Վիկտոր Դոլիձե

Վիկտոր Դոլիձե
Բնօրինակ անուն	վրաց.՝ ვიქტორ ისიდორეს ძე დოლიძე
Ի ծնե անուն	վրաց.՝ ვიქტორ დოლიძე
Ծնվել է	հուլիսի 30, 1890; Օզուրգեթ, Քութայիսի նահանգ, Կովկասի փոխարքայություն, Ռուսական կայսրություն
Երկիր	Վրաստան և ԽՍՀՄ
Մահացել է	մայիսի 24, 1933 (42 տարեկան); Թիֆլիս, ԱԽՖՍՀ, ԽՍՀՄ
Գերեզման	Դիդուբեի պանթեոն
Ժանրեր	օպերա
Մասնագիտություն	կոմպոզիտոր
	Victor Dolidze Վիքիպահեստում

Վիկտոր Իսիդորի Դոլիձե (վրաց.՝ ვიქტორ ისიდორეს ძე დოლიძე, հուլիսի 30, 1890(1890-07-30), Օզուրգեթ, Քութայիսի նահանգ, Կովկասի փոխարքայություն, Ռուսական կայսրություն - մայիսի 24, 1933(1933-05-24), Թիֆլիս, ԱԽՖՍՀ, ԽՍՀՄ), վրացի կոմպոզիտոր։

Կենսագրություն[խմբագրել | խմբագրել կոդը]

Վիկտոր Դոլիձեն ծնվել է Քութայիսի նահանգի Օզուրգեթ քաղաքում^[1], աղքատ ընտանիքում^[2]:Սովորել է Թիֆլիսի առևտրական ուսումնարանում։ 1910 թվականին մանդոլինահարների մրցույթում գրավել է առաջին տեղը^[2]։

Ուսումնարանն ավարտելուց հետո ընդունվել է Կիևի առևտրային ինստիտուտ, որտեղ սովորելուն զուգահեռ հաճախել է երաժշտական դպրոց՝ ջութակի ու կոմպոզիցիայի դասարաններ։ 1917 թվականին ավարտել է ուսումնարանն ու վերադարձել է Վրաստան, սկսել է զբաղվել երաժշտությամբ^[2]։

Վիկտոր Դոլիձեն գրել է մի շարք օպերաներ, այդ թվում՝ վրացական առաջին կատակերգական օպերան՝ «Քեթո և Կոտե», որի լիբրետոն 1919 թվականին գրել է ինքը Ավքսենտի Ցագարելիի «Խանումա» կատակերգության հիման վրա։ Մասնագիտական գրականության մեջ այդ ստեղծագործությունը կոչվում է նաև օպերետ։

1920-ական թվականների վերջին ու 1930-ական թվականների սկզբին զբաղվել է օսեթական երաժշտական բանահյուսության նմուշների հավաքման ու ձայնագրման աշխատանքներով։ Գրել է նվագախմբային մինիատյուրներ («Օսեթական լեզգինկա», «Հրավերի պար»՝ «Խոնգա-կաֆթ» և այլն)։ 1931 թվականին Վիկտոր Դոլիձեն սկսել է աշխատել «Զամիրա» օպերայի վրա, որ գրել է օսեթական «Չերմեն» ու «Զամիրա» ազգային լեգենդների հիման վրա (օպերան մնացել է անավարտ)։

Մահացել է 1933 թվականի մայիսի 24-ին Թբիլիսիում^[3]։

Ծանոթագրություններ[խմբագրել | խմբագրել կոդը]

↑ Биография Виктора Долидзе
↑ ^2,0 ^2,1 ^2,2 Большая советская энциклопедия. Гл. ред. Б. А. Введенский, 2-е изд. Т. 15. Докеры — Железняков. 1952. 652 стр., илл.; 60 л. илл. и карт.
↑ Victor Dolidze's biography (ռուս.)

Վիքիպահեստն ունի նյութեր, որոնք վերաբերում են «Վիկտոր Դոլիձե» հոդվածին։

[bio-1] Биография Виктора Долидзе

[bse2-15-2] 2,0 ^2,1 ^2,2 Большая советская энциклопедия. Гл. ред. Б. А. Введенский, 2-е изд. Т. 15. Докеры — Железняков. 1952. 652 стр., илл.; 60 л. илл. и карт.

[3] Victor Dolidze's biography (ռուս.)

[1]

[2]

[3]