Աուսեկլիս
Աուսեկլիս | |
|---|---|
 | |
| Ծնվել է | սեպտեմբերի 18, 1850 |
| Ծննդավայր | Ալոյան շրջան, Լատվիա |
| Վախճանվել է | փետրվարի 6, 1879 (28 տարեկան) |
| Վախճանի վայր | Սանկտ Պետերբուրգ, Ռուսական կայսրություն |
| Գրական անուն | Auseklis |
| Մասնագիտություն | բանաստեղծ, լրագրող և թարգմանիչ |
| Քաղաքացիություն | .svg){kind=small} Ռուսական կայսրություն |
| Ստեղծագործական շրջան | 1872-1879 |
| Գրական շարժումներ | Երիտասարդ լատվիացիներ |
| Ուշագրավ աշխատանքներ | «Ausekļa raksti» |
 Miķelis Krogzemis Վիքիպահեստում | |
Աուսեկլիս[1] (լատիշ․՝ Auseklis, իսկական անունը՝ Միկելիս Կրոգզեմիս, լատիշ․՝ Miķelis Krogzemis, սեպտեմբերի 18, 1850, Ալոյան շրջան, Լատվիա - փետրվարի 6, 1879, Սանկտ Պետերբուրգ, Ռուսական կայսրություն), լատվիացի բանաստեղծ։
Լատիշական գրականության մեջ ժողովրդական ռոմանտիզմի ակնառու ներկայացուցիչներից մեկը։ Թարգմանել է Հայնրիխ Հայնեի, Յոհան Վոլֆգանգ ֆոն Գյոթեի, Ֆրիդրիխ Շիլլերի, Յոհան Գոթֆրիդ Հերդերի և այլոց ստեղծագործությունները։ Իր բանաստեղծություններում անդրադարձել է պատմական թեմաներին, առասպելական ու լատվիական բանահյուսության թեմատիկաների, իդեալականացրել է հայրենի երկիրը։ Գրել է սատիրական բանաստեղծություններ, եղել է «Դունդուրի» ալմանախների գաղափարական առաջնորդը։ Գերմանական բարոնների ու հոգևորականների մասին գրել է սուր սատիրաներ։ Աուսեկլիսի անվամբ է կոչվում Ռիգայի փողոցներից մեկը։ Ալոյայում Աուսեկլիսի պատվին անվանակոչվել միջնակարգ դպրոց, որի դիմաց տեղադրված է բանաստեղծի հուշարձանը (քանդակագործ՝ Մ. Լանգե)։
Կենսագրություն[խմբագրել | խմբագրել կոդը]
Միկելիս Կրոգզեմիսը ծնվել է 1850 թվականի սեպտեմբերի 18-ին Վալմերի նահանգի Ունգուրպիլս ծխի Սիպոլի դաստակերտում (ներկայում՝ Ալոյայի երկրամասի, Ալոյայի ծուխ)։
Ավարտել է Ցիմզեի ուսուցչական սեմինարիան Վալկայում։ Որպես ուսուցիչ աշխատել է Յաունպիեբալգայում, Ցեսիսում, Լիելվարդեում։ 1872 թվականին տպագրել է իր առաջին բանաստեղծությունը։ 1872 թվականին լույս է տեսել «Բանաստեղծություններ» ժողովածուն։
1874 թվականին Ռիգայում կայացած ուսուցիչների երկրորդ ընդհանուր գիտաժողովում հանդես է եկել ելույթով, որում շարադրել է ժողովրդական դպրոցի մանրամասն ծրագիրը։ 1874 թվականի նոյեմբերին, երբ չի կարողացել աշխատանք գտնել Ռիգայում, որպես ուսուցիչ սկսել է աշխատել Սանկտ Պետերբուրգում։ 1888 թվականին Սանկտ Պետերբուրգում հրատարակվել են նրա ստեղծագործությունները («Ausekļa raksti»)։
1879 թվականին հիվանդացել է տիֆով ու մահացել նույն թվականի փետրվարի 6-ին։ Թաղված է Ալոյայի քաղաքային գերեզմանատանը։
Ծանոթագրություններ[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- Энциклопедический словарь Брокгауза и Ефрона, (1890—1907).
 | Վիքիպահեստն ունի նյութեր, որոնք վերաբերում են «Աուսեկլիս» հոդվածին։ |
| ||||||||||||||||
