Տաթև Ղարիբյան
- Վիքիպեդիայում կան հոդվածներ Ղարիբյան ազգանունով այլ մարդկանց մասին։
| Տաթև արքեպիսկոպոս Ղարիբյան | |
|---|---|
 | |
| Ծնվել է | 1937, ապրիլի 15 |
| Մահացել է | 2014, նոյեմբերի 26 |
| Մահվան վայր | Սան Պաուլո, Բրազիլիա |
| Քաղաքացիություն |  Հայաստան |
| Ազգություն | հայ |
| Կրոն |  Հայ Առաքելական եկեղեցի |
| Աշխատանք | Հոգևորկան, արքեպիսկոպոս |
Տաթև (Հովհաննես) արքեպիսկոպոս Ղարիբյան (ապրիլի 15, 1937 - նոյեմբերի 26, 2014, Սան Պաուլո, Բրազիլիա), Մայր Աթոռ Սուրբ Էջմիածնի երիցագույն միաբան, Բրազիլիայի հայոց թեմի առաջնորդ (1980-2013 թթ.)։
Կենսագրություն[խմբագրել | խմբագրել կոդը]
Տաթև արքեպիսկոպոս Ղարիբյանը նախնական կրթությունն ստացել է Հալեպի Վարդանանց վարժարանում՝ Հիսուսյան հայրերի մոտ։ 1952 թվականին ավարտելով ուսումը՝ շարունակել է զբաղվել ինքնակրթությամբ, սովորել է Երուսաղեմի ժառանգավորաց վարժարանում, որի ընծայարանն ավարտել է 1963 թվականին։ 1963 թվականի հուլիսի 21-ին ձեռամբ Երուսաղեմի Պատրիարք Տ. Եղիշե արքեպիսկոպոս Տերտերյանի ձեռնադրվել է կուսակրոն քահանա՝ համալրելով Երուսաղեմի Սրբոց Հակոբյանց միաբանության շարքերը։ 1963-1966 թթ. վարել է Ժառանգավորաց վարժարանի և ընծայարանի փոխտեսչի պաշտոնը։ 1966 թվականին ստացել է մասնավոր վարդապետության աստիճան և Հարավային Ամերիկայի հայրապետական պատվիրակ Տ. Բաբկեն արքեպիսկոպոս Ազատյանի հրավերով մեկնել է Արգենտինա։ 1966-1980 թթ. ծառայել է Արգենտինայում որպես Կորդոբայի հայ համայնքի հոգևոր հովիվ։ 1975 թվականին ստացել է ծայրագույն վարդապետության աստիճան ձեռամբ Տ. Բաբկեն արքեպիսկոպոս Ապատյանի, 1980 թվականին ընտրվել է Բրազիլիայի հայոց թեմի առաջնորդ։ 1984 թվականի հոկտեմբերի 14-ին ձեռամբ Վազգեն Ա Ամենայն Հայոց Կաթողիկոսի ձեռնադրվել և օծվել է եպիսկոպոս։ 1993 թվականի հունվարին նրան շնորհվել է Արքության պատիվ։
Տաթև արքեպիսկոպոս Ղարիբյանի պաշտոնավարության ընթացքում ստեղծվել են բրազիլահայ գաղութի պաշտոնաթերթը, «Արևագալ» պատանիների երգչախումբը և եկեղեցու նոր դպրաց դասը, նորոգվել է եկեղեցին, կառուցվել «Սահակ-Մեսրոպ» վարժարանի նոր շենքը, որի հայերեն բաժնի տնօրինությունը վարել է մինչև իր պաշտոնավարության վերջը[1]։
Պարգևներ[խմբագրել | խմբագրել կոդը]
- Հայաստանյայց Առաքելական Սուրբ Եկեղեցու «Սուրբ Ներսես Շնորհալի» պատվո բարձր շքանշան, Գարեգին Բ Ամենայն Հայոց Կաթողիկոսի կողմից քահանայագործության հիսնամյա հոբելյանի առիթով, 2013 թ.
- Սան Պաուլոյի համալսարանի պատվավոր դիպլոմ[2]