Ֆուտբոլի աշխարհի ոչ պաշտոնական առաջնություն

Գործող չեմպիոն
Արգենտինա
Տիտղոսը նվաճվել է
6 փետրվարի 2013:	3:2 մրցակից  Շվեդիա, ընկերական հանդիպում, Ֆրենդս արենա, Սոլնա, Շվեդիա
Տիտղոսի պաշտպանություն
23 մարտի 2013:	3:0 մրցակից  Վենեսուելա, Աշխարհի առաջնության ընտրական փուլ, Մոնումենտալ Ռիվեր Փլեյթ մարզադաշտ, Բուենոս Այրես, Արգենտինա
27 մարտի 2013:	1:1 մրցակից  Բոլիվիա, Աշխարհի առաջնության ընտրական փուլ, Էրնանդո Սիլեսի անվան մարզադաշտ, Լա Պաս, Բոլիվիա
7 հունիսի 2013:	0:0 մրցակից  Կոլումբիա, Աշխարհի առաջնության ընտրական փուլ, «Մոնումենտալ Ռիվեր փլեյթ» մարզադաշտ, Բուենոս Այրես, Արգենտինա
11 հունիսի 2013:	1:1 մրցակից  Էկվադոր, Աշխարհի առաջնության ընտրական փուլ, «Օլիմպիկո Ատաուալպա» մարզադաշտ, Կիտո, Էկվադոր
14 հունիսի 2013:	0:4 մրցակից  Գվատեմալա, Ընկերական հանդիպում, «Մատեո Ֆլորես» մարզադաշտ,Գվատեմալա, Գվատեմալա
Հաջորդ տիտղոսային մրցախաղը
14 օգոստոսի 2013:	մրցակից  Իտալիա, Ընկերական հանդիպում, «Ստադիո օլիմպիկո» մարզադաշտ, Հռոմ, Իտալիա

Ֆուտբոլի աշխարհի ոչ պաշտոնական առաջնություն (անգլ. Unofficial Football World Championships, կրճատ UFWC), աշխարհի ուժեղագույն ազգային հավաքականի որոշման ձև արհեստավարժ բռնցքամարտում և շախմատում կիրառվող համակարգով: Ներկա պահին չեմպիոնն է Արգենտինայի հավաքականը, որը 2013թ. փետրվարի 6-ին, հաղթելով Շվեդիայի հավաքականին, նվաճեց տիտղոսը և պաշտպանեց այն` մարտի 23-ին հաղթելով Վենեսուելայի հավաքականին, ապա ոչ-ոքի խաղալով Բոլիվիայի, Կոլումբիայի, Էկվադորի հավաքականների հետ և հաղթելով Գվատեմալայի հավաքականին: Տիտղոսի հաջորդ պաշտպանությունը տեղի կունենա օգոստոսի 14-ին, Իտալիայի հավաքականի դեմ խաղում:

Գաղափարը պատկանում է շոտլանդացի որոշ երկրպագուների, ովքեր կատակով պնդում էին, որ քանի որ 1967թ. իրենց հավաքէականը հաղթել է աշխարհի չեմպիոն Անգլիայի հավաքականին, ապա աշխարհի ոչ պաշտոնական չեմպիոնը Շոտլանդիայի հավաքականն է:

Տարիներ անց ստեղծվեց այդ իրադարձությունը լուսաբանող կայք:

Գաղափարը հավանություն չի ստացել ՖԻՖԱ-ի կողմից և տիտղոսը պաշտոնական կարգավիճակ չունի:

Անցկացման կանոնները

• Աշխարհի առաջին ոչ պաշտոնական չեմպիոն է համարվում այն թիմը, որը կհաղթի պատմության մեջ ազգային հավաքականների միջև անցկացվող առաջին խաղում:
• Գործող չեմպիոնի հաջորդ խաղը համարվում է տիտղոսային մրցախաղ (աշխարհի չեմպիոնի կոչման համար մրցախաղ), անկախ այդ մրցախաղի ընկերական կամ պաշտոնական լինելուց:
• Տիտղոսային մրցախաղի հաղթողը համարվում է աշխարհի չեմպիոն:
  • Լրացուցիչ ժամանակը և հետխաղյա 11-մետրանոցները հաշվի են առնվում:
  • Ոչ-ոքի արդյունքի դեպքում գործող չեմպիոնը պահպանում է իր տիտղոսը:
• Կոչումը կարող է նվաճել ՖԻՖԱ-ի անդամ հանդիսացող ցանկացած երկրի հավաքական:
• Տիտղոսային մրցախաղն անց է կացվում տվյալ մրցախաղի համար սահմանված կանոններով: