«Խազինե» ազգային գեղարվեստական պատկերասրահ

«Խազինե» ազգային գեղարվեստական պատկերասրահ
Տեսակ	պատկերասրահ
Երկիր	Ռուսաստան
Տեղագրություն	Թաթարստան
Վայր	Կազանի Կրեմլ
Մասն է	Թաթարստանի կերպարվեստի պետական թանգարան
Հիմնադրվել է	2005
Կայք	izo-museum.ru/hazine

«Խազինե» ազգային գեղարվեստական պատկերասրահ (ԱԳՊ) (թաթ.՝ Хәзинә» милли сәнгать галереясе), Թաթարստանի կերպարվեստի պետական թանգարանի մասնաճյուղը։

Ստեղծման պատմություն[խմբագրել | խմբագրել կոդը]

«Խազինե» ազգային գեղարվեստական պատկերասրահը բացվել է 2005 թվականին Կազանի Կրեմլի նախկին յունկերական դպրոցի շենքում, Կազանի հիմնադրման 1000-ամյակի տոնակատարության տարում, որպես Թաթարստանի կերպարվեստի պետական թանգարանի կառուցվածքային ստորաբաժանում։

Ցուցադրություն[խմբագրել | խմբագրել կոդը]

Կազանի տարածաշրջանի և Թաթարստանի արվեստը ներկայացված է Թաթարստանի կերպարվեստի պետական թանգարանի հավաքածուում։ Թաթարստանի կերպարվեստի մշտական ցուցադրությունը, որտեղ ներկայացված են երկու հազար արվեստի գործեր Թաթարստանի կերպարվեստի պետական թանգարանից, զբաղեցնում է 2-րդ և 3-րդ հարկերի մեծ մասը, 1-ին հարկում ցուցասրահներն են։

Պատկերասրահի սրահներում ներկայացված են այնպիսի արվեստագետների աշխատանքներ, որոնք կապված են Կազանի արվեստի դպրոցի (1895-1917) հետ (Գ. Ա. Մեդվեդև, Ի. Ա. Դենիսով, Պ. Պ. Բենկով, Պ. Ա. Ռադիմով, Շ. Ն. Մուխամեջանով, Դ. Ն. Կրասիլնիկով, Մ. Զ. Քարիմով), 1920-1930-ական թվականների արվեստ (Կոնստանտին Չեբոտարև, Ա. Պլատունովա, Ա. Ալեքսանդրով, Ն. Լոմոնոսով, Վ. Տիմոֆեև, Ն. Սոկոլսկի, Մ. Վասիլևա, Ն. Վալիուլլին, Յա. Ուշկով, Լ. Ալեքսանդրով, Պ. Բայբարիշև, Վ. Զինովև), 20-րդ դարի ազգային արվեստի զարգացման բոլոր փուլերը (Նիկոլայ Կուզնեցով, Անդրեյ Պրոկոպև, Սերգեյ Լիվին, Նիկոլայ Ինդյուխով, Ռաուլ Նուրմուխամետով, Եվգենի Զուև, Վիկտոր Կուդելկին, Բորիս Մայորով, Իսկանդեր Ռաֆիկով, Ա. Անիկեենոկ, Ի. Վուլոխ)։ Մի քանի սրահներ նվիրված են Կազանի խոշորագույն նկարիչ Նիկոլայ Ֆեշինի աշխատանքներին։

Այստեղ կարելի է ծանոթանալ թաթարական պրոֆեսիոնալ արվեստի հիմնադիրներից մեկի՝ Բակի Ուրմանչեի ստեղծագործություններին, խորհրդային շրջանի մեծ նկարիչ Խարիս Յակուպովի ստեղծագործությունների հետ (նրա աշխատանքները ցուցադրվում են առանձին պատկերասրահում)։