Ֆիլդսյան մրցանակ

Վիքիպեդիայից՝ ազատ հանրագիտարանից
Ֆիլդսյան մրցանակ
Հակառակ երես

Ֆիլդսյան մրցանակ (անգլ.՝ Fields Medal), միջազգային մրցանակ և մեդալ, տրվում է չորս տարին մեկ անգամ ամեն Միջազգային մաթեմատիկական կոնգրեսի ժամանակ՝ երկու, երեք կամ չորս 40 տարին չբոլորած մաթեմատիկոսների։

Անվանում[խմբագրել]

Մրցանակն ու մեդալը անվանված են Ջոն Ