Տիցիանո Ֆերո

Տիցիանո Ֆերո
Հիմնական տվյալներ
Բնօրինակ անուն	Tiziano Ferro
Ծնվել է	փետրվարի 21, 1980 (44 տարեկան); Լատինա, Լացիո, Իտալիա
Երկիր	Իտալիա
Ժանրեր	փոփ, R&B, սոուլ
Մասնագիտություն	երգիչ, կոմպոզիտոր, բանաստեղծ
Երգչաձայն	բարիտոն
Գործիքներ	դաշնամուր և վոկալ
Գործունեություն	1997 - այժմ
Լեյբլ	EMI
Կապված	Kelly Rowland, Mary Jane Blige, John Legend, Linea 77
Պարգևներ	MTV Europe Music Award for Best Italian Act? և Premios Oye!?
Կայք	tizianoferro.com
	Tiziano Ferro Վիքիպահեստում

Տիցիանո Ֆերո (իտալ.՝ Tiziano Ferro, փետրվարի 21, 1980(1980-02-21)^[1], Լատինա, Լացիո, Իտալիա^[2]), իտալացի երգիչ, երգահան և երգերի հեղինակ։

Կենսագրություն[խմբագրել | խմբագրել կոդը]

Մանկություն և պատանեկություն[խմբագրել | խմբագրել կոդը]

Տիցիանո Ֆերոն ծնվել է 1979 թվականի փետրվարի 21-ին Լատինա քաղաքում, Լացիոյի շրջանում, գեոդեզիստ Սերջո Ֆերոյի և տնային տնտեսուհի Ջուլիանայի ընտանիքում։ Տիցիան Ֆերոն ունի նաև կրտսեր եղբայր՝ Ֆլավիոն, որը նրանից 11 տարիք փոքր է։

Տիցիանոն սկսել է հետաքրքրվել երաժշտությամբ 5 տարեկան հասակում, երբ Սուրբ ծննդյան տոնին նրան խաղալիք սինթեզատոր էին նվիրել։ Այդ ժամանակ էլ նա սկսում է ստեղծել իր առաջին երգերն ու երաժշտությունները՝ ձայնագրելով դրանք նվագարկչի վրա։ 1987 թվականին նրա կողմից գրած երկու ստեղծագործությունները՝ «Երկինք» և «Աչքեր», ընդգրկված են նրա «Nessuno è solo» ձայնասկավառակում՝ գաղտնի երգերի տեսքով։

1996 թվականին 17 տարեկան հասակում նա միացել է Լատինայի գոսփել-երգչախմբին և սիրահարվել է աֆրոամերիկյան երաժշտության ռիթմերին և տրամադրությանը։

1996 և 1997 թվականների ընթացքում մասնակցել է ֆիլմերի կրկնօրինակման հեռակա կուրսերի և սկսել է աշխատել իր քաղաքի մի շարք ռադիոկայաններում որպես ռադիոհաղորդավար (Musica Radio և Radio Luna)։ Միևնույն ժամանակ նա տարբեր բարերում և ակումբներում դաշնամուր է նվագել, ինչպես նաև ելույթ է ունեցել փողոցներում սեփական հիփ-հոփ Q4 խմբի հետ, մասնակցել է կարաոկե մրցույթների։

1997 թվականին ձայնագրվել է Accademia della canzone di Sanremo-ում՝ 1998 թվականի Սան Ռեմոյի փառատոնին մասնակցելու մտադրությամբ, սակայն նախընտրական փուլը չի անցել։

Մեկ տարի անց՝ 1999 թվականին, Տիցիանո Ֆերոն կրկին մասնակցել է մրցույթին Quando ritornerai երգով (այսօր համարվում է, որ երգը առաջին անգամ պաշտոնապես հրապարակվել է CD-ով՝ նվիրված փառատոնին), մտել է եզրափակչի 12 մասնակիցների մեջ, սակայն չի նվաճել 3 առաջին հորիզոնականներից և ոչ մեկը։

Նույն թվականին A.T.P.C. ռեփ խմբի հետ միասին կատարել է Sulla mia pelle երգը, որը մտել է Anima e corpo ձայնասկավառակի երգացանկի մեջ։

1999 թվականին Լատինա քաղաքի Էտորե Մայորանա լիցեյում պետական քննություն է հանձնել՝ 55/60 արդյունքով, մասնակցել է Sottotono ռեփ խմբի ամառային հյուրախաղերին՝ բեք-վոկալիստի կարգավիճակով։ Հռոմում որոշել է ընդունվել "La Sapienza" համալսարանի ճարտարագիտական ֆակուլտետ։

2000 թվականին գրել է Angelo mio երգի բառերը՝ Մոնիկայի Angel of Mine երգի իտալական տարբերակը։

Առաջին ձայնասկավառակ՝ Rosso relativo[խմբագրել | խմբագրել կոդը]

2001 թվականին Ֆերոն պայմանագիր կնքեց EMI-ի հետ։ 2001 թվականի հունիսի 22-ին թողարկվել է նրա դեբյուտային Xdono սինգլը, որը հայտնի է նաև Perdono անվամբ։ Երգը շուտով հիթ դարձավ։ Այն ընդգրկվել է Rosso relativo դեբյուտային ձայնասկավառակի մեջ՝ թողարկված 2001 թվականի հոկտեմբերի 26-ին։