Բուխարեստում ստացել է նախնական կրթությունը։ Հետագայում սովորել է Բուխարեստի Մաթեյ Բասարապ լիցեյում։ Մասնագիտական կրթությունն ստացել է Բուխարեստի գեղարվեստների դպրոցում, ուր սովորել է 1896-1901 թվականներին։ Ստեղծագործել է ընդամենը ութ տարի։ Նկարել է հիմնականում չքավոր խավի մարդկանց ու դրվագներ նրանց կյանքից, նաև բնանկարներ, դիմանկարներ։ Ռումին արվեստագետները նրա ստեղծագործություններում նկատել են հայկական մանրանկարչության շեշտված ազդեցություն։
1907 թվականին ունեցել է անհատական երկու ցուցահանդես, որտեղ ցուցադրվել է 200 յուղաներկ, ջրաներկ, գրաֆիկական և մանրանկարչական գործեր։ Առավել նշանավոր գործերից են. «Քոլոմբա», «Արևի տակ», «Բազակայի վաճառականուհին», «Սերմնացանը», «Չերքեզուհին», «Բյուզանդական իշխանուհիներ», «Աշնանային տպավորություններ»։ Նրա որոշ գործեր պահվում են ռումինական պետական պատկերասրահում, Կլուժի արվեստի թանգարանում, Չամպաքչյանի, դոկտոր Սևերինյանոսի, Օփրեսկուի նաև այլ երկրների, ինչպես նաև դոկտոր Դիեոլաֆուայի (Փարիզ) հավաքածուներում։ Մահացել է 29 տարեկանում[3][4]։
Petru Comarnescu, Apcar Baltazar, Editura de stat pentru literatură şi artă, 1956
Radu Ionescu, ed., Apcar Baltazar: Convorbiri Artistice (an anthology of his writings), Editura Meridiane, 1974
Dana Herbay and Dorana Coșoveanu, Apcar Baltazar, 1880–1909: expoziție retrospectivă (exhibition catalog) Muzeul de Artă al Republicii Socialiste România, 1981
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 2, էջ 231)։