Իվենթոտ

Վիքիպեդիայից՝ ազատ հանրագիտարանից
Իվենթոտ
Տեսակկայք
Գրանցումպարտադիր չի (անհրաժեշտ է լրացուցիչ ծառայություններից օգտվելու համար)
ՀեղինակԱրշակ Ուլուբաբյան, Վահե Հովհաննիսյան
Բացված2011 թ.
Ընթացիկ կարգավիճակչգործող
 Eventot Վիքիպահեստում

Իվենթոտը միջոցառումների ագրեգատոր է, որն ինֆորմացիա է հավաքում, կատեգորիզացնում և հրապարակում աշխարհի գրեթե բոլոր քաղաքներում կայանալիք միջոցառումների մասին։ Այն նախատեսված է միջոցառումների որոնումն ավելի համակարգված և դյուրին դարձնելու համար։

Նախագիծն ստեղծվել է 2011 թվականին Հայաստանում, ծրագրավորողներ Վահե Հովհաննիսյանի և Արշակ Ուլուբաբյանի կողմից[1]։ Ներկայումս այն միջոցառումների կազմակերպման և որոնման համակարգերի շուկայում ամենադինամիկ զարգացող նախագծերից մեկն է և ունի ակտուալ միջոցառումների ամենամեծ շտեմարանն աշխարհում[2], որը համալրում են օրական 10 000-ից ավելի նոր միջոցառումներ[1]։

Կայքի այցելուների մեծ մասն ԱՄՆ-ից են, այնուհետև՝ Եվրոպայից և Ռուսաստանից[3][4]։

Կայքի հիմնական հնարավորությունները[խմբագրել | խմբագրել կոդը]

Իվենթոտում տեղադրված տեղայնացման համակարգի շնորհիվ այցելուն տեսնում է այն քաղաքի միջոցառումները, որտեղ գտնվում է նրա համակարգիչը։ Սակայն կա նաև հնարավորություն՝ ընտրել և դիտել ցանկացած երկրում և քաղաքում սպասվող միջոցառումները։

Որոնման համակարգը, բաժինները, պիտակները և օրացույցը այցելուներին հնարավորություն են տալիս գտնել իրենց հետաքրքրություններին և կարիքներին համապատասխան միջոցառումներ։

Այցելուները կայքում կարող են տեսնել նաև կոնկրետ վայրում (համալսարան, հյուրանոց, գիշերային ակումբ, զբոսայգի և այլն) կազմակերպվող և նախկինում կազմակերպված միջոցառումները։

Կայքը հնարավորություն է տալիս նաև քարտեզի վրա տեսնել հետաքրքրող միջոցառման անցկացման վայրը, ինչպես նաև տեղեկանալ, թե ովքեր են պատրաստվում մասնակցել տվյալ միջոցառմանը։

Միջոցառումների էջերում տեղադրված է նաև տվյալ միջոցառման QR կոդը, միջոցառման մասին ինֆորմացիան նաև սմարթֆոնների միջոցով հեշտությամբ պահելու և տարածելու համար։

Հավելյալ հնարավորություններ[խմբագրել | խմբագրել կոդը]

Իվենթոտի հավելյալ հնարավորություններից օգտվելու համար անհրաժեշտ է գրանցվել կայքում կամ մուտք գործել «Ֆեյսբուք լոգինի» միջոցով։

Մուտք գործելով համակարգ՝ այցելուները հնարավորություն են ստանում.
հաստատել իրենց մասնակցությունը կայանալիք միջոցառումներին,
մասնակցել միջոցառման քննարկումներին,
իմանալ, թե ինչ միջոցառումների են պատրաստվում մասնակցել Ֆեյսբուքի ընկերները կամ իրենց հետաքրքրող այլ մարդիկ, որոնք գրանցված են Իվենթոտում։

Զարգացման ուղղությունն ու փիլիսոփայությունը[խմբագրել | խմբագրել կոդը]

Զարգացման փիլիսոփայությունը[խմբագրել | խմբագրել կոդը]

Հաշվի առնելով միջոցառումների մասին ինֆորմացիայի հավաքման փորձ արած մի շարք ձախողված նախագծերի փորձը և ռեսուրսների սահմանափակությունը Իվենթոտի հիմնադիրները իբրև նախագծի զարգացման հիմնական ուղղություն ընտրել են պրոցեսների լիակատար ավտոմատացումը, մարդկային մոդերացիայի գործոնը մոտեցնելով նվազագույնի[1][5]։

Զարգացման ուղղությունը[խմբագրել | խմբագրել կոդը]

Հիմնադիրները նախատեսում են Իվենթոտը վերածել անփոխարինելի, օգտակար գործիքի միջոցառումների կազմակերպիչների (event manager), երաժիշտների և լուսանկարիչների համար։

Գովազդ[խմբագրել | խմբագրել կոդը]

Ներկայումս Իվենթոտում լիովին բացակայում է վճարովի գովազդը։ Ապագայում գովազդի համար տեղ հատկացնելու դեպքում հիմնադիրները խոստանում են տեղադրել միայն «Իվենթ արդյունաբերությանը» վերաբերվող և այցելուներին հետաքրքիր լրացուցիչ ինֆորմացիա պարունակող գովազդ։

Պայքար սպամի դեմ[խմբագրել | խմբագրել կոդը]

