«Hot n Cold», ամերիկացի երգչուհի Քեթի Փերրիի երգը։ Գրվել է Dr. Luke-ի, Մաքս Մարտինի ու Քեթի Փերրի կողմից վերջինիս One of the Boys երկրորդ ալբոմի համար։ Թողարկվել է որպես ալբոմի երրորդ սինգլ։ Կրկներգում հնչում է երկակի հականիշների շարք (տաք/սառը, ճիշտ/ոչ ճիշտ, սև/սպիտակ), որպեսզի ընդգծվի հերոսների հարաբերությունների փոփոխական բնույթը։ Սինգլը հասել է Billboard Hot 100 հիթ-շքերթի երրորդ հորիզոնականին՝ դառնալով Փերրի երեք լավագույն սինգլներից երկրորդը նրա նախորդ՝ «I Kissed a Girl» համաշխարհային հիթից հետո։ Սինգլը նաև եղել է երկրորդը, որ ընդգրկվել է լավագույն հնգյակում աշխարհի բազմաթիվ երկրներում, ներառյալ Մեծ Բրիտանիան, Ավստրալիան, Իռլանդիան և Նոր Զելանդիան, ինչպես նաև գլխավորել հիթ-շքերթներն ավելի քան 25 երկրներում (ներառյալ Թուրքիան, Ֆինլանդիան, Գերմանիան, Հունաստանը, Կանադան, Նորվեգիան, Իսպանիան, Դանիան և այլն)։
«Blender» ամսագիրը երգը կոչել է «կրքոտ, զուսպ թափանց համբույր»[1]։ Երգն սկսել է հնչել հյուսիսամերիկյան ռադիոկայաններում սեպտեմբերի 9-ից՝ այդ շաբաթվա ընթացքում ներկայացվելով ռեկորդային թվով։ Քեթի Փերրին առաջին անգամ հեռուստատեսությամբ երգը կատարել է NBC’s Today շոուում օգոստոսի 29-ին։ Radio 1-ին տված հարցազրույցում Քեթի Փերրին ասել է, որ «Hot n Cold» երգը կդառնա հաջորդ սինգլը «I Kissed a Girl» հիթից հետո Մեծ Բրիտանիայում և Ավստարալիայում։ Գոյություն ունեն երեք ռադիոտարբերակներ՝ որոնցում փոփոխված կամ հանված են բառեր։ Փերրին երգը կենդանի կատարմամբ ներկայացրել է MTV EMA-ի ընթացքում Լիվերպուլում 2008 թվականի նոյեմբերի 6-ին։ Երգի ռեմիքսներն օգտագործվել են iPhone OS game Tap Tap Revenge խաղում։ Երգը նաև բացել է YouTube Live առաջին ամենամյա համերգը 2008 թվականի նոյեմբերի 22-ին[2]։
Սինգլը ներկայացվել է Գրեմմի 52 մրցանակաբաշխությանը «Կնոջ լավագույն վոկալային փոփ կատարում» անվանակարգում։
Երգն օգտագործվել է որպես սաունդթրեք «Just Dance» տեսախաղում։
«Hot N Cold» երգն ԱՄՆ Billboard Hot 100 հիթ-շքերթում ընդգրկվել է 2008 թվականի հունիսի 17-ին։ Ամերիկյան Hot 100 հիթ-շքերթում այն իր նորամուտը կատարել է 88-րդ հորիզոնականում և դուրս մնացել հաջորդ շաբաթում։ Երգը հիթ-շքերթում կրկին ընդգրկվել է օգոստոսի 5-ին՝ կրկին զբաղեցնելով 88-րդ հորիզոնականը։ Ամենաբարձր՝ երրորդ հորիզոնականին երգը հասել է նոյեմբերի 11-ին, և «Hot N Cold» երհը դարձել է երեք լավագույն հիթերից երկրորդը։ Այդ ժամանակ նա լավագույն տասնյակում մնացել է 18 շաբաթ («I Kissed A Girl» երգն այդ հիթ-շքերթում մնացել է 14 շաբաթ)։ «Hot n Cold» երգն ստացել է եռակի պլատինե կարգավիճակ RIAA-ից։ Կանադայում այն իր նորամուտը կատարել է 73-րդ հորիզոնականում և հասել հիթ-շքերթի առաջին հորիզոնականին 2008 թվականի նոյեմբերի 20-ին։ Երգն ավելի մեծ հաջողություն է ունեցել, քան «I Kissed a Girl»-ը և դարձել հիթ U.S. Mainstream Top 40 և Adult Top 40 ռադիո հիթ-շքերթներում։
UK Singles Chart հիթ-շքերթում երգը հասել է չորրորդ հորիզոնականին դեկտեմբերի 7-ին։ Դեկտեմբերի 21-ին այն դուրս է մնացել լավագույն տասնյակից՝ զբաղեցնելով 12-րդ հորիզոնականը, սակայն հաջորդ շաբաթում զբաղեցրել է իններորդ հորիզոնականը ու շարունակել բարձրանալ՝ 2009 թվականի հունվարի 4-ին հասնելով յոթերորդ հորիզոնականին։ Իռլանդիայում երգը հասել է երրորդ հորիզոնականին։ «Hot N Cold» երգը գերմանական German Singles Chart հիթ-շքերթում իր նորամուտը կատարել է երկրորդ հորիզոնականում համացանցով էլեկտրոնային տարբերակների վաճառքի բարձր ցուցանիշների շնորհիվ։ Երկրորդ շաբաթում այն բարձրացել է մեկ հորիզոնական Գերմանիայում և այն պահպանել ութ շաբաթ անընդմեջ։ Ավստրալիայում սինգլն ընդգրկվել է լավագույն հիսուն երգերի ցանկում, ապա բարձրացել լավագույն տասնյակ։ Հետո երգն աստիճանաբար հասել է ամենաբարձր՝ չորրորդ հորիզոնականին բացառապես ներբեռնումների հաշվին։ Այն գլխավորել է նաև Australian Airplay Chart հիթ-շքերթը։ Ռուսաստանում «Hot n Cold» երգը հասել է առաջին հորիզոնականին։ Երգը the Russian Airplay Chart հիթ-շքերթում իր նորամուտը կատարել է 127-րդ հորիզոնականում և ութ շաբաթ անց՝ դեկտեմբերի 15-ին հասել առաջին հորիզոնականին։ Հունաստանում երգի զբաղեցրած ամենաբարձր հորիզոնականը եղել է երրորդը[3]։
*Վաճառքի վերաբերյալ տվյալները հիմնված են միայն հավաստագրումների վրա։ ^Տվյալները հիմնված են միայն հավաստագրումների վրա։ xՉճշտված տվյալները հիմնված են միայն հավաստագրումների վրա։
↑«Pop Rock» (Spanish). Record Report. 2009 թ․ հունվարի 17. Արխիվացված է օրիգինալից 2009 թ․ հունվարի 19-ին.{{cite web}}: CS1 սպաս․ չճանաչված լեզու (link)