ԱՄՆ (եռերգություն)
ԱՄՆ անգլ.՝ U.S.A. | |
|---|---|
 | |
| Հեղինակ | Ջոն Դոս Փասոս |
| Տեսակ | վեպերի շարք և եռագրություն |
| Ժանր | քաղաքական ֆանտաստիկա |
| Կազմված է | The 42nd Parallel? |
| Բնօրինակ լեզու | անգլերեն |
| Երկիր |  ԱՄՆ |
| Հրատարակիչ | Modern Library? |
| ԳՄՍՀ | 1-883011-14-0 |
| OCLC | 33819088 |
| Պարգև(ներ) | |
ԱՄՆ (եռերգություն) (անգլ.՝ The U.S.A.) ամերիկացի գրող Ջոն Դոս Փասոսի երեք վեպերից կազմված շարք, որը ստեղծվել է Ռուսաստան կատարած ճանապարհորդությունից անմիջապես հետո և կոմունիզմի գաղափարներից հիասթափվելուց առաջ. «42-րդ զուգահեռը» (պատմվածքը գրված է 1930 թվականին), «1919» (գրված 1932 թվականին) և «Մեծ փողեր» (գրված 1936 թվականին)։ Բոլոր երեք աշխատանքները մեկ գրքում՝ «ԱՄՆ», առաջին անգամ տպագրվել է 1938 թվականի հունվարին՝ Harcourt-ի կողմից։ Ըստ «Modern Library» հրատարակչության, այն ընդգրկված է XX դարում գրված անգլերեն լեզվով հարյուր լավագույն վեպերի ցանկում, որում այն զբաղեցնում է 23-րդ տեղ[1]։
Առանձնահատկություն և բովանդականություն
[խմբագրել | խմբագրել կոդը]Վեպերից յուրաքանչյուրում գրողը նկարագրել է տարբեր ամերիկացիների պատմություններ, որոնց ճակատագրերը, այնուամենայնիվ, հատվում են սյուժեի զարգացման ընթացքում, ովքեր 20-րդ դարի առաջին կեսին փորձել են իրենց տեղը գտնել ամերիկյան հասարակության մեջ։ Մեջբերել է նաև կարճ կենսագրական պատմություններ երկրի հայտնի քաղաքացիների մասին, ինչպիսիք են Այսեդորա Դունկան կամ Ֆրեդերիկ Թեյլորը, երբեմն` իրենց գործունեության բացասական գնահատմամբ, երբեմն էլ դրական կամ չեզոք։ Այս աշխատության մեջ Դոս Փասոսը ստեղծեց կոլաժների նման մի բան՝ հիմնված թերթի հրապարակումների և ժողովրդական երգերի վրա, տեղադրեց ինքնակենսագրական գլուխներ՝ գրված գիտակցության հոսքի եղանակով։ Ընդհանուր առմամբ, եռագրության մեջ կարելի է առանձնացնել պատմվածքի չորս ձև։ Չնայած «ԱՄՆ»-ում ակնհայտ հերոսի բացակայությանը, Եկատերինա Սալմանովայի խոսքերով «կարելի էր կռահել միայնակ տղամարդու կերպարը, որը օգնության և աջակցության կարիք ունենալով կորել էր այս խառնաշփոթ և անտարբեր աշխարհում»[2]։
Վեպերում մեծ ուշադրություն է դարձվում աշխատող դասակարգի` իրենց իրավունքների համար պայքարի հարցերին։ «Մեծ փողեր»-ի էջերում նկարագրում է «Սակոյի և Վանզետիի գործը»[3])։
«ԱՄՆ»-ի տեքստը մի քանի անգամ հարմարեցվել է ռադիոհաղորդումների համար[4]։
Ծանոթագրություններ
[խմբագրել | խմբագրել կոդը]- ↑ «100 книг по версии Modern Library» (ռուսերեն). the-best-books.ru. Արխիվացված է օրիգինալից 2018 թ․ փետրվարի 4-ին. Վերցված է 2018 թ․ փետրվարի 14-ին.
- ↑ «Романы Джона Дос Пассоса» (ռուսերեն). litresp.ru. Վերցված է 2018 թ․ փետրվարի 14-ին.
- ↑ «Текст романа «Большие деньги» в русском переводе» (ռուսերեն). litresp.ru. Վերցված է 2018 թ․ փետրվարի 14-ին.(չաշխատող հղում)
- ↑ Sackler, Howard. «42nd Parallel Radio Production, 1/6». SoundCloud. Վերցված է 2014 թ․ սեպտեմբերի 18-ին.
| ||||||||||