2013 թ. փետրվարի 13–ին, Իվենթոտը գործարկեց սպամի դեմ պայքարի նոր ալգորիթմ, որը կոչված է զտել անորակ ինֆորմացիան և օգտատերերին տրամադրել տեղեկատվություն միայն իրապես սպասվող, որակյալ միջոցառումների մասին։ Նախագծի համահիմնադիր Արշակ Ուլուբաբյանը, մեկնաբանելով նոր ալգորիթմի գործարկումը, ասաց, որ այն առավել կարևոր է խոշոր մեգապոլիսների համար, որտեղ օրական հազարավոր միջոցառումներ են կազմակերպվում, որոնց մեծ մասը ներկայացվում է eventot-ում։ Սակայն մինչև այժմ ներկայացվող միջոցառումներից ոչ բոլորն էին որակյալ և հաճախ օգտատերերի համար դժվար էր գտնել այն, ինչ իրենց կհետաքրքրի։ Նոր ալգորիթմի գործարկումը կոչված է որոշակիորեն լուծելու այս խնդիրը[6][7][8]։

Գիշերը հեծանիվով[խմբագրել | խմբագրել կոդը]

«Գիշերը հեծանիվով – 7» ակցիայի մասնակիցները դիմավորում են լուսաբացը Էրեբունի ամրոցում։

2012 թ. հունիս–սեպտեմբեր ամիսներին Իվենթոտը կազմակերպեց հեծանվային միջոցառումների շարք «Գիշերը հեծանիվով» խորագրով, որի նպատակը, ըստ կազմակերպիչների, Հայաստանում առողջ ապրելակերպի քարոզչությունն ու «հեծանվային մշակույթի» արմատավորումն է։ 2012 թ. վերջին՝ յոթերորդ միջոցառումը, որին մասնակցում էր ավելի քան 150 հեծանվորդ, տեղի ունեցավ սեպտեմբերի 15-16 գիշերը։ Վերջին «Գիշերը հեծանիվով»–ի մասնակիցները արևածագը դիմավորեցին Էրեբունի ամրոցի մոտ լեռնային հեծանվավազքով (mountain biking) և յոգայով[9][10][11]։

Մրցանակներ[խմբագրել | խմբագրել կոդը]

2012 թ. Ապրիլի 27-ից 29-ը Ծաղկաձորում Google Technology User Group Armenia-ի (GTUG) և Հայկական սոցիալական մեդիա ասոցիացիայի (Armenian Social Media Association) համատեղ կազմակերպած gt hackathon Armenia 2012 միջոցառմանը, որի նպատակն էր ստեղծել ծրագրեր, որոնք աշխատում են Անդրոիդ օպերացիոն համակարգի վրա և հավելումներ (extensions/apps) Google Chrome բրաուզերի համար, Իվենթոտի ներկայացրած Eventot Android App–ը հատուկ խրախուսական մրցանակի արժանացավ Անդրոիդ անվանակարգում[12]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 «Օրական 10 000-ից ավելի միջոցառում (աուդիո)». Հայաստանի Հանրային Ռադիո. «ՌադիոԱրտ» հաղորդաշար. 19/09/2012. Արխիվացված է օրիգինալից 2012 թ․ սեպտեմբերի 21-ին. Վերցված է 2012 թ․ սեպտեմբերի 27-ին.
  2. «Сервисы для поиска и организации мероприятий». TellNews. 03.05.2012.
  3. «Միջոցառումների ագրեգատոր Eventot.com». e-armenians.com. 09-07-2012. Արխիվացված է օրիգինալից 2012 թ․ սեպտեմբերի 24-ին. Վերցված է 2012 թ․ սեպտեմբերի 27-ին.
  4. «Eventot.com - новый армянский стартап». akumb.ru. 30 июня 2012. Արխիվացված է օրիգինալից 2012 թ․ հոկտեմբերի 20-ին. Վերցված է 2012 թ․ սեպտեմբերի 28-ին.
  5. «Ինտերնետային հանրային կապեր». Ինֆորմացիայի ազատության կենտրոն (ԻԱԿ). 03.04.2012. Արխիվացված է օրիգինալից 2012 թ․ նոյեմբերի 4-ին. Վերցված է 2012 թ․ սեպտեմբերի 28-ին.
  6. «eventot.com սթարթափն անորակ տեղեկությունը զտող հակասպամային նոր ալգորիթմ է գործարկել». «ԱՌԿԱ» լրատվական գործակալություն. 14.02.2013.(չաշխատող հղում)
  7. «Eventot–ը կտրամադրի ավելի որակյալ տեղեկատվություն սպասվող միջոցառումների մասին». IT TREND. 14.02.2013.
  8. «Eventot–ը կտրամադրի ավելի որակյալ տեղեկատվություն սպասվող միջոցառումների մասին». ITEL.am. 14.02.2013.
  9. «Գիշերը հեծանիվով 7». Իվենթոտ. Արխիվացված է օրիգինալից 2012 թ․ նոյեմբերի 4-ին. Վերցված է 2012 թ․ սեպտեմբերի 28-ին.
  10. «Իմ նժույգն իմ հեծանիվն է (աուդիո)». Հայաստանի Հանրային Ռադիո. «ԼյունՍե» հաղորդաշար. 18/09/2012. Արխիվացված է օրիգինալից 2012 թ․ սեպտեմբերի 20-ին. Վերցված է 2012 թ․ սեպտեմբերի 28-ին.
  11. «7-րդ հեծանվային գիշերն ու արևածագը միջնաբերդից (տեսանյութ)». «Ազատություն» ռադիոկայան. 17.09.2012.
  12. «Հայտնի են gt hackathon Armenia 2012-ի հաղթողները». itel.am. 30 июня 2012.

Արտաքին հղումներ[խմբագրել | խմբագրել կոդը]