Աբդելկադր Բենսալահ
| Աբդելկադր Բենսալահ | |
_(cropped).jpg)
| |
| Կուսակցություն՝ | National Rally for Democracy? |
|---|---|
| Մասնագիտություն՝ | քաղաքական գործիչ և լրագրող |
| Դավանանք | իսլամ |
| Ծննդյան օր | նոյեմբերի 24, 1941 (77 տարեկան) |
| Ծննդավայր | Fellaoucene, Felaoucene District, Tlemcen Province, Ալժիր |
| Քաղաքացիություն |  Ալժիր
|
Աբդելկադր Բենսալահ (արաբ․՝ عبد القادر بن صالح, նոյեմբերի 24, 1941, Fellaoucene, Felaoucene District, Tlemcen Province, Ալժիր), ալժիրցի պետական և քաղաքական գործիչ, 2019 թվականի ապրիլի 2-ից իրականացնում է Ալժիրի նախագահի լիազորությունները[1], 2002 թվականի հուլիսի 2-ից հանդիսանում է Ալժիրի Ազգային ժողովի նախագահը:
Կենսագրություն[խմբագրել | խմբագրել կոդը]
Պաշտոնապես հաստատված է, որ Աբդելկադր Բենսալահը ծնվել է 1941 թվականի նոյեմբերի 24-ին Թլեմսեն քաղաքից ոչ շատ հեռու գտնվող Ֆելոսենում[2][3]: սակայն մշտապես շրջանառվում է այն վարկածը, որ Բենսալահը ծնվել է Մարոկկոյում և Ալժիրի քաղաքացի է դարձել Ալժիրի անկախության համար պատերազմից հետո[4]: Բեյրութում աշխատելուց հետո, որտեղ նա 1970-1974 թվականներին ղեկավարում էր Ալժիրի տեղեկատվական և մշակութային կենտրոնը, վերադարձավ Ալժիր և պետական El Chaâb թերթում աշխատեց 3 տարի, ինչից հետո՝ 1977 թվականին, ընտրվեց Թլեսմեն պրովինցիայի ներկայացուցիչ: 12 տարի անց՝ 1989 թվականին, Բենսալահը Սաուդյան Արաբիայում նշանակվեց Ալժիրի դեսպան: Այդ պաշտոնը նա զբաղեցրեց մինչև 1993 թվականը[5][6]:
Լինելով «Ազգային ժողովրդական միավորում» կուսակցության անդամ՝ 1994-1997 թվականներին[7] եղել է Ազգային անցումային խորհրդի նախագահ և Ազգային ժողովրդական ժողովի նախագահ՝ 1997-2002 թվականներին[8]:
2002 թվականի հուլիսի 2-ից զբաղեցրել է խորհրդարանի վերին պալատի՝ Ազգային ժողովի նախագահի պաշտոնը[5]: Նա փոխարինեց Աբդել Ազիզ Բութեֆլիկային՝ նրա կառավարման վերջին շրջանում ստանձնելով նախագահական լիազորություններից մի քանիսը, այդ թվում՝ այլ պետությունների առաջնորդներին Ալժիրում դիմավորելն ու հյուրընկալելը[9]: Բենսալահը Բութեֆլիկայի հավատարիմ դաշնակիցն է. նրան սատարեց անգամ 2019 թվականի բողոքի ակցիաների ողջ ընթացքում:
Ալժիրի Սահմանադրության համաձայն՝ Բութեֆլիկայի հրաժարականից հետո[10]՝ 2019 թվականի ապրիլի 2-ին, Բենսալահը դարձավ երկրի նախագահի լիազորություններն իրականացնողը[11]: Նրա լիազորությունների ժամկետը չի կարող 90 օրից ավելին լինել. կպաշտոնավարի մինչ նոր ընտրությունների անցկացումը, որոնց ժամանակ չի կարող մասնակցել[6]:
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Ալժիրի նախագահ Աբդել Ազիզ Բութեֆլիկան հրաժարական է տվել: Մինչև նոր ընտրություններ՝ Ալժիրը կղեկավարի Սենատի խոսնակը:
- ↑ http://www.majliselouma.dz/index.php/ar/2016-07-19-12-34-56/2016-09-06-13-44-47
- ↑ https://www.lesoirdalgerie.com/articles/2015/02/28/article.php?sid=175294&cid=2
- ↑ «L'Algérie se prépare à l'après-Bouteflika»։ FIGARO։ 19 May 2013
- ↑ 5,0 5,1 Hana Saada (27 March 2019)։ «Algeria: Who is Abdelkader Bensalah, the future head of state?»։ DZ Breaking։ Վերցված է 4 April 2019
- ↑ 6,0 6,1 «Abdelkader Bensalah, un fidèle de Bouteflika qui va assurer l’intérim en Algérie»։ Le Monde (ֆրանսերեն)։ 4 April 2019։ Վերցված է 4 April 2019
- ↑ «ALGERIA: parliamentary elections Al-Majlis Ech-Chaabi Al-Watani, 1997»։ archive.ipu.org
- ↑ «Algérie : qui est Abdelkader Bensalah, l’homme qui devrait prendre la succession d'Abdelaziz Bouteflika après sa démission ?»։ LCI
- ↑ «Algeria’s next in line: Bouteflika loyalist Abdelkader Bensalah»։ France 24։ 2 April 2019
- ↑ "Вечный" президент Алжира Бутефлика уходит в отставку. Он правил страной 20 лет
- ↑ «Algeria’s next in line: Bouteflika loyalist Abdelkader Bensalah»։ France 24։ April 2, 2019։ Վերցված է April 2, 2019
| Քաղաքական պաշտոններ | ||
|---|---|---|
| Նախորդող: Բաքիր Բումազա |
Ազգային ժողովի նախագահ 2002-այժմ | |
| Նախորդող: Աբդել Ազիզ Բութեֆլիկա |
Ալժիրի նախագահ Acting 2019-այժմ | |
