Էմիլ Դիլոն

Էմիլ Դիլոն
Ծնվել է	մարտի 21, 1854; Դուբլին, Իռլանդիա, Մեծ Բրիտանիայի և Իռլանդիայի միացյալ թագավորություն
Մահացել է	հունիսի 9, 1933 (79 տարեկան); Բարսելոնա, Իսպանիա
Մասնագիտություն	լեզվաբան և լրագրող
Տիրապետում է լեզուներին	անգլերեն, ֆրանսերեն և գերմաներեն
	Emile Joseph Dillon Վիքիպահեստում

Էմիլ Դիլոն (Dillon) (մարտի 21, 1854(1854-03-21)^[1], Դուբլին, Իռլանդիա, Մեծ Բրիտանիայի և Իռլանդիայի միացյալ թագավորություն - հունիսի 9, 1933(1933-06-09)^[1], Բարսելոնա, Իսպանիա), իռլանդացի գիտնական ու լրագրող, արևելյան լեզուների և համեմատական լեզվաբանության մասնագետ։ 1880-ական թվականների սկզբին աշխատել է Ռուսաստանում՝ Պետերբուրգի, ապա Խարկովի համալսարաններում։ Ուսումնասիրել է հայոց լեզուն ու գրականությունը, պարապել Վենետիկի Մխիթարյան միաբանությունում։ Գրել է հայոց լեզվին նվիրված մի շարք աշխատություններ, թարգմանել հին հայկական սկզբնաղբյուրներ։ 1895 թվականին, որպես Լոնդոնի «Դեյլի թելեգրաֆ» թերթի թղթակից, եղել է Թուրքիայում, այցելել Արևմտյան Հայաստան՝ այնտեղի իրադարձությունները լուսաբանելու համար։

Չնայած թուրքական իշխանությունների հարուցած դժվարություններին, հավաքել է մեծ քանակությամբ արժանահավատ տեղեկություններ, որոնք վկայում են թուրքական կառավարող շրջանների մեղավորությունը հայ բնակչության զանգվածային ջարդերում։ Այդ տվյալների հիման վրա գրել է հայկական հարցին վերաբերող հոդվածաշար, որը տպագրվել է անգլերեն մամուլում։ «Հայաստանը և հայ ժողովուրդը» (1890), «Իրադրությունը Հայաստանում» (1895), «Հայաստան. դիմում» (1896), «Ձախողում Հայաստանում» (1896) և այլ հոդվածներ անգլերենով ընթերցողին ծանոթացնում են հայ ժողովրդի պատմությանն ու մշակույթին, փաստական հարուստ նյութ պարունակում թուրքական կառավարության 19-րդ դարի 90-ական թվականների հակահայկական քաղաքականության մասին, դրանցում տրվել է նաև եվրոպական տերությունների, մասնավորապես՝ Մեծ Բրիտանիայի ու Ռուսաստանի հայկական հարցում վարած քաղաքականության վերլուծությունը։ Դիլոնի հրապարակումներում արտահայտվել է անգլիական հասարակական շրջաններում ժամանակին լայն տարածում գտած այն կարծիքը, թե թուրքական լծից հայերի ազատագրման համար անհրաժեշտ է Ռուսաստանին իրավունք տալ գրավել արևմտյան Հայաստանը։

Դիլոնը գրում է, որ Մեծ Բրիտանիան, աչք փակելով հայ ժողովրդի նկատմամբ «թուրքական դաժանությունների» վրա, դրանով խրախուսել է զանգվածային ջարդեր կազմակերպելուն։ Նրա կարծիքով հայերը դարձել են Մեծ Բրիտանիայի շահադիտական քաղաքականության «անմեղ զոհը»։

Երկեր[խմբագրել | խմբագրել կոդը]

The Sceptics of the Old Testament: Job - Koheleth - Agur. London: Isbister & Co., 1895.
Maxim Gorky: His Life and Writings. London: Isbister & Co., 1902.
The Original Poem of Job. London: T. Fisher Unwin Ltd., 1905.
A Scrap of Paper: The Inner History of German Diplomacy and Her Scheme of World-Wide Conquest. London: Hodder & Stoughton, 1914.
From the Triple to the Quadruple Alliance: Why Italy Went to War. London: Hodder & Stoughton, 1915.
Ourselves and Germany. London: Chapman & Hall, 1916.
The Eclipse of Russia. London: J.M. Dent & Sons Ltd., 1918.
The Peace Conference. London: Hutchinson & Co.,1919.
Mexico on the Verge. London, Hutchinson & Co., 1921.
Russia Today and Yesterday: An Impartial View of Soviet Russia. London: J.M. Dent & Sons Ltd., 1929.
Leaves from Life. London: J.M. Dent & Sons Ltd., 1932.
Count Leo Tolstoy: A New Portrait. London: Hutchinson & Co., 1934.

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Dictionary of Irish Biography — RIA.
↑ Identifiants et Référentiels (ֆր.) — ABES, 2011.
↑ ^3,0 ^3,1 ^3,2 ^3,3 ^3,4 ^3,5 Չեխիայի ազգային գրադարանի կատալոգ

Վիքիպահեստն ունի նյութեր, որոնք վերաբերում են «Էմիլ Դիլոն» հոդվածին։

Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[_89f62a8ff84f311b-1] 1,0 ^1,1 ^1,2 ^1,3 ^1,4 Dictionary of Irish Biography — RIA.

[_a1c2b23d059c9b3f-2] Identifiants et Référentiels (ֆր.) — ABES, 2011.

[_04ae81b43324ba76-3] 3,0 ^3,1 ^3,2 ^3,3 ^3,4 ^3,5 Չեխիայի ազգային գրադարանի կատալոգ

[1]

[2]

[3]