Անտոնիո Մասեո (իսպ.՝ Antonio Maceo Grajales, հունիսի 14, 1845(1845-06-14)[1][2][3], Սանտյագո դե Կուբա, Իսպանական կայսրություն, Իսպանիա[1] - դեկտեմբերի 7, 1896(1896-12-07)[1][2][3], Պունտա Բրավա, Հավանա, Կուբա), Կուբայի ազգային-ագատագրական շարժման գործիչներից։ Ծնվել է գյուղացու ընտանիքում։ 1868-1878 թվականներին Իսպանիայի դեմ անկախության պատերազմի ժամանակ մտել է Ազատագրական բանակի մեջ, 1878 թվականին ստացել գեներալ-մայորի աստիճան։ Պատերազմից հետո գտնվել է տարագրության մեջ Ամերիկայի տարբեր երկրներում՝ նախապատրաստելով նոր ապստամբություն Կուբայում։ 1895 թվականի ապրիլին վերադարձել է Կուբա և գլխավորել Օրիենտե նահանգի ապստամբական ուժերը, սեպտեմբերին դարձել է Ազատագրական բանակի գլխավոր հրամանատարի տեղակալ։ Զոհվել է մարտում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 267)։