Պտղոմեոս XIV
Պտղոմեոս XIV հունարեն՝ Πτολεμαίος ΙΔ΄, Ptolemaĩos | ||
Պտղոմեոս XIV-ի պատկերով մետաղադրամ | ||
| ||
---|---|---|
Մ․թ․ա․ 47-44 թվականներ | ||
Նախորդող | Կլեոպատրա և Պտղոմեոս XIII Թեոս Ֆիլոպատոր | |
Հաջորդող | Կլեոպատրա և Պտղոմեոս XV Կեսարիոն | |
Մասնագիտություն՝ | գերիշխան | |
Ազգություն | եգիպտացի | |
Դավանանք | եգիպտական բազմաստվածություն | |
Ծննդյան օր | Մ․թ․ա․ 60/59 թվական | |
Վախճանի օր | Մ․թ․ա․ 44 թվականի հուլիսի 26 | |
Դինաստիա | Պտղոմեոսներ | |
Քաղաքացիություն | Հին Եգիպտոս | |
Հայր | Պտղոմեոս XII Աուլետես | |
Մայր | անհայտ | |
Ամուսին | Կլեոպատրա | |
Պտղոմեոս XIV (հունարեն՝ Πτολεμαίος ΙΔ΄, Ptolemaĩos) կամ Պտղոմեոս XIV Թեոս Ֆիլոպատոր II, Եգիպտոսի փարավոն, որը ապրել է մ․թ․ա․ 60/59-44 թվականներին և Եգիպտոսը կառավարել մ․թ․ա․ 47-44 թվականներին։ Նա Պտղոմեոս XII Աուլետեսի որդին է և Պտղոմեոսյան հարստության ներկայացուցիչներից մեկը։
Կենսագրություն
Ավագ եղբոր՝ Պտղոմեոս XIII-ի մահից հետո՝ մ․թ․ա․ 47 թվականի հունվարի 13-ին, ըստ վերջինիս կտակի՝ Պտղոմեոս XIV-ը հռչակվել է Եգիպտոսի փարավոն և համակառավարիչ՝ իր ավագ քրոջ՝ Կլեոպատրայի հետ համատեղ։ Նա մոտ 12 տարեկան էր, երբ ժառանգեց Եգիպտոսի գահը։ Նա և իր ավագ քույրը՝ Կլեոպատրան, ամուսնացել են, սակայն Կլեոպատրան շարունակել է սիրային հարաբերությունների մեջ մնալ Հռոմի դիկտատոր Հուլիոս Կեսարի հետ։ Համարվում է, որ Պտղոմեոսը կառավարել է միայն անվամբ, քանի որ դա էին ենթադրում եգիպտական սովորույթները, սակայն իրական իշխանությունը կենտրոնացված է եղել իր քույր Կլեոպատրայի ձեռքում։
Մ․թ․ա․ 44 թվականի մարտի 15-ին մի շարք դավադիրների կողմից, որոնց թվում ամենանշանավորն էին Մարկոս Յունիոս Բրուտոսը և Գայոս Կասսիոս Լոնգինուսը, Հռոմում սպանվել է Կեսարը։ Շուտով սպանվում է նաև Պտղոմեոսը։ Նրա կենդանության մասին վերջին հիշատակությունը վերաբերվում է մ․թ․ա․ 44 թվականի հուլիսի 26-ին։ Ենթադրվում, սակայն դեռևս անորոշ է մնում այն կարծիքը, որ Կլեոպատրան իր աղբորը թունավորել է ընձախոտով։ Դրանից հետո իր որդուն՝ Պտղոմեոս XV Կեսարիոնին, Կլեոպատրան մ․թ․ա․ 44 թվականի սեպտեմբերի 2-ին դարձնում է Եգիպտոսի փարավոն և համակառավարիչ։
Տոհմածառ
Ծանոթագրություններ
Արտաքին հղումներ
- Ptolemy XIV Theos Philopator II entry in historical sourcebook by Mahlon H. Smith
Նախորդող: Կլեոպատրա և Պտղոմեոս XIII |
Եգիպտոսի փարավոն մ․թ․ա․ 47-44 համատեղ իշխող Կլեոպատրա |
Հաջորդող: Կլեոպատրա և Պտղոմեոս XV Կեսարիոն |