Էդվարդ Ջոն Օ’Բրայեն (անգլ.՝ Edward John O'Brien, ապրիլի 15, 1968(1968-04-15)[1], Օքսֆորդ, Անգլիա, Միացյալ Թագավորություն)՝ բրիտանացի երաժիշտ, Radiohead խմբի կիթառահարը։ Բացի այդ, Օ’Բրայենը Radiohead խմբի մշտական բեք-վոկալիստն է, ինչպես համերգներում, այնպես էլ ստուդիայում։ Rolling Stone ամսագիրը նրան է հատկացրել բոլոր ժամանակների 100 լավագույն կիթառիստների ցանկի 59-րդ հորիզոնականը[3]։
Բացի կիթառ նվագելը Օ’Բրայենը կարևոր դեր է խաղում տարբեր էլեկտրոնային էֆֆեկտների ստացման գործում, ինչը Radiohead խմբի երգերում կարևորագույն դեր է խաղում (օրինակ, «միջամտությունները», որոնցով ավարտվում է «Karma Police» երգը)։ Օ’Բրայենը նաև հարվածայինների վրա նվագելու դասեր է ստացել, ինչը կարելի է լսել «There There» երգում (ալբոմ՝ Hail to the Thief)։ Երբ սոլո-կիթառիստ Ջոննի Գրինվուդը նվագում է որևէ այլ գործիքի վրա Օ’Բրայենը կատարում է նաև նրա ֆունկցիաները։
1999 թվականին Օ’Բրայենը մասնակցել է հեռուստատեսային BBC Eureka Street մինի-սերիալի սաունդթրեքի ձայնագրմանը։ 2003 թվականին նա նվագել է բրիտանական ալտերնատիվ Asian Dub Foundation խմբի Enemy of the Enemy ալբոմի երեք երգերում։
.svg){kind=small}
Միացյալ Թագավորություն
Ed O'Brien Վիքիպահեստում
