Guns N' Roses

Վիքիպեդիայից՝ ազատ հանրագիտարանից

Գանս Ն' Րոզիս(Guns N’ Roses) – ամերիկյան ռոք խումբը համաշխարհային ճանաչման է արժանացել 1980-ականների վերջին և 1990-ականների սկզբին։

1985թ.-ի մարտին վոկալիստ Էկսլ Ռոուզը և կիթառահար Թրեյսի Գանզը ստեղծում են խումբ, այն անվանելով իրենց անուններով Guns N’ Roses ։

Խմբի մնացած անդամները պարբերաբար փոխվել են, սակայն Guns N’ Roses – ի դասական կազմը ունի հետևյալ տեսքը` Էկսլ Ռոուզը – վոկալ, Սլեշ – սոլո կիթառ, Իզզի Ստրեդլին – ռիթմ կիթառ, Դաֆֆ Մակկագան – բաս կիթառ և Ստիվեն Ադլեր – հարվածային գործիքներ։

1987թ.-ին ԱՄՆ-ում լույս է տեսնում խմբի <<Appetite For Destruction>> առաջին ալբոմը իսկ ալբոմի <<Welcome To The Jungle>> երգի հիման վրա նկարահանվում է տեսահոլովակ։

Սկզբնական շրջանում ալբոմը և տեսահոլովակը հաջողություն չեն ունենում, բայց երբ <<Geffen Records>> ստուդիայի հիմնադիր Դևիդ Գիֆֆենը MTV-ի ղեկավարությանը համոզում է այն ցուցադրել գիշերային երաժշտական թողարկումներում, խումբը սկսում է ձեռք բերել ճանաչում։

Հետագայում ալբոմի մեկ այլ երգ <<Sweet Child O`Mine>>-ը 1988թ.-ին դառնալով հիթ մշտապես սկսում է հայտնվել ռադիո եթերներներում և հեռուստալիքներում։

Մինչ խմբի հաջորդ <<Paradise City>> սուպերհիթի դուրս գալը, <<Appetite For Destruction>> ալբոմը Billboard –ի հիթ-շքերթում բարձրանում է առաջին հորիզոնական իսկ ալբոմի վաճառված օրինակների քանակը հասնում է 32 միլիոնի։

Մեծ Բրիտանիայի ռադիոկայանները սկսում են հաճախակի հաղորդել Guns N’ Roses – ի երգերը, որը նպաստում է նրանց հանրաճանաչության աճին Անգլիայում և երբ 1987թ.-ի հունիսի 28-ին խումբը հանդես է գալիս լոնդոնյան հանրահայտ Marquee-ի ակումբում, երաժշտասերները նրանց ընդունում են մեծ ջերմությամբ։

1988թ.-ի դեկտեմբերի 6-ին <<Geffen Records>> -ը թողարկում է խմբի երկրորդ <<GN’R Lies>> ալբոմը, որի մի կողմում ձայնագրված էր <<Live?! @ Like A Suicide>> մինի-ալբոմի երգերը իսկ մյուս կողմում չորս ակուստիկ կիթառային ստեղծագործություններ։

Ձայնասկավառակը 1989թ.-ի փետրվարին հայտնվում է Billboard –ի ամենավաճառվող ալբոմների շարքում և քանի որ <<Appetite For Destruction>> -ը դեռ գտնվում էր նույն ցուցակում, ապա Guns N’ Roses – ը դառնում է 1980-ականների այն միակ խումբը, որի երկու ալբոմներ միաժամանակ գտնվում էին Топ 5 –ում։

Եթե խմբի առաջին ալբոմը մեծ աղմուկ է բարձացնում իր ձևավորմամբ (ալբոմի վրա պատկերված էր հրեշ և պատառոտված հագուստով աղջիկ իջեցված վարտիքով), ապա երկրորդ ալբոմը արժանանում է մամուլի կատաղի հարձակումներին <<One In A Million>> երգի համար, որտեղ Էկսլը միաժամանակ անպատվում է նեգրերին, ոստիկաններին, էմիգրանդներին և հոմոսեքսուալիստներին։

Սակայն այդ ամենը չի խանգարում սեպտեմբերի 11-ին ստանալ MTV-ի մրցանակը <<Best Heavy Metal/Hard Rock Video>> անվանակարգում։

1990թ.-ին փոխելով հարվածող Ստիվեն Ադլերին, մենեջեր Ալեն Նիվենին և վերցնելով ստեղնահար Դիզզի Ռիդին Guns N’ Roses – ը ձեռնամուխ է լինում իր ամենափառամոլ ծրագրի` <<Use Your Illusion I>> և <<Use Your Illusion II>> ալբոմների ձայնագրման աշխատանքին։

1991թ.-ի սեպտեմբերի 17-ին ալբոմները հայտնվում են երաժշտական խանութների վաճառասեղանների վրա։ Ձայնասկավառակները անմիջապես հայտնվում են Billboard –ի հիթ-շքերթների 1-ին և 2-րդ հորիզոնականներում։

Guns N’ Roses – ը այս ալբոմներով ահմանում են մինչ օրս չգերազանցված համաշխարհային ռեկորդ, քանի որ նրանք մնում են միակ խումբը, որը կարողացել է նման սխրանք գործել և միանգամից երկու ալբոմներով բարձրանալ Billboard –ի առաջին երկու հորիզոնականները։

Ալբոմները հիթ-շքերթներում մնում են 108 շաբաթ։

Ալբոմների ձայնագրման հետ զուգահեռ խումբը նկարահանում է <<Don’t Cry>>, <<November Rain>> և <<Estranged>> հոյակապ տեսահոլովակները։

<<November Rain>> բալադը MTV-ում դառնում է ամենամեծ պահանջարկ ունեցող տեսահոլովակներից մեկը, որը ի վերջո 1992թ.-ին արժանանում է <<MTV Video Music Award>> մրցանակին։

Ալբոմների թողարկումից հետո խումբը 28 ամիսով մեկնում է հյուրախաղերի, որը կոչվում էր <<Use Your Illusion World Tour>>։

Այն հայտնի է իր ֆինանսական հաջողությամբ և սկանդալային միջադեպերով։ Այդ համերգները համարվում են ռոք երաժշտության պատմության մեջ ամենաերկար հյուրախաղերը։

Հետագա տարիներին խմբի երաժիշտները սկսում են լքել խումբը։ 1998թ.-ին Սլեշի և Մակկագանի հեռանալուց հետո խմբի դասական կազմից մնում է միայն Էկսլը։

Սակայն դա չի խանգարում Էկսլին նոր երաժիշտների հետ շարունակել Guns N’ Roses – ի ելույթները։ 2012թ.-ին Guns N’ Roses – ը ընտրվել է <<Ռոք-ընդ-ռոլլի փառքի սրահ>>-ի անդամ։ Սակայն մրցանաբաշխության օրը խմբի դասական կազմը հավաքել չի հաջողվում։

Էկսլ Ռոուզը ոչ միայն հրաժարվում է մասնակցել մրցանաբաշխությանը, այլև խնդրում է իր անունը ջնջել մրցանակակիրների ցուցակից, քանի որ նա համարում է, որ հրավիրելով մնացած երաժիշտներին վիրավորել են իրեն։

Մրցանաբաշխությանը չի մասնակցել նաև կիթառահար Իզզի Ստրեդլին։

Guns N’ Roses – ի ալբոմները։

Appetite for Destruction (1987),

GN`R Lies (1988),

Use Your Illusion I (1991),

Use Your Illusion II (1991),

The Spaghetti Incident ? (1993),

Live Era։ `87-`93 (1999),

Chinese Democracy (2008)