Վիքիպեդիայից՝ ազատ հանրագիտարանից
Ջոզեֆֆո Ցառլինո (իտալ. ՝ Gioseffo Zarlino , հունվարի 31 , 1517 , Կիոջա , Վենետիկ , Վենետո , Իտալիա - փետրվարի 4 , 1590 (1590-02-04 ) [1] [2] կամ փետրվարի 14 , 1590 (1590-02-14 ) [3] [4] , Վենետիկ , Վենետիկի հանրապետություն ), իտալացի կոմպոզիտոր, երգեհոնահար, երաժշտական տեսաբան։ Եղել է հոգևորական, ղեկավարել Վենետիկի Սան Մարկո տաճարի կապելլան։ Վերածննդի դարաշրջանի առաջադեմ գիտնական Ջոզեֆֆո Ցառլինոն հիմք է դրել հարմոնիայի մասին ժամանակակից ուսմունքին։ Իր դատողություններում նա հիմնվել է լսողական ընկալման վրա, այլ ոչ թե վերացական սխոլաստիկ պնդումների։ 1588 -1589 թվականներին Վենետիկում հրատարակվել է Ջոզեֆֆո Ցառլինոի գրական աշխատությունների լիակատար ժողովածուն։ Մոտետների , մադրիգալների և այլ ստեղծագործությունների հեղինակ է։
↑ 1,0 1,1 1,2 SNAC — 2010.
↑ 2,0 2,1 2,2 International Music Score Library Project — 2006.
↑ 3,0 3,1 3,2 Բրոքհաուզի հանրագիտարան (գերմ.)
↑ 4,0 4,1 4,2 Bibliothèque nationale de France data.bnf.fr (ֆր.) : տվյալների բաց շտեմարան — 2011.
Բառարաններ և հանրագիտարաններ
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից ։