Ֆրեշ

Վիքիպեդիայից՝ ազատ հանրագիտարանից
Բանանով և ելակով պատրաստված կաթնային ֆրեշ

Ֆրեշ (անգլերեն անվանում` smoothie - «փափուկ, հաճելի, նուրբ»), թանձր հյութ` պատրաստված խառնիչում (բլենդեր) կամ միքսերում խառնված թարմ մրգերից ու հատապտուղներից` ավելացված ջուր, սառույցի կտորներ, յոգուրտ, պաղպաղակ, կաթ կամ այլ հավելյալ տարրեր։ Երբեմն սառույցի կտորներին կարող են փոխարինել նախօրոք սառեցված մրգերը։ Տնային պայմաններում մատուցվում են երկար բաժակներով և խմելու համար նախատեսված ձողիկներով։ Ֆրեշի կետերում մատուցում են փակ պլաստիկ բաժակներով և կենտրոնում խրված միջին չափի ձողիկներով։

Առաջին մասսայական տարածումը ֆրեշները ստացել են Միացյալ Նահանգներում` 1960-ականներին, երբ պաղպաղակ կամ առողջ սնունդ վաճառող կետերը սկսեցին լայնորեն զբաղվել նաև ֆրեշ-խմիչքների վաճառքով: Մինչև 1990-ականների ավարտը և 2000-ականների սկիզբը ֆրեշներն արդեն հասանելի էին սրճարաններում, սուրճ վաճառող խանութներում, ինչպես նաև շշալցված տարբերակով` խանութներում։

Ֆրեշները լայն տարածում ունեն առողջ սննդակարգը նախընտրողների շրջանում։

Արտաքին հղումներ[խմբագրել]

  • Ֆրեշ - Կատեգորիա Open Directory Projectհղումներում