Ագնես դե Ֆրումերի

Վիքիպեդիայից՝ ազատ հանրագիտարանից
Jump to navigation Jump to search
Ագնես դե Ֆրումերի
ֆր.՝ Agnès de Frumerie
Agnes Augusta Emilia Eleonora Frumerie - from Svenskt Porträttgalleri XX.png
Ծնվել էնոյեմբերի 20, 1869(1869-11-20)[1][2]
ԾննդավայրSkövde
Մահացել էապրիլի 2, 1937(1937-04-02)[3][2] (67 տարեկանում)
Վախճանի վայրըՍտոկհոլմ, Շվեդիա
ՔաղաքացիությունFlag of Sweden.svg Շվեդիա[4]
Ֆրանսիա
Մասնագիտությունքանդակագործ
Ծնողներմայր՝ Sophia Uddman
Agnes Frumerie Վիքիպահեստում

Ագնես Էլեոնորա Օգաստա Էմիլիյա դե Ֆրումերի (շվեդ.՝ Agnes Eleonora Augusta Emilia de Frumerie, նոյեմբերի 20, 1869(1869-11-20)[1][2], Skövde - ապրիլի 2, 1937(1937-04-02)[3][2], Ստոկհոլմ, Շվեդիա), շվեդ նկարչուհի, քանդակագործ: Իր ստեղծագործական կյանքի մեծ մասը անցկացրել է Ֆրանսիայում:

Կենսագրություն[խմբագրել | խմբագրել կոդը]

Ագնես դե Ֆրումերին ծնվել է 1869 թվականի նոյեմբերի 20-ին շվեդական Շյոդվե քաղաքում: 1886-1890 թվականներին սովորել է Ստոկհոլմի Ազատ արվեստի շվեդական թագավորական ակադեմիայում: Ստացել է կրթաթոշակ արտասահմանում եռամյա կրթության համար: Բեռլինում պրոֆեսոր Օտտո Լեսսինգետի (շվեդ.՝ Otto Lessinget) մոտ սովորելուց հետո մեկնել է Իտալիա:

1892-1923 թվականներին բնակվել է Փարիզում, որտեղ սովորել է քանդակագործ Օգյուստ Ռոդենի մոտ: 1893 թվականին Ագնես դե Ֆրումերը Փարիզում ամուսնացել է Գուստավ դե Ֆրումերի (Gustaf de Frumerie) հետ, որը նրանից մեծ էր քսան տարով[5]: Ամուսինը շատ բան արեց նրա գեղարվեստական տաղանդի զարգացման ուղղությամբ: 1890-ական թվականներին նա ընդգրկվեց Փարիզի ավանգարդիստ նկարիչների միության մեջ, որտեղ ընդգրկված էր նաև ժամանակակից շվեդական գրականության և թատրոնի հիմնադիր Յուհան Ավգուստ Ստրինդբերգը, որի նկարները նա պատկերել է քանդակագործության մեջ: Որոշ ժամանակ աշխատել է՝ համագործակցելով Էդմոնդ Լաչենալի (շվեդ.՝ Edmond Lachenal) հետ[6][7]: Առաջին համաշխարհային պատերազմի սկզբում ընտանիքը տեղափոխվեց Շվեդիա, որտեղ նրանք տուն կառուցեցին և բնակություն հաստատեցին Դանդերիդում: 1930 թվականին Ագնես դե Ֆրումերին մեկնեց Հինդոս, որտեղ 1936 թվականին մահացավ նրա ամուսինը:

Ագնես դե Ֆրումերին մահացել է 1937 թվականի ապրիլի 2-ին Ստոկհոլմում՝ 67 տարեկան հասակում:

Ագնես դե Ֆրումերին համարվում է փոքրիկ կերամիկական քանդակների, արծաթե և անագե ստեղծագործությունների (Älfdans սկահակներ, Կշեռքներ, Եվան և այլն) հեղինակ: Նրա աշխատանքներից են՝

  • «Ապուրաման» (1895)
  • «Մադոննա» (1900)
  • «Մերկապար» (1911)
  • «Մելամաղձություն» (1911)
  • «Նստած աղջիկը» (1911)

Ներկայումս նրա աշխատանքները գտնվում են Ստոկհոլմում, Շվեդիայի ազգային թանգարանի հավաքածուում, Սկարա քաղաքի Västergötlands թանգարանում, Բուենոս Այրեսի դեկորատիվ արվեստի թանգարանում, Փարիզի դեկորատիվ արվեստի թանգարանում[8]:

Աշխատանքներ[խմբագրել | խմբագրել կոդը]

Ցուցահանդեսներ[խմբագրել | խմբագրել կոդը]

Ագնես դե Ֆրումերին ցուցադրվել է ստորև թվարկված ցուցասրահներում՝

  • 1895 - Ժորժ Պետի ցուցասրահ
  • 1895 - ֆրանսիացի նկարիչների սալոն (Փարիզ)
  • 1904 - Beaux-Arts սալոն (Փարիզ)
  • 1905 - Գեղարվեստի սալոն
  • 1907 - Դեկորատիվ արվեստի սալոն
  • 1908 - Գեղարվեստի ազգային միության սալոն
  • 2006 - Բուենոս Այրեսի դեկորատիվ արվեստի թանգարան (Արգենտինա)

Ծանոթագրություններ[խմբագրել | խմբագրել կոդը]