Ֆուլխենսիո Յեգրոս

Վիքիպեդիայից՝ ազատ հանրագիտարանից
Ֆուլխենսիո Յեգրոս ի-Ֆրանկո դել-Տորրես
իսպ.՝ Fulgencio Yegros y Franco de Torres
Fulgencio Yegros.jpg
Պարագվայի 1-րդ պետության ղեկավար
Ծննդյան օր՝ 1780
Վախճանի օր՝ 1821

Ֆուլխենսիո Յեգրոս ի-Ֆրանկո դել-Տորրես, իսպ.՝ Fulgencio Yegros y Franco de Torres (1780, Պարագվայ - 1821, Պարագվայ), պարագվայական ռազմական ր քաղաքական գործիչ, Պարագվայի պետության ղեկավար, անկախության ձեռքբերումից հետո` 1811-ին։

Կենսագրություն[խմբագրել]

Ծնվել է զինվորականների ընտանիքում և Ասունսյոնում կրթություն ստանալւուց հետո անցել է զինվորական ծառայության։ Մասնակցել է 1802 թ. պորտուգալացիների դեմ պատերազմին և 1802 թ. Բուենոս Այրեսի վրա անգլիացիների հարձակման դիմադրությանը, որից հետո 1810-ին ստացել է կապիտանի աստիճան և նշանակվել Միսյոնես նահանգի նահանգապետ։ 1811 թ. Յեգրոսի բանակը դիմադրություն ցւոյց տվեց եռկիր ներխուժած Արգենտինայի բանակին։ Դրանից հետո, մայիսին Յեգրոսը և Պեդրո Խուան Կաբելերոն հայտարարեցին երկրի անկախության մասին ու մտան Գերագույն Խունտայի կազմի մեջ, իսկ մայիսի 27-ին Յեգրոսը դարձավ դրա ղեկավարը, հիմնելով երկրում առաջին ռազմական ակադեմիան։ 1813 թ. հոկտեմբերի 12-ին ուժի մեջ մտավ երկրի Սահմանադրությունը, որի համաձայն երկիրը կառավում էին երկու կոնսուլները, 4 ամիս ժամկետով։ Յեգրոսի հետ կոնսուլ ընտրվեց Խոսե Գասպար Ռոդրիգես դե Ֆրանսիան: Յեգրոսը կոնսուլի պաշտոնում մնաց 1814 թ. փետրվարի 12-ից հունիսի 12-ը։ Ֆրանսիան, որը զգալի ազդեցություն ուներ քաղաքականության մեջ, երկրորդ անգամ կոնսուլ դառնալուց հետո հեղաշրջում իրականացրեց և ողջ իշխանությունը վերցրեց իր ձեռքը, իսկ Յեգրոսը լինելով ավելի շատ զինվորական քան քաղաքական գործիչ, հեռացավ իր կալվածքը։

1820-ին Յեգրոսը մասնակցեց Ֆրանսիայի դեմ անհաջող դավադրությանը, որից հետո բանտարկվեց և մահացավ բանտում։