Strange Days (երգ)
Անվան այլ կիրառումների համար տե՛ս՝ Strange Days (այլ կիրառումներ)
| «Strange Days» | |
|---|---|
| The Doorsի երգը «Strange Days» ալբոմից | |
| Թողարկված | 7 հոկտեմբեր, 1967 |
| Ձայնագրված | Մայիս, Օգոստոս 1967 |
| Ժանր | պսիխոդելիկ ռոք |
| Տևողություն | 3:05 |
| Լեյբլ | Elektra |
| Հեղինակ | The Doors |
| Պրոդյուսեր | Փոլ Ա. Ռոթշիլդ, The Doors |
Strange Days-ը ամերիկյան ռոք խումբ The Doors-ի երգն է։ Այն ձայնագրվել և թողարկվել է 1967 թվականին խմբի երկրորդ ստուդիական ալբոմում որը կրում է նույն անունը։ Համաձայն Allmusic-ի խմբագիրներից մեկի՝ Թոմ Մագինսի Ջիմ Մորիսոնը երգը գրել է հիպիների մասին որոնք այն ժամանակ շատ տարածված էին, և այն մասին թե ինչպես էր նրանց ընդունում հասարակությունը[1]։ Նյու Յորք կատարած խմբի այցելությունը, խթան են հանդիսացել Ջիմի համար որպեսզի նա գրի այս երգը, և Strange Days ալբոմում ձայնագրված այլ երգեր, ալբոմը խմբի երկրորդ ստուդիական ալբոմն է։
Ինչպես նշվում է No One Here Gets Out Alive գրքում, այս երգը հանդիսանում է ռոքում մուգ սինթեզի օգտագործման առաջին օրինակներից մեկը։ Սինթեզը ձեռք է բերվել Պոլ Բիվերի կողմից, իսկ Ջիմը նվագել է այն։
Երկու տեսահոլովակ է նկարահանվել երգի համար։ Առաջինը ներկայացնում էր խմբին բեմում և բեմից դուրս ու բացի այդ նաև Ջիմ Մորիսոնին իր մեքենան վարելիս, և տեսահոլովակի ժամանակ Ջիմը իր մեքենան սխալմամբ թաղում է փոսի մեջ, ու կատաղությունից ցատկոտում նրա վրա։ Երկրորդ տեսահոլովակը ներկայացնում է ալբոմի շապիկին հայտված կատարողներին, որոնք իրփնց համար բացահայտում են Նյու Յորքը։ Այս տեսահոլովակը ներառում է նաև բազմաթիվ այլ մարդկանց պատկերներ, որը արվել է նրա համար որպեսզի համապատասխանի երգի տարօրինակ թեմային[2]։ Այս երկու տեսահալովակները հետագայում միացրել են միմյանց և թողարկել երգի նոր միքս տեսահալովակը։
2012 թվականին խմբի երեք կենդանի անդմաները՝ Ռեյ Մանզարեկը, Ռոբի Կրիեգերը և Ջոն Դենսմորը, հավաքվել են Լոս Անջելես, Կալիֆորնիայում Village Recorders ստուդիայում ռեփեր Tech N9ne-ի և պրոդյուսեր Ֆրեդվրեք-ի հետ երգի նոր տարբերակը ձայնագրելու համար։ Tech N9ne-ը սկզբում առաջարկել է "People Are Strange" երգը սակայն Ռոբի Կրիեգերը ասել է որ Strange Days-ը ավելի ռիթմիկ երգ է։ Երգը վերանվանված "Strange 2013" անունով իր մեջ նաև ընդգրկել է Ջիմ Մորիսոնի վոկալային մասերը, և ընդգրկվել է ռեփերի 2013 թվականին լույս տեսած Something Else ստուդիական ալբոմում։ Խմբի հետ համագործակցության մասին խոսելուց ռեփերը նշել է թե ինչպես է խումբը իր վրա ազդեցություն թողել իր երաժշտական կարիերայի ընթացքում։ Եվ ավելացրել որ "People Are Strange" և "Strange Days" երգերից ոգեշնչված նա իր ձայնագրման ստուդիայի անունը դրել է Strange Music[3]։
Անձնակազմ[խմբագրել | խմբագրել կոդը]
- Ջիմ Մորիսոն - վոկալ
- Ռեյ Մանզարեկ - դաշնամուր
- Ռոբի Կրիգեր - կիթառ
- Ջոն Դենսմոր - հարվածային գործիքներ
Ծանոթագրություններ[խմբագրել | խմբագրել կոդը]
- ↑ http://www.allmusic.com/song/strange-days-mt0012256526
- ↑ «Արխիվացված պատճենը». Արխիվացված է օրիգինալից 2014 թ․ օգոստոսի 13-ին. Վերցված է 2014 թ․ հունիսի 29-ին.
- ↑ Iandoli, Kathy (2013 թ․ հունիսի 24). «Tech N9ne Aligns With the Doors for 'Strange 2013'». Rolling Stone. Վերցված է 2013 թ․ հունիսի 24-ին. «Tech N9ne is talking about "Strange 2013" – a new version of "Strange Days," created in collaboration with the surviving members of the Doors for his upcoming studio album»
| ||||||||||||||||||||||||||