Միխայիլ Կրուգ
Միխայիլ Կրուգ Михаил Владимирович Круг | |
---|---|
Ծննդյան անուն | ռուս.՝ Михаил Владимирович Воробьёв |
Ծնվել է | ապրիլի 7, 1962 |
Ծննդավայր | Տվեր, ՌԽՖՍՀ, ԽՍՀՄ |
Վախճանվել է | հուլիսի 1, 2002 |
Վախճանի վայր | Կալինին, Ռուսաստան |
Գրական անուն | Михаил Круг[1] |
Մասնագիտություն | երգիչ, բանաստեղծ, երգահան |
Լեզու | ռուսերեն |
Ազգություն | Ռուս |
Քաղաքացիություն | Ռուսաստան |
Ստեղծագործական շրջան | 1987 — 2002 |
Ժանրեր | ռուսական շանսոն և հեղինակային երգ |
Կուսակցություն | Ռուսաստանի Լիբերալ-դեմոկրատական կուսակցություն |
Ամուսին | Իրինա Կրուգ[2] |
Mikhail Krug Վիքիպահեստում |
Միխայիլ Կրուգ (ռուս.՝ Михаи́л Влади́мирович Круг, ապրիլի 7, 1962, Տվեր, ՌԽՖՍՀ, ԽՍՀՄ - հուլիսի 1, 2002, Տվեր, Ռուսաստան), ռուս բանաստեղծ, կոմպոզիտոր, երգիչ։ Ռուսական շանսոնի կատարող[3][4]։ Ճանաչված է որպես ռուսական շանսոնի վառ ներկայացուցիչ[5]։
Կենսագրություն[խմբագրել | խմբագրել կոդը]
Ծնվել է 1962 թվականի ապրիլի 7-ին Կալինին քաղաքում։ Հայրը ինժեներ-շինարար էր, մայրը՝ հաշվապահ։ Քույրը՝ Օլգան, ավագն էր։ Մանկությունը և պատանեկությունը, անցել է «պրոլետար» շրջանում, որի մասին գրել է «Морозовский городок» երգը։ Սովորել է երաժշտական դպրոցի բայան գործիքի բաժնում, բայց կիսատ է թողել։ Հանրակրթական դպրոցում լավ չի սովորել և հաճախակի փախել է դասերից։ 16 տարեկանում նրա կուռքներ Վլադիմիր Վիսոցկին։ 11 տարեկանում Միխայիլը սովորում է կիթառ նվագել։ Առաջին բանաստեղծությունները գրել է 14 տարեկանում, որը նվիրում է իր դասընկերուհուն։ Դպրոցական միջոցառման ժանմանակ նա կատարում է երգ Վիսոցկու երգացանկից, որը առաջ է բերում մեծ վիճաբանություն։ Միխայիլ Կրուգը բանակից հետո սկսում է նվագել կիթառ և երգել։ 1987 թվականին Միխայիլ Վորոբյովը ընդունվում է Պոլիտեխնիկ ինստիտուտ, բայց 1 տարուց թողնում է ուսումը և աշխատում վարորդ։
Անձնական կյանք[խմբագրել | խմբագրել կոդը]
1986 թվականին նա ծանոթանում է իր առաջին կնոջ՝ Սվետլանայի հետ, որը նույնպես երաժիշտ էր։ Նա եղել է Միխայիլի առաջին պրոդյուսերը։ 1987 թվականին նարանք ամուսնանում են։ 1988 թվականին ծնվում է նրանց որդին՝ Դմիտրին։ 1989 թվականին նրանք բաժանվում են։ 2000 թվականին ամուսնանում է Իրինայի հետ։ Իրինան ամուսնու մահից հետո հանդես է գալիս Իրինա Կրուգ մականունով։ Նրանց համատեղ ամուսնությունից ծնվում է Ալեքսանդրը։
Քաղաքական հայացքներ[խմբագրել | խմբագրել կոդը]
Մխայիլ Կրուգը ԼԴՊՐ կուսակցության անդամ էր։ Նա Վլադիմիր Ժիրինովսկու կուսակցության մշակութային բաժնի օգնականն էր։
Հարցազրույցներից պարզ էր դառնում, որ Կրուգը ատում էր ձախ քաղաքական գործիչներին, հատկապես՝ կոմունիստներին։
Երաժշտական գործունեություն[խմբագրել | խմբագրել կոդը]
Միխայիլ Կրուգը ինստիտուտում սովորելու տարիներին իմանում է հեղինակային մրցույթ մասին, որտեղ իր «Աֆղանստան» երգով գրավում է առաջին տեղը։ Ժյուրիի անդամ Եվգենի Կլյաչկինի խորհրդով Միխայիլը սկսում է ավելի լուրջ զբաղվել երաժշտությամբ։ Միխայիլ Վորոբյուվը ընտրում է իրեն բեմական անուն՝ «Միխայիլ Կրուգ», որի ընտրության շուրջ կան մի քանի տեսակետներ
Առաջին ալբոմը «Тверские улицы» ալբոմն է։ 1989 թվականին Վորոբյովը «Тверь» ստուդիայում ձայնագրում է իր երկրորդ ալբոմը, որը կաչվում է «Катя», երրորդը անանուն է։ 1994 թվականին լույս է տեսնում Միախայիլ Կրուգի «Жиган-Лимон» ալբոմը, որտեղ ընդգրկված էին գողական աշխարհին վերաբերբերվող երգեր։ 1994 թվականին նկարահանվեց «Երգահան Միխայիլ Կրուգ» վավերագրական ֆիլմը, որը ցուցադրվեց «Կուլտուրա» հեռուստաընկերությամբ։ 1996 թվականին ցուցադրվեց «Это было вчера» տեսահոլովակը։ Միխայիլ Կրուգը հյուրախաղեր է ունեցել տարբեր երկրներում։ Նրա ամենահայտնի «Владимирский централ» երգը նվիրված է հանցագործ աշխարհի ներկայացուցիչ Արկադի Սևերնիին։ 1998 թվականին Միխայիլը «Космос» հյուրանոցում մասնակցում է «Овация» մրցանակաբաշխությանը, որտեղ արժանանում է «Русский Шансон» նոմինացիային։
2000 թվականին Կրուգը կատարում է քրեական հեղինակություն Լեոնիդ Պետրովիչի դերը «Апрель»։
Մահը և մահվան պատճառը[խմբագրել | խմբագրել կոդը]
2002 թվականին հունիսի 30–ի լույս 1–ի գիշերը։ Մամուլինո ավանում գտնվող Կրուգի տան վրա կատարվում է զինված հարձակում։ Բացի Կրուգից տանը եղել են նրա կինը, զոքանչը և երկու երեխաները։ Երեք հարկանի տան դուռը բաց է եղել։ Երկու հանցագործներ, ներխուժելով երրորդ հարկից, սկզբում հարձակվել են զոքանչի վրա՝ հասցնելով մարմնական վնասվածքներ։ Զոքանչի աղաղակներից ներս են մտնում Միխայիլը և նրա կինը՝ Իրինան։ Հանցագործները սկսում են կրակել ատրճանակից։ Կնոջը հաջողվում է փախչել հարևանի տուն, իսկ Կրուգը արձակված գնդակներից ծանր վիրավորվում է։ Հանցագործներին հաջողվում է փախչել դեպքի վայրից։ Նա հարևանների օգնությամբ տեղափոխվում է Տվերի № 6 հիվանդանոց, որտեղ մահանում է։
Հոգեհանգիստը տեղի է ունեցել Տվերի դրամատիկական թատրոնի շենքում։ Նրան հրաժեշտ տալու են եկել երկրի տարբեր բնագավառների առաջադեմ դեմքերը։ Նրա աճյունն ամփոփված է Дмитрово-Черкасском գերեզմանատանը։
Կրուգի մահվան վերաբերյալ կան բազմաթիվ տեսակետներ։ Այդպես էլ հայտնի չդարձավ նրա մահվան իրական պատճառը։
Ծանոթագրություններ[խմբագրել | խմբագրել կոդը]
- ↑ Тарасова И. Михаил Круг играл в хоккей, писал песни по ночам и никогда не выступал в «Лазурном» (ռուս.) // Комсомольская правда / под ред. Н. О. Вячеславовна — Комсомольская правда, 2017. — 655000 экз. — ISSN 0233-433X; 1563-6372
- ↑ От ресторана до музыкального Олимпа. История вдовы Михаила Круга (ռուս.) // Аргументы и Факты — 2017. — 1562951 экз. — ISSN 0204-0476; 1606-5271
- ↑ Kishkovsky, Sophia (19 июля 2006). «Notes From a Russian Musical Underground: The Sound of Chanson». Նյու Յորք Թայմս. Արխիվացված օրիգինալից 2012 թ․ ապրիլի 30-ին. Վերցված է 2012 թ․ ապրիլի 29-ին.
- ↑ Светлана Авдеева. (9 апреля 2009 года 15:40). «Михаил Круг: семь лет без короля русского шансона» (ռուսերեն). Росбалт. Արխիվացված օրիգինալից 2013 թ․ հուլիսի 19-ին. Վերցված է 2010 թ․ հունվարի 30-ին.
- ↑ «Герой песни «Владимирский централ» пойман на Московском вокзале» (ռուսերեն). Росбалт. 24 января 2011 года. Արխիվացված է օրիգինալից 2012 թ․ հունվարի 26-ին. Վերցված է 2010 թ․ հունվարի 30-ին.