Airbus

Airbus-ը Եւրոպական օդանաւաշինական ընկերութիւններէն մէկն է։ Ան մօտաւորապէս 50 000 աշխատող ունի 4 եւրոպական երկիրներու մէջ՝ Ֆրանսայի, Գերմանիայի, Իսպանիայի և Միացեալ Թագաւորութիւնի մէջ։

Airbus-ին օդանաւները կը շինուին Ֆրանսա, Թուլուզ քաղաքին մէջ A320, A330, A340 և A380 սաւառնակներուն համար, և Գերմանիա A318, A319 և A321-ուն համար։

2003-էն իվեր Airbus-ը իր Ամերիկեան Boeing մրցակիցէն աւելի օդանաւ ծախեց։ Այսօր Airbus-ը 4 231 օդանաւ յանցնած է 250 հաճախորդի։

[խմբագրել] Պատմութիւն

1970-ին Եւրոպական օդանաւ շինողները իրար միացան Ամերիկեան մրցանքին հակասելու հանար։ Այդպէս կազմուեցաւ «Airbus Industrie» ընկերութիւնը որ աւելի յաճախ կոչուած է «Airbus»։

2003-ին Airbus-ը սկսաւ Boeing-էն աւելի օդանաւ ծախել։ Մասնագէտները ըսին որ Airbus-ին օդանաւները նոր մեքենաներ ունին որ Boeing-ը չունի։

Դեկտեմբեր 5-ին Airbus-ը եւ China Aviation Supplies-ը իրարու հետ համաձայնեցան 150 Airbus A320 գնելու համար։ Այս 8 միլիառնոց ապսպրանքը ամենէ մեծն է որ Airbus-ը արձանագրած է։

[խմբագրել] Airbus-ին շինած օդանաւները

Airbus-ը կը շինէ 9 տեսակ օդանաւ՝

A300-ը, որ 1972-ին սկսաւ թռչիլ։ 2 շարժական ունի։ Բաւական մեծ օդանաւ մըն է որ 2 միջանցք ունի։ Airbus-ը այլեւս այս օդանաւը չի շիներ, որովհետեւ A330-ը իր տեղը առաւ։
A310-ը, որ քիչ մը աւելի պզտիկ A300 մըն է։ Այս օդանաւը 1982-ին շինուեցաւ բայց հիմա A300-ին պէս, այս սաւառնակը չի շինուիր, աւելի նորերը իրեն փոխարինեցին։
A320-ը, որ միջակ օդանաւ մըն է։ Այս օդանաւը ունի 2 շարժիչ բայց միայն մէկ միջանցք կայ մէջը։ Նոյն ընտանիքին մէջ կան A319-ը եւ A318-ը որոնք A320-էն աւելի պզտիկ են եւ A321-ը որ ընտանիքին ամենէ մեծն է։
A330-ը որ մեծ օդանաւ մըն է։ Ունի 2 շարժիչ եւ 2 միջանցք։ Առաջին թռիչքը ըրաւ 1992-ին։
A340-ը որ A330-ին նոյն ընտանիքէն է բայց աւելի հեռու կրնայ երթալ։ A330-ին հակառակ ձեւով, A340-ը ունի 4 շարժիչ բայց նոյնպէս 2 միջանցք։
A380-ը որ աշխարհի ամենէ մեծ ճամբորդական օդանաւն է։ Ունի 4 շարժիչ եւ 2 միջանցք իր 2 յարկերուն վրայ։ Առաջին ընկերութիւնը որ պիտի Airbus A380 ստանայ պիտի ըլլայ Singapore Airlines-ը որ արդէն ունի Airbus A340։

Airbus-ը կ'աշխատի նոր օդանաւի մը վրայ, A350-ը։ Այս օդանաւը հիմակուաններէն աւելի հանգիստ պիտի ըլլայ եւ ամեն մարդ պիտի ունենայ անձնական հեռատեսիլ իր աթոռին վրայ։ Air Europa-ն առաջին ընկերութիւնը եղաւ Airbus A350 ապսպրելու։

Աշխարհին վրայ, անենէ շատ Airbus օդանաւ ունեցող ընկերութիւնը Air France-ն է։ Հայկական Արմավիան ունի Airbus A319 եւ Airbus A320 օդանաւներ։