Ա՜խ, ես երանի...
| Ա՜խ, ես երանի... | |
|---|---|
| Տեսակ | բանաստեղծություն |
| Ժանր | բանաստեղծություն |
| Ձև | բանաստեղծություն |
| Հեղինակ | Հովհաննես Թումանյան |
| Բնագիր լեզու | հայերեն |
| Գրվել է | 1891 |
| Վիքիդարան | Ա՜խ, ես երանի... |
«Ա՜խ, ես երանի...», Հովհաննես Թումանյանի բանաստեղծություններից գրված՝ 1891 թվականին[1]։
Պատմություն[խմբագրել | խմբագրել կոդը]
Հովհաննես Թումանյանն այս բանաստեղծությունը գրել է 1891 թվականի հունվարի 13-ին։
Ինքանագիրը չի պահպանվել[1]։
Այս բանաստեղծությունն առաջին անգամ առանց վերնագրի տպագրվել է 1891 թվականին լույս տեսած «Մուրճ» ամսագրի №3-ում (էջ 341)։ Այնուհետև՝ Մոսկվայում 1892 թվականին լույս տեսած Հովհաննես Թումանյանի բանաստեղծությունների երկրորդ հատորում ( էջ 85)՝ թվագրված՝ «1891 թվականի հունվարի 13»։ Հետո՝ 1903 թվականին՝ Թիֆլիսում լույս տեսած Հովհաննես Թումանյանի բանաստեղծությունների գրքում։ 1908 թվականին Բաքվում լույս է տեսել Հովհաննես Թումանյանի բանաստեղծությունների գիրքը՝ դարձյալ առանց վերնագրի ( էջ 15)։ Ապա՝ Երևանում 1940-1959 թվականին Հովհաննես Թումանյանի երկերի լիակատար ժողովածուի գիտական հրատարակության առաջին հատորում (Էջ 60)։
Արտատպվում է 1908 թվականին Բաքվում լույս տեսած Հովհաննես Թումանյանի բանաստեղծություններ գրքից[1]։
