Jump to content

Աբդուկոդիր Խուսանով

Վիքիպեդիայից՝ ազատ հանրագիտարանից
Աբդուկոդիր Խուսանով
Քաղաքացիությունը  Ուզբեկստան
Ծննդյան ամսաթիվ փետրվարի 29, 2004(2004-02-29)[1] (21 տարեկան)
Ծննդավայր Տաշքենդ, Ուզբեկստան[1]
Հասակ 1,86 մետր
Դիրք պաշտպան

Աբդուկոդիր Հիքմաթջոն օղլի Խուսանով[2] (ուզբ.՝ Abduqodir Xikmatjon oʻgʻli Xusanov. փետրվարի 29, 2004(2004-02-29)[1], Տաշքենդ, Ուզբեկստան[1]), ուզբեկ պրոֆեսիոնալ ֆուտբոլիստ, որը որպես կենտրոնական պաշտպան հանդես է գալիս անգլիական Պրեմիեր լիգայի «Մանչեսթեր Սիթի» ակումբում և Ուզբեկստանի ազգային հավաքականում[3]։

Ուզբեկական «Բունյոդկոր» ակումբի ակադեմիան ավարտելուց և այդ ակումբի երիտասարդական կազմում որոշ ժամանակ հանդես գալուց հետո Խուսանովը 2022 թվականին իր կարիերան շարունակել է Բելառուսում՝ Energetik-BGU- ում, որտեղ խաղացել է մեկուկես մրցաշրջան։ Դրանից հետո՝ 2023 թվականին տեղափոխվել է ֆրանսիական «Լանս ՖԱ», դարձել այդ ակումբի առանցքային խաղացողը։ 2025 թվականին էլ տեղափոխվել է «Մանչեսթեր Սիթի»՝ դրանով իսկ պատմություն կերտելով՝ դառնալով Անգլիայի Պրեմիեր լիգայի առաջին ուզբեկ խաղացողը[4]։

Խուսանովը Ուզբեկստանի հավաքականի խաղացող է, ընդ որում՝ ներկայացրել է հայրենի երկիրը դեռ 17 տարին չբոլորած։ 2023 թվականին ընտրվել է մինչև 23 տարեկանների հավաքականի ավագ և այդ կարգավիճակով մասնակցել 2023 թվականի AFC Ասիայի գավաթի խաղարկության մրցախաղերին։ Նա հանդես է եկել նաև Ուզբեկստանի ազգային հավաքականի կազմում։

Վաղ տարիներ

[խմբագրել | խմբագրել կոդը]

Տաշքենդում ծնված Խուսանովը մինչև 18 տարեկանը հանդես է եկել ուզբեկական «Բունյոդկոր» ակումբի պատանեկան թիմերում։

Էներգետիկ-ԲԳՈՒ

[խմբագրել | խմբագրել կոդը]

2022 թվականի մարտին Խուսանովը տեղափոխվել է բելառուսական «Էներգետիկ-ԲԳՈՒ» ակումբ[5], որի կազմում իր նորամուտը նշել է մարտի 19-ին Վիտեբսկի դեմ խաղում՝ առանց փոխարինման անցկացնելով ամբողջ հանդիպումը[6][7]։ Իսկ իր առաջին գոլը խփել է մայիսի 2-ին Նեման Գրոդնոյի դեմ խաղում, որի ընթացքում նաև երկու գոլային փոխանցում է կատարել[8]։ Ըստ Սպորտային հետազոտությունների միջազգային կենտրոնի հրապարակման՝ օգոստոսին Խուսանովն ընդգրկվել է աշխարհի ամենահեռանկարային խաղացողների ցանկում[9]։ Մրցաշրջանի վերջում նրա ակումբը ճանաչվել է 2022 թվականի Բելառուսի բարձրագույն խմբի առաջնության փոխչեմպիոնը[10], իսկ ուզբեկ ֆուտբոլիստն էլ տեղ է գրավել առաջնության խորհրդանշական հավաքականում[11]։

2022 թվականի դեկտեմբերին «Էներգետիկ-ԲԳՈՒ»-ի ղեկավարությունը հայտարարեց, որ Խուսանովը կշարունակի խաղալ ակումբում[12]։ Նրա առաջին խաղը նոր մրցաշրջանում տեղի ունեցավ 2023 թվականի ապրիլի 2-ին Բորիսովի ԲԱՏԷ-ի դեմ[13]։ Նա տեղ գրավեց Բելառուսի բարձրագույն խմբի առաջնության երկրորդ տուրի խորհրդանշական հավաքականում[14]։ Ապրիլի 23-ին Խուսանովը խփեց իր առաջին գոլը այդ մրցաշրջանում Սոլիգորսկի «Շախտյորի» դեմ խաղում[15]։ Երեք օր անց նա ընդգրկվեց մինչև 20 տարեկան ամենահեռանկարային խաղացողների ցանկում, որտեղ կենտրոնական պաշտպանների շարքում զբաղեցրեց 15-րդ տեղը[16]։

Լանս

[խմբագրել | խմբագրել կոդը]
Խուսանովը «Լանս»-ի խաղացող. 2024 թ.

2023 թվականի հուլիսի 24-ին Խուսանովը չորս տարվա պայմանագիր ստորագրեց ֆրանսիական Լիգա 1-ի «Լենս » ակումբի հետ[17]՝ դառնալով Լիգա 1- ում հանդես եկող առաջին ուզբեկ խաղացողը[18]։ Նա ակումբի կազմում իր նորամուտը նշեց սեպտեմբերի 16-ին. թիմն այդ խաղում «Մեցից» պարտություն կրեց 1–0 հաշվով[19]։ Նոյեմբերի 29-ին Խուսանովն անցկացրեց իր առաջին հանդիպումը ՈՒԵՖԱ-ի Չեմպիոնների լիգայի մրցաշարում՝ 19 տարեկան 9 ամսական հասակում դառնալով ամենաերիտասարդ ուզբեկը, ով խաղացել է ՈՒԵՖԱ-ի Չեմպիոնների լիգայում[20]։

Մանչեսթեր Սիթի

[խմբագրել | խմբագրել կոդը]

2025 թվականի հունվարի 20-ին Խուսանովը դարձավ առաջին ուզբեկ խաղացողը, ով պայմանագիր ստորագրեց Պրեմիեր լիգայի ակումբի հետ՝ անդամակցելով «Մանչեսթեր Սիթիին» չորսուկես տարվա պայմանագրով, նախնական 40 միլիոն եվրոյով[3][21][22]։ Հունվարի 25-ին նա դարձավ պատմության մեջ առաջին ուզբեկը, ով խաղաց Անգլիայի բարձրագույն խմբի առաջնությունում. իր դեբյուտը նշեց Չելսիի դեմ խաղում[23]։

Հանդիպումներ հավաքականների կազմերում

[խմբագրել | խմբագրել կոդը]

2020 թվականին Խուսանովն իր նորամուտը նշեց Ուզբեկստանի պատանեկան հավաքականում (մինչև 17 տարեկանների) և ընդհանուր առմամբ մասնակցեց 5 խաղի։

2022–2023 թվականներին նա հանդես է եկել Ուզբեկստանի երիտասարդական հավաքականում, մասնակցել 13 պաշտոնական հանդիպման։

Ուզբեկստանի օլիմպիական հավաքականի կազմում 2024 թվականին Փարիզում կայացած օլիմպիական խաղերի ֆուտբոլային մրցաշարի մասնակից է։

2023 թվականի հունիսի 11-ին Օմանի հավաքականի դեմ խաղում Աբդուկոդիր Խուսանովը նորամուտը նշեց Ուզբեկստանի ազգային հավաքականի կազմում[24]։ 2024 թվականի հունվարին ազգային հավաքականի կազմում մասնակցեց Քաթարում կայացած Ասիայի գավաթի խաղարկությանը[25]։ Մրցաշարում Ուզբեկստանի հավաքականը դուրս եկավ քառորդ եզրափակիչ, որտեղ 11 մետրանոց հարվածաշարում պարտվեց մրցաշարի տանտերերին[26]։

Մարզական նվաճումներ

[խմբագրել | խմբագրել կոդը]
Ուզբեկստան Ուզբեկստանի մինչև 20 տարեկանների հավաքականի կազմում
  • Ասիայի մինչև 20 տարեկանների առաջնության չեմպիոն (1)։ 2023[27]
Ուզբեկստան Ուզբեկստանի մինչև 23 տարեկանների հավաքականի կազմում
  • Ասիայի մինչև 23 տարեկանների առաջնության փոխչեմպիոն 2024[28]
Անհատական
  • Ընդգրկվել է IFFHS-ի Ասիայի խորհրդանշական իդեալական թիմի կազմում 2023 թ.[29]
  • Ապագա ստեղծողի մեդալ . 2023 թ.[30]

Ծանոթագրություններ

[խմբագրել | խմբագրել կոդը]
  1. ↑ 1,0 1,1 1,2 1,3 1,4 Transfermarkt.com(բազմ․) — 2000.
  2. ↑ «FIFA U-20 World Cup Argentina 2023 SQUAD LIST: Uzbekistan (UZB)» (PDF). FIFA. 2023 թ․ մայիսի 22. էջ 24. Վերցված է 2023 թ․ մայիսի 29-ին.
  3. ↑ 3,0 3,1 «City complete signing of Uzbek defender Khusanov». Manchester City F.C. 2025 թ․ հունվարի 20. Վերցված է 2025 թ․ հունվարի 20-ին.
  4. ↑ «Khusanov makes Uzbekistan the Premier League's 126th nation». Premier League. 2025 թ․ հունվարի 24. Վերցված է 2025 թ․ հունվարի 29-ին.
  5. ↑ Абдукадыр Хусанов в «Энергетике»-БГУ
  6. ↑ «Energetyk-BGU vs. Vitebsk». Soccerway (անգլերեն). 2022 թ․ մարտի 19.
  7. ↑ Высшая лига, 1 тур. "Энергетик-БГУ" выиграл у "Витебска"
  8. ↑ «Neman Grodno vs. Energetyk-BGU». Soccerway (անգլերեն). 2022 թ․ մայիսի 2.
  9. ↑ «Абдукодир Хусанов в списке самых перспективных игроков мира!». energetikbgu.by (ռուսերեն). 2022 թ․ օգոստոսի 30. Արխիվացված է օրիգինալից 2022 թ․ սեպտեմբերի 9-ին. Վերցված է 2023 թ․ հունիսի 15-ին.
  10. ↑ «У нас серебро!». energetikbgu.by (ռուսերեն). 2022 թ․ նոյեմբերի 13. Արխիվացված է օրիգինալից 2023 թ․ մարտի 23-ին. Վերցված է 2023 թ․ հունիսի 15-ին.
  11. ↑ «Четверо из "Энергетика-БГУ", трое из БАТЭ, двое — чемпионы страны. Символическая сборная высшей лиги». football.by (ռուսերեն). 2022 թ․ նոյեմբերի 15.
  12. ↑ «На сегодня наряд: уборка снега — тридцать человек! "Энергетик-БГУ" начал подготовку к сезону». football.by (ռուսերեն). 2022 թ․ դեկտեմբերի 8.
  13. ↑ «BATE vs. Energetyk-BGU». Soccerway. 2023 թ․ ապրիլի 2.
  14. ↑ «Морозов, Хусанов и Калачев в сборной 2-го тура высшей лиги по версии Football.by». football.by (ռուսերեն). 2023 թ․ ապրիլի 3.
  15. ↑ «Energetyk-BGU vs. Shakhtyor Soligorsk». Soccerway. 2023 թ․ ապրիլի 23.
  16. ↑ «World ranking of the 200 most promising youngsters». football-observatory.com. 2023 թ․ ապրիլի 26.
  17. ↑ Abdukodir Khusanov, talent brut venu d'Asie, RC Lens, sur rclens.fr, 24 July 2023
  18. ↑ «Comment Abdukodir Khusanov, l'inconnu d'Ouzbékistan, séduit Lens». L’Equipe. Վերցված է 2024 թ․ դեկտեմբերի 23-ին.
  19. ↑ «Saison 2023-2024 championnat». RC Lens. Վերցված է 2024 թ․ դեկտեմբերի 23-ին.
  20. ↑ «History: Arsenal 6-0 Lens». UEFA. Վերցված է 2024 թ․ դեկտեմբերի 23-ին.
  21. ↑ «Man City sign Uzbekistan defender Khusanov from Lens». Yahoo Sports. 2025 թ․ հունվարի 20. Վերցված է 2025 թ․ հունվարի 25-ին.
  22. ↑ «Man City signs 20-year-old Khusanov for $41.5 million to kick off expected January spending spree». AP News. 2025 թ․ հունվարի 20. Վերցված է 2025 թ․ հունվարի 25-ին.
  23. ↑ «Khusanov makes Uzbekistan the Premier League's 126th nation». Premier League. 2025 թ․ հունվարի 24. Վերցված է 2025 թ․ մարտի 1-ին.
  24. ↑ https://www.national-football-teams.com/de/matches/report/36882/Uzbekistan_Oman.html
  25. ↑ http://ufa.uz/o%CA%BBzbekiston-milliy-terma-jamoasining-osiyo-kubogi-uchun-yakuniy-tarkibi/
  26. ↑ https://ufa.uz/osiyo-kubogi-2023-ozbekiston-milliy-terma-jamoasi-chorak-finalda-oz-yurishini-toxtatdi/
  27. ↑ «Uzbekistan U20 vs. Iraq U20 1 - 0». soccerway.com (енглески).{{cite web}}: CS1 սպաս․ չճանաչված լեզու (link)
  28. ↑ «AFC U23 Asian Cup». soccerway.com (енглески).{{cite web}}: CS1 սպաս․ չճանաչված լեզու (link)
  29. ↑ «IFFHS Men's AFC Teams 2023». iffhs.com (енглески).{{cite web}}: CS1 սպաս․ չճանաչված լեզու (link)
  30. ↑ «O'zbekiston Respublikasi mustaqilligining o'ttiz ikki yilligi munosabati bilan yuqori natijalarga erishgan sportchi va murabbiylardan bir guruhini mukofotlash to'g'risida». president.uz (узбечки).{{cite web}}: CS1 սպաս․ չճանաչված լեզու (link)

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Աբդուկոդիր Խուսանով» հոդվածին։
Ֆոտո, վիդեո և աուդիո
Թեմատիկ կայքեր
Ստացված է «https://hy.wikipedia.org/w/index.php?title=Աբդուկոդիր_Խուսանով&oldid=10347804» էջից