Ֆուտբոլի աշխարհի ոչ պաշտոնական առաջնություն

Վիքիպեդիայից՝ ազատ հանրագիտարանից
Գործող չեմպիոն
Ուրուգվայ Ուրուգվայ
Տիտղոսը նվաճվել է
15 հոկտեմբերի 2013։ 3։2 մրցակից Արգենտինա Արգենտինա, Աշխարհի առաջնության ընտրական փուլ, Սենտենարիո մարզադաշտ, Մոնտեվիդեո, Ուրուգվայ
Տիտղոսի պաշտպանություն
13 նոյեմբերի 2013։ 0։5 մրցակից Հորդանան Հորդանան, Աշխարհի առաջնության ընտրական փուլ, Աբդալլա արքայի անվան մարզադաշտ, Ամման, Հորդանան
21 նոյեմբերի 2013։ 0։0 մրցակից Հորդանան Հորդանան, Աշխարհի առաջնության ընտրական փուլ, «Սենտենարիո» մարզադաշտ, Մոնտեվիդեո, Ուրուգվայ
5 մարտի 2014։ 1։1 մրցակից Ավստրիա Ավստրիա, Ընկերական խաղ, Վեստերզեե մարզադաշտ, Կլագենֆուրտ, Ավստրիա
Հաջորդ տիտղոսային մրցախաղը
30 մայիսի 2014։ մրցակից Հյուսիսային Իռլանդիա Հյուսիսային Իռլանդիա, Ընկերական խաղ, «Սենտենարիո» մարզադաշտ, Մոնտեվիդեո, Ուրուգվայ

Ֆուտբոլի աշխարհի ոչ պաշտոնական առաջնություն (անգլ. Unofficial Football World Championships, կրճատ UFWC), աշխարհի ուժեղագույն ազգային հավաքականի որոշման ձև արհեստավարժ բռնցքամարտում և շախմատում կիրառվող համակարգով։ Ներկա պահին չեմպիոնն է Ուրուգվայ Ուրուգվայի հավաքականը, որը 2013թ. հոկտեմբերի 15-ին, հաղթելով Արգենտինայի հավաքականին, նվաճեց տիտղոսը և պաշտպանեց այն՝ նոյեմբերի 13-ին 5։0 հաշվով արտագնա խաղում հաղթելով Հորդանան Հորդանանի հավաքականին, իսկ նոյեմբերի 20-ին սեփական հարկի տակ 0։0 հաշվով ոչ-ոքի խաղալով նույն մրցակցի դեմ, ապա ընկերական խաղում ոչ-ոքի խաղալով Ավստրիա Ավստրիայի հավաքականի հետ։ Տիտղոսի հաջորդ պաշտպանությունը կկայանա 2014թ. մայիսի 30-ին Ուրուգվայ Ուրուգվայ-Հյուսիսային Իռլանդիա Հյուսիսային Իռլանդիա մրցախաղում։

Գաղափարը պատկանում է շոտլանդացի որոշ երկրպագուների, ովքեր կատակով պնդում էին, որ քանի որ 1967թ. իրենց հավաքականը հաղթել է աշխարհի չեմպիոն Անգլիա Անգլիայի հավաքականին, ապա աշխարհի ոչ պաշտոնական չեմպիոնը Շոտլանդիայի հավաքականն է։

Տարիներ անց ստեղծվեց այդ իրադարձությունը լուսաբանող կայք, իսկ 2002թ. ստեղծվեց հիմնադրամ, որի առաքելությունն է առաջնության անցկացման կանոնակարգումը։

Գաղափարը ողջունելի է ՖԻՖԱ-ի կողմից, սակայն որևէ օժանդակություն չի ստանում և տիտղոսը պաշտոնական կարգավիճակ չունի։

Ցայսօր չեմպիոնի կոչումը նվաճել է 48 հավաքական։

Անցկացման կանոնները[խմբագրել]

  • Տիտղոսը խաղարկվում է բացառապես ազգային հավաքականների միջև անցկացվող խաղերում։
  • Աշխարհի առաջին ոչ պաշտոնական չեմպիոն է համարվում այն թիմը, որը կհաղթի պատմության մեջ ազգային հավաքականների միջև անցկացվող առաջին խաղում։
  • Գործող չեմպիոնի հաջորդ խաղը համարվում է տիտղոսային մրցախաղ (աշխարհի չեմպիոնի կոչման համար մրցախաղ), անկախ այդ մրցախաղի ընկերական կամ պաշտոնական լինելուց։
  • Տիտղոսային մրցախաղի հաղթողը համարվում է աշխարհի չեմպիոն։
    • Լրացուցիչ ժամանակը և հետխաղյա 11-մետրանոցները հաշվի են առնվում։
    • Ոչ-ոքի արդյունքի դեպքում գործող չեմպիոնը պահպանում է իր տիտղոսը։
  • Կոչումը կարող է նվաճել ՖԻՖԱ-ի անդամ հանդիսացող ցանկացած երկրի հավաքական։
  • Տիտղոսային մրցախաղն անց է կացվում տվյալ մրցախաղի համար սահմանված կանոններով։

Պատմությունը[խմբագրել]

Սկզբնական շրջան[խմբագրել]

Առաջին միջազգային հանդիպումը աշխարհի առաջին ոչ պաշտոնական չեմպիոնին ի հայտ չբերեց՝ 1872թ. նոյեմբերի 30-ին Հեմիլթոն Կրեսենտում կայացած Անգլիա Անգլիա-Շոտլանդիա Շոտլանդիա մրցախաղում արձանագրվեց զրոյական ոչ-ոքի։ Հարցը լուծվեց երկրորդ միջազգային հանդիպման արդյունքով, որտեղ հանդիպեցին նույն թիմերը։ 1873թ. մարտի 8-ին Օվալ Կենինգտոնում Անգլիա Անգլիայի հավաքականը հաղթեց 4։2 հաշվով և դարձավ աշխարհի առաջին ոչ պաշտոնական չեմպիոն։ Սակայն անգլիացիները երկար չպահպանեցին այդ տիտղոսը։ 1874թ. շոտլանդացիները հասան փոխվրեժի՝ հաղթելով անգլիացիներին 2։1 հաշվով և խլեցին տիտղոսը։

Մինչ 1876թ. տիտղոսը խաղարկվում էր բացառապես Անգլիայի և Շոտլանդիայի հավաքականների միջև անցկացվող մրցախաղերում։ 1876թ. պայքարին միացավ Ուելս Ուելսի հավաքականը, 1882թ.՝ Իռլանդիայի հավաքականը։ Սակայն մինչև 1903թ. մարտը չեմպիոն էին դառնում միայն Անգլիայի և Շոտլանդիայի հավաքականները։ 1903թ. մարտին Իռլանդիայի հավաքականը հաղթեց Շոտլանդիայի հավաքականին 2։0 հաշվով։ 1907թ. մարտին, 1։0 հաշվով հաղթելով, առաջին անգամ տիտղոսը նվաճեց Ուելսի հավաքականը։

Հաջորդ տարի Շոտլանդիայի հավաքականը վերադարձրեց տիտղոսը և երկու տարի պահպանեց այն գլխավորապես միջազգային խաղեր չանցկացնելու շնորհիվ։ 1909թ. վերջին Անգլիայի հավաքականը կրկին վերադարձրեց տիտղոսը և պահպանեց այն Բրիտանական կղզիներից դուրս գտնվող երկրների հավաքականների դեմ մրցախաղերում։


1923 թվականից սկսյալ, Իռլանդիայի բաժանումից հետո, հավաքականը սկսեց հանդես գալ որպես Հյուսիսային Իռլանդիայի հավաքական։ 1927թ., 2։0 հաշվով հաղթելով Անգլիայի հավաքականին, թիմը առաջին անգամ նվաճեց տիտղոսը։

Բրիտանական կղզիների 4 հավաքականներից (Անգլիա, Շոտլանդիա, Ուելս, Հյուսիսային Իռլանդիա) և ոչ մեկը չմասնակցեց աշխարհի գավաթի առաջին երեք (1930, 1934, 1938) խաղարկություններին, ինչի արդյունքում տիտղոսը մնաց Բրիտանիայում։

Մրցանակը[խմբագրել]

Առաջնությունում խաղարկվում է Չարլզ Ուիլյամ Էլքոքի գավաթը։ Այն անվանված է միջազգային հանդիպումների նախաձեռնող Չարլզ Ուիլյամ Էլքոքի պատվին։

Չարլզ Ուիլյամ Էլքոքը ֆուտբոլիստ էր, մրցավար, միևնույն ժամանակ Անգլիայի ֆուտբոլային միության քարտուղար։ Հենց նրա նախաձեռնությամբ 1872թ. Անգլիայի հավաքականը ուղևորվեց Շոտլանդիա՝ առաջին միջազգային հանդիպումն անցկացնելու համար։ Նա վնասվածքի պատճառով բաց թողեց այդ խաղը, այդուհանդերձ մասնակցեց դրան մրցավարի կարգավիճակով։ Ավելի ուշ՝ 1875թ. նա մասնակցեց տիտղոսային մրցախաղի (կրկին Շոտլանդիայի հավաքականի դեմ) և դարձավ գոլի հեղինակ։

Առայժմ գավաթը գոյություն ունի պատկերի ձևով, որն առաքվում է հաղթող հավաքականներին։

Թալիսմանը[խմբագրել]

Առաջնության թալիսմանը փոքր կանաչ դինոզավր է՝ Հյու անունով։ Դա պատճառաբանվում է նրանով, որ ինչպես մրցաշարն է հնագույնը բոլոր հնարավոր միջազգային մրցաշարերից, այնպես էլ դինոզավրն է հնագույնը կենդանիներից։

Ֆուտբոլի աշխարհի ոչ պաշտոնական առաջնության դասակարգման ցուցակ[խմբագրել]

Առաջնությունում կիրառվում է մասնակից հավաքականների դասակարգման ցուցակ։

Ցուցակի կազմման և վարման կանոններն են.

    • Ցուցակը վարվում է բոլոր ժամանակների համար.
    • Հաղթանակի համար տրվում է մեկ միավոր.
    • Ոչ-ոքիի կամ պարտության համար միավոր չի տրվում.
    • Միավորների հավասարության դեպքում առաջնությունը տրվում է անգլերեն այբուբենի համաձայն՝ այբբենական կարգով։

Դասակարգման աղյուսակը[խմբագրել]

Տեղը Հավաքականը Միավորները Տիտղոսների քանակը
1. Շոտլանդիա Շոտլանդիա 41 51
2. Անգլիա Անգլիա 27 32
3. Saint Patrick's saltire.svg Իռլանդիա 2 2

Բոլոր տիտղոսային մրցախաղերը[խմբագրել]

Հիմնական հոդված՝ Ֆուտբոլի աշխարհի ոչ պաշտոնական առաջնության տիտղոսային մրցախաղերը


Ժամանակագրությունը[խմբագրել]

Հիմնական հոդված՝ Ֆուտբոլի աշխարհի ոչ պաշտոնական առաջնության ժամանակագրությունը