Ալմա Յոհանսոն
| Ալմա Յոհանսոն | |
|---|---|
 | |
| Ծնվել է | հոկտեմբերի 29, 1880 |
| Ծննդավայր | Ստոկհոլմ, Շվեդիա |
| Մահացել է | դեկտեմբերի 31, 1974 (94 տարեկան) |
| Մահվան վայր | Ստոկհոլմ, Շվեդիա |
| Գերեզման | Սկուգսչյուրկոգորդեն |
| Քաղաքացիություն |  Շվեդիա[1] |
| Մայրենի լեզու | շվեդերեն[1] |
| Մասնագիտություն | միսիոներուհի |
 Alma Johansson Վիքիպահեստում | |
Ալմա Յոհանսոն (հոկտեմբերի 29, 1880, Ստոկհոլմ, Շվեդիա - դեկտեմբերի 31, 1974, Ստոկհոլմ, Շվեդիա), շվեդ միսիոներուհի։
Գործունեություն[խմբագրել | խմբագրել կոդը]
Տակավին երիտասարդ նվիրվել է մարդասիրական կրոնական գործունեության։ 1901-1915 թվականներին ծառայել է Արևմտյան Հայաստանում գտնվող գերմանական միսիոներ, հաստատություններում և որբանոցներում։ 1915 թվականի աշնանը հարկադրված վերադարձել է Շվեդիա։ 1920-1922 թվականներին Կ. Պոլսում օգնել է ջարդերից ու տարագրությունից փրկված հայ որբերին ու կարոտյալներին։ 1923 թվականին անցել է Սալոնիկ, աշխատել շվեդ, նպաստամատույց հաստատությունում, օգնել հայ գաղթականներին։
1941 թվականի վերջին, Հունաստանի ֆաշիստական օկուպացումից հետո, երբ անհնար էր շարունակել մարդասիրական գործունեությունը, Յոհանսոնը վերադարձել է Շվեդիա։ Սակայն շարունակվել են սերտ հարաբերությունները հայերի հետ. նա տիրապետել է հայերենին։
Որպես հայոց եղեռնի ականատես՝ Յոհանսոնը գրել է երկու գրքույկ՝ «Աքսորյալ ժողովուրդ մը» (1930 թ.) և «Հայ աքսորականներու կյանքը» (1931 թ.), որոնք վկայում են հայերի տեղահանությունների և նրանց վրա գործադրված բռնությունների մասին։
Ալմա Յոհանսոնի ու ևս չորս եվրոպացի հումանիստ կանանց կյանքի ու գործունեության մասին է պատմում 2015 թ. նկարահանված «Փրկության քարտեզ» ֆիլմը։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատվածի սկզբանական տարբերակը վերցված է «Հայկական հարց» հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|
 | Վիքիպահեստն ունի նյութեր, որոնք վերաբերում են «Ալմա Յոհանսոն» հոդվածին։ |
| ||||||||||||
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |