Լիթլ Արմենիա

Փոքր Հայաստան
Լոս Անջելեսի թաղամաս
	Փոքր Հայաստան
	Little Armenia
Երկիր	ԱՄՆ
Նահանգ	Կալիֆորնիա
Շրջան	Լոս Անջելես
Տվյալ կարգավիճակում	1970 թվականից
Պաշտոնական լեզու	Հայերեն, անգլերեն
Ազգային կազմ	Հայեր
Կրոնական կազմ	Հայ Առաքելական եկեղեցին
Ժամային գոտի	UTC-8
Պաշտոնական կայք	littlearmenia.com
	Լիթլ Արմենիա (ԱՄՆ)
	Լիթլ Արմենիա (Կալիֆորնիա)
	Լիթլ Արմենիա Վիքիպահեստում

Լիթլ Արմենիա կամ Փոքր Հայաստան (անգլ.՝ Little Armenia), թաղամաս է Լոս Անջելես քաղաքի Հոլիվուդ շրջանի արևելյան մասում։ Անվանումը ծագել է այստեղ բնակվող ամերիկահայերից։ Թաղամասում 1970-ականներից սկսած տեղակայված են բազմաթիվ հայկական խանութներ, սրճարաններ և հիմնարկներ։ Նաև այստեղ է գտնվում 1978 թվականին կառուցված հայկական Սուրբ Կարապետ եկեղեցին, որի առջևում է «Ռոզի և Ալեքս Փիլիփոս» հայկական դպրոցը։ Թաղամասը սպասարկվում է Լոս Անջելեսի մետրոպոլիտենի «Red Line» գիծը։

Ամեն տարի ապրիլի 24-ին այստեղ տեղի են ունենում Մեծ Եղեռնի զոհերին նվիրված հանրահավաքներ։

Ներկայումս թաղամասում, ինչպես և ողջ Արևմտյան Հոլիվուդ շրջանում անշարժ գույքը ամենաթանկարժեքն է համարվում՝ Լոս Անջելես քաղաքի այլ շրջանների համեմատ։

Աշխարհագրությւոն[խմբագրել | խմբագրել կոդը]

2000 թվականի հոկտեմբերի 6-ին^[1] Լոս Անջելեսի Քաղաքային խորհուրդը Հոլիվուդի արևելյան հատվածը անվանեց «Փոքր Հայաստան» ճանաչելու համայնքի հսկայական «ներկայությունը և ձայնը Լոս Անջելեսում»^[2]։

Ինչպես սահմանված է Քաղաքային խորհրդում, Փոքր Հայաստանը տարածք է, որը հյուսիսից սահմանակցում է Հոլիվուդյան բուլվարին, որը գտնվում է 101 մայրուղու և Վերմոնթ պողոտայի միջև, արևելքից՝ Վերմոնթ պողոտային՝ Հոլիվուդյան Բուլվարից մինչև Սանտա Մոնիկա բուլվար, հարավից՝ Սանտա Մոնիկա բուլվարին Վերմոնթ պողոտայի և ԱՄՆ 101 երթուղու միջև և արևմուտքից՝ 101 երթուղուն, Սանտա Մոնիկա բուլվարից մինչև Հոլիվուդ բուլվար։

Պատմություն[խմբագրել | խմբագրել կոդը]

Անունը ծագել է ամերիկահայերի մեծ մասից ովքեր ապրում են այս շրջանում, ինչպես նաև հայկական խանութներից և ընկերություններից, որոնք բացվել էին դեռևս 1970-ական թվականների սկզբում։

Սուրբ Կարապետ Հայ առաքելական եկեղեցին հայկական եկեղեցի է, որը տեղակայված է Փոքր Հայաստանում։ Սբ․ Կարապետ եկեղեցին Հոլիվուդում բնակվող հայերի մեծամասնության համար պաշտամունքի վայր է հանդիսանում։ Այն գտնվում է Ալեքսանդրիա պողոտայում և կառուցվել է 1978 թվականին։ Եկեղեցին գտնվում է «Ռոզի և Ալեքս Փիլիպոս հայկական դպրոցի» առջև։

Սանագիտության եկեղեցու Լոս Անջելեսի գլխավոր ճյուղը 1977 թվականից ի վեր գտնվում է Կատալինա փողոցի և Հաբարդ ճանապարհի միջև^[3]^[4]։

Փոքր Հայաստանի միակ հանրային պուրակը Բարնսդալի արվեստի պուրակն է, որում ընդգրկված է Ֆրանկ Լլոյդ Ռայթի նախագծած Հոլիհոկ Հաուսը և քաղաքային արվեստի կենտրոնը, կառուցված 1919-1921 թվականներին։ Պուրակը, որը տեղակայված է փոքր, բայց բեմական Օլիվ Հիլում նավթի ժառանգորդ Ալին Բարնսդալի նվիրատվությունն է Լոս Անջելես քաղաքին։

Չարլզ Բուկովսկին իր նովելներից, պատմվածքներից և պոեմներից շատերը գրել է հենց այս շրջանում բնակվելու տարիներին։

Ամեն տարի ապրիլի 24-ին հայերը հավաքվում են Հոլիվուդում իրենց Հայոց Ցեղասպանության զոհերի հիշատակին հարգանքի տուրք մատուցելու։ Չնայած Հոլիվուդը տարածաշրջանում ամենամեծ հայկական համայնքն ուներ, Գլենդելը առաջ անցավ Հոլիվուդից բնակչության մեջ հայերի թվաքանակով և համամասնությամբ, չնայած որ Բըրբանքը, Փասադենան, Մոնթեբելլոն, նունպես ունեն հայկական մեծ համայնքներ առանց հատուկ անվանման։

Տրանսպորտ[խմբագրել | խմբագրել կոդը]

Փոքր Հայաստանը սպասարկում է Red Line մետրոն, որը ընթանում է հյուսիս-հարավ ուղղությամբ Վերմոնթ պողոտայով և արևելք-արևմուտք ուղղությամբ՝ Հոլիվուդ բուլվարով։

Մետրոյի կայարանները ներառում են՝

Կրթություն[խմբագրել | խմբագրել կոդը]

Արևելյան Հոլիվուդի բնակիչների 13 %-ը 25 և բարձր տարիք ունեցող, իրենց քառամյա կրթության աստիճանը ստացել են մինչև 2000թ․, որը քաղաքի և շրջանի համար միջին ցուցանիշ է, բայց ավագ դպրոցի դիպլոմից ցածր դիպլոմ ունեցող բնակիչների տոկոսը շրջանի համար բարձր է^[5]։ Փոքր Հայաստանին սահմանակից դպրոցներն են^[6]՝

Պետական[խմբագրել | խմբագրել կոդը]

Քինգսլի տարրական դպրոց, Արևմտյան Վիրջինիայի պողոտա
Ռամոնա տարրական դպրոց, Հյուսիսային Մարիպոսա պողոտա

Մասնավոր[խմբագրել | խմբագրել կոդը]

«Ռոզա և Ալեքս Փիլիպոս» հայկական դպրոց, Հյուսիսային Ալեքսանդրիա պողոտա Առաջադիմական ուսանող կրթական ակադեմիա, Հյուսիսային Ալեքսանդրիա պողոտա Քենյն Օկս դպրոց, Հյուսիսային Կատալինա փողոց