Քեթի (գյուղ)
| Գյուղ | ||
|---|---|---|
| Քեթի | ||
| Երկիր |  Հայաստան | |
| Մարզ | Շիրակի | |
| Այլ անվանումներ | Մեծ Քեթի | |
| Մակերես | 17.5 կմ² | |
| ԲԾՄ | 1740 մ | |
| Պաշտոնական լեզու | հայերեն | |
| Բնակչություն | 1117[1] մարդ (2012) | |
| Ազգային կազմ | հայեր | |
| Տեղաբնականուն | քեթեցի | |
| Ժամային գոտի | UTC+4 | |
| Հեռախոսային կոդ | +374 312[2] | |
| ||
Քեթի, գյուղ Հայաստանի Հանրապետության Շիրակի մարզում, մարզկենտրոնից 10 կմ հյուսիս, արևելքից Ուխտի սար և հյուսիսից Պոլոզսար լեռնաշղթաների մեջ փռված գոգավորությունում։
Քեթի գյուղը գտնվում է Երևան-Գյումրի-Վրաստան միջպետական ավտոճանապարհի վրա, Գյումրիից 10 կմ, Երևանից՝ 135 կմ հեռավորության վրա։
Քեթի գյուղը հիմնադրվել է 1829 թ.-ին։ Սկզբում կոչվել է Մեծ Քեթի, հետագայում անվանումը փոխվել է՝ Քեթի։
Բնակչություն
Նախնիները գաղթել են Կարսից, Մուշի և Բասենի գյուղերից։
Քեթիի ազգաբնակչության փոփոխությունը.[3]
| Տարի | 1831 | 1897 | 1926 | 1939 | 1959 | 1970 | 1979 | 1989 | 2001 | 2004 |
|---|---|---|---|---|---|---|---|---|---|---|
| Բնակիչ | 258 | 913 | 528 | 921 | 872 | 865 | 807 | 895 | 1105 | 1141 |
Տնտեսություն
Բնակչության հիմնական զբաղմունքը անասնապահությունն ու հողագործությունն է՝ ցորենի, գարու, առվույտի, կարտոֆիլի, կաղամբի, բանջարաբոստանային կուլտուրաների և մրգերի արտադրությունը։
Պատմամշակութային կառույցներ
Մ.թ.ա. III-II հազարամյակների կիկլոպյան ամրոցի, դամբարանադաշտերի և բնակատեղիների, V-XIX դարերի և XII-XX դարերի եկեղեցիների և մատուռների հետքերը, VII-XX դարերի և XIX-XX դարերի գերեզմանոցները վկայում են գյուղի՝ որպես բնակատեղի, հազարամյա պատմության մասին։ Պեղումների ժամանակ հայտնաբերվել են հնագիտական բարձրարժեք դրածոներ։
Գյուղից 2 կմ հյուսիս-արևմուտք “Քարոտ հողեր” հանդամասում հայտնաբերվել է դամբարանադաշտ։ Այստեղ է գտնվում մ.թ.ա. X-IV դարերի “Զորանոց” ամրոցը։
Տես նաև
Ծանոթագրություններ
- ↑ ԱՎԾ տվյալներ
- ↑ http://www.cfoa.am/HTML/option/7.htm
- ↑ «Հայաստանի հանրապետության բնակավայրերի բառարան, էջ 207» (PDF). Վերցված է 2014 Մայիսի 9-ին.
