Աբորտը Բոսնիա և Հերցեգովինայում
Բոսնիա և Հերցեգովինայում աբորտը օրինական է հղիության առաջին տասը շաբաթների ընթացքում՝ դիմումի հիման վրա: Տասից քսան շաբաթների ընթացքում աբորտը պետք է հաստատվի հանձնաժողովի կողմից և թույլատրվում է, երբ կնոջ կյանքին կամ առողջությանը վտանգ է սպառնում, երբ պտուղը լուրջ խանգարում ունի, երբ հղիությունը հանցագործության արդյունք է կամ հոգեսոցիալական պատճառներով: Բոլոր դեպքերում կանայք նախ պետք է անցնեն խորհրդատվություն[1]։ 20 շաբաթից հետո աբորտը թույլատրվում է միայն կնոջ կյանքը կամ առողջությունը փրկելու համար: Քրեորեն պատժելի են միայն անօրինական աբորտներ կատարող անձինք, երբեք՝ դրանց ենթարկված կանայք:
Աբորտի իրավական կարգավիճակը կարգավորվում է 2008 թվականի օրենքով. նախկինում այն կարգավորվել է 1977 թվականի հոկտեմբերի 7-ի օրենքով, որն ընդունվել է, երբ Բոսնիա և Հերցեգովինան եղել է Հարավսլավիայի կազմում[2]։
2001 թվականի դրությամբ 15-44 տարեկան 1000 կնոջ հաշվով աբորտների թիվը կազմել է 1.4, ինչը Եվրոպայում ամենացածր ցուցանիշներից մեկն է[3]: Կառավարությունը մտահոգություն է հայտնել դեռահասների շրջանում ավելի բարձր ցուցանիշի վերաբերյալ[4]։
Հանրային կարծիք
[խմբագրել | խմբագրել կոդը]2017 թվականին Pew Research-ի կողմից անցկացված հարցման համաձայն, Բոսնիա և Հերցեգովինայից հարցվածները հավասարապես բաժանվել են նրանց միջև, որոնք կարծել են, որ աբորտը պետք է օրինական լինի դեպքերի մեծ մասում (47%) և նրանց, որոնք կարծել են, որ այն պետք է անօրինական լինի դեպքերի մեծ մասում (47%): Այնուամենայնիվ, եղել է զգալի բաժանում տարբեր էթնիկ և կրոնական խմբերի միջև, որտեղ կաթոլիկները ճնշող մեծամասնությամբ դեմ էին օրինական աբորտին (71%)[5]։
Ծանոթագրություններ
[խմբագրել | խմբագրել կոդը]- ↑ «Law on the conditions and procedures for abortion, 20 March 2008» (բոսնիերեն). 2008 թ․ մարտի 20. Վերցված է 2014 թ․ մարտի 2-ին.
- ↑ Abortion Policies: A Global Review (DOC). Vol. 2. United Nations Population Division. 2002. Վերցված է 2014 թ․ մարտի 2-ին.
- ↑ «World Abortion Policies 2013». United Nations. 2013. Վերցված է 2014 թ․ մարտի 3-ին.
- ↑ Abortion Policies: A Global Review (DOC). Vol. 2. United Nations Population Division. 2002. Վերցված է 2014 թ․ մարտի 2-ին.
- ↑ Religious Belief and National Belonging in Central and Eastern Europe