Ագնես Սլոթ-Մյոլլեր

Վիքիպեդիայից՝ ազատ հանրագիտարանից
Jump to navigation Jump to search
Ագնես Սլոթ-Մյոլլեր
Agnes Slott-Møller 1900 by Frederik Riise.jpg
Ծնվել էհունիսի 10, 1862(1862-06-10)[1][2]
ԾննդավայրNyboder, Կոպենհագեն, Մայրաքաղաքային տարածաշրջան, Դանիա, Դանիա
Վախճանվել էհունիսի 11, 1937(1937-06-11)[1][2] (75 տարեկանում)
Մահվան վայրLøgismose, Ասենս, Հարավային Դանիա տարածաշրջան, Դանիա, Դանիա[3]
ՔաղաքացիությունFlag of Denmark.svg Դանիա
ԿրթությունԿոպենհագենի գեղարվեստի իգական դպրոց[3]
Մասնագիտություննկարչուհի և քանդակագործ
Ուշագրավ աշխատանքներՆիլս Էբբեսեն
ՈւսուցիչՊեդեր Սևերին Կրյոյեր[3] և Հարալդ Սլոթ-Մյոլլեր[3]
ՊարգևներԷկկերսբերգի մեդալ
ՀայրJacob Heinrich Victor Rambusch?
ՄայրConstantine Juliane?
ԱմուսինՀարալդ Սլոթ-Մյոլլեր
Agnes Slott-Møller Վիքիպահեստում

Ագնես Սլոթ-Մյոլլեր (դան․՝ Agnes Slott-Møller, ծննդյան անունը՝ Ագնես Ռամբուշդանիերեն, հունիսի 10, 1862(1862-06-10)[1][2], Nyboder, Կոպենհագեն, Մայրաքաղաքային տարածաշրջան, Դանիա, Դանիա - հունիսի 11, 1937(1937-06-11)[1][2], Løgismose, Ասենս, Հարավային Դանիա տարածաշրջան, Դանիա, Դանիա[3]), դանիացի նկարչուհի, Դանիայում գեղանկարչության սիմվոլիստական ուղղության հետևորդ: Գտնվել է պրեռաֆայելիտական արվեստի ազդեցության ներքո: Նա իր ստեղծագործությունների համար թեմաներ վերցրել է Դանիայի հնագույն և միջնադարյան պատմությունից և ժողովրդական բանահյուսությունից: Ագնեսի ամուսինը՝ սիմվոլիստ նկարիչ Հարալդ Սլոթ-Մյոլլերն էր, ով դանիական «Ազատ ոճ» գեղարվեստական խմբի հիմնադիրներից մեկն էր:

Կենսագրություն[խմբագրել | խմբագրել կոդը]

Ագնես Սլոթ-Մյոլլերը ծնվել և իր վաղ մանկությունն անց է կացրել Կոպենհագենում դանիական ռազմածովային նավատորմի զորանոցների թաղամասում: Ագնեսի հայրը՝ Յակոբ Հենրիկ Վիկտոր Ռամբուշը (1825-1886), եղել է ծովային սպա, որը ծառայության ընթացքում հասել էր կոմմոդորի աստիճանի: Դեռ վաղ հասակից Ագնեսը հրապուրվել է դանիական պատմության մասին Լորենց Ֆրյոլիխի (Illustreret Danmarkshistorie for Folket) գունագեղ նկարազարդումների հրատարակություններով[4]: 1878 թվականին ընդունվել է Կանանց գեղարվեստա- արդյունաբերական դպրոց, որտեղ ստացել է նկարչության դասեր: Կրթությունն այստեղ ավարտել է 1885 թվականին և այն շարունակելու նպատակով դասընթացներ է ստացել գեղանկարիչ Պեդեր Սևերին Կրոյերի, այնուհետև Հարալդ Սլոթ-Մյոլլերի ղեկավարությամբ, որի հետ էլ ամուսնացել է 1888 թվականին:

Իտալիայից հարսանեկան ճամփորդությունից վերադառնալուց հետո Ագնեսը և իր ամուսինը 1891 թվականին օգնում են իրենց ընկերոջը՝ Յոհան Ռոդեին, Դանիայում նոր գեղարվեստական խումբ կազմակերպելու հարցում, անկախ այդ պահին արվեստի բնագավառում գերակայություն ունեցող ակադեմիզմի ոճի տեսակետներից և պահանջներից և այն կոչում են «Նոր ոճ» ("Den Frie Udstilling"): 1894 թվականին Ագնեսը հաղթում է Կոպենհագենի քաղաքային խորհրդի շենքի ձևավորման աշխատանքների մրցույթում: 1904 թվականին նա անկախ խմբի ներսում ծագած հակասություններին մասնակցում է Շարլոտտենբորգում կազմակերպված գարնանային ցուցահանդեսին: 1906 թվականին Ագնես Սլոթ-Մյոլլերն արվեստում ունեցած վաստակի համար պարգևատրվում է Էկկերսբերգի մեդալով: 1907 թվականին Ագնեսը և իր ամուսինը ներգրավվում են Ֆյունի գեղանկարիչների միության և տեղացի գյուղացիների (Bondemalerstriden) միջև ընդհարմանը, որն էլ պատճառ է դառնում Դանիայի գեղարվեստական շրջանակներից ժամանակավոր մեկուսացմանը:

Ագնես Սլոթ-Մյոլլերը դանիական պարբերականներում տպագրվում էր որպես Դանիայի միջնադարյան պատմության վերաբերյալ հոդվածների հեղինակ, որը լուսաբանվում էր դանիական ազգայնականության տեսանկյունից: Այս թեմայով նա նաև դասախոսություններով հանդես եկավ հանրության առջև: 1917 թվականին Ագնես Սլոթ-Մյոլլերը հրատարակում է իր առաջին խոշոր աշխատանքը՝ «Ազգային արժեքներ» (Nationale Værdier), իսկ 1923 թվականին լույս է տեսնում նրա «Ժողովրդական նկարները» (Folkevise Billeder): 1932 թվականին պարգևատրվում է «Գիտության և արվեստի բնագավառում վաստակի համար» ("Ingenio et arti") դանիական մեդալով[4]:

Ամուսնությունից Ագնես Սլոթ-Մյոլլերն ունեցել է երկու դուստր, առաջինը ծնվել է 1893 թվականին, երկրորդը՝ 1901 թվականին (մահացել է վաղ տարիքում):

Պատկերասրահ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]