակնհայտ է, որ նրանցից մի քանիսը Dexy-ից հետո համալրում են Բարրի խումբը։ Այդ իսկ պատճառով խումբը հարկադրված վերանվանում են Daggers։ Խումբը բաղկացած էր անդամից, սակայն երկար ժամանակ երգեր էին գրում միայն Թեոն և Ադամը։ Նրանք նախընտրում են ալտերնատիվ երաժշտություն – էլեկտրոնիկա, ռոք, դիսկո-հաուս, նոր ալիք, սինտի-փոփ։ Նրանք կողմից լույս են տեսնում երկու սինգլներ։ 2006 թ-ին After Midnight», որը դառնում է շաբաթվա սինգլ Xfm ռադիոկայանում և 2007 թ.-ին «Money / Magazine», որը չնայած չհայտնվեց չարտերում, բայց նոմինացվեց Twenty Quid Music Prize-ում։ 2008 թ.-ի սեպտեմբերին Հաչքրաֆթն և Անդերսոնը բերում են իրենց խումբը Լոնդոն՝ Բեյոնսեի քրոջ Սոլանժ Նոուլզի հետ միասին գովազդային հոլովակում նկարահանվելու։ 2008 թ.-ին նրանց նկատում է հայտնի պրոդյուսեր Richard «Biff» Stannard-ը և Richard X, որի մասին Daggers-ը գրում է իրենց Myspace-ի էջում 2009 թ.-ի հունվարի 30-ին։

Hurts[խմբագրել | խմբագրել կոդը]

Daggers խմբի լուծարումից հետո, Թեոն ու Ադամը որոշում են ստեղծել արդեն նոր դուետ՝ Hurts անվամբ։ 2009 թ.-ին նրանց ճանաչեց ողջ աշխարհը։ Իրենց առաջին՝ Wonderful Life տեսահոլովակը նկարահանել են ընդամենը 20 ֆունտով։ Դուետն ընդգրկվել է 10 լավագույնների մեջ BBC Sound-ի վարկածով 2010 թ.-ին։ Այս պահին դուետն ունի երկու ալբոմ՝ Happiness(2010) և (Exile)(2013)

Հետաքրքիր փաստեր[խմբագրել | խմբագրել կոդը]

Ադամը ֆուտբոլի մեծ երկրպագու է, իսկ սիրած ֆուտբոլային թիմը Մանչեսթեր Յունայթեդն է։ Ամբողջ կազմից առանձնացնում է Ուեյն Ռունիին։
Նա ունի երեք հերոս իրական կյանքից՝ Պրինս, Մարտին Գոր (Depeche Mode) և Մորրիսի։
Առաջին ելույթներից մեկը, որն ունկնդրել է, եղել է Arcade Fire-ը Մանչեսթերում 2005 թ.-ին։
Դեբյուտային Happiness ալբոմը նվիրել է Benjamin Richard James Anderson-ին, շնորհակալություն է հայտնել Rachael Burns-ին, Jamie Massie-ին, Hilary Marsden-ին և Թեո Հաչքրաֆթին ու հայտնել է առանձնահատուկ շնորհակալություն Joe Cross-ին։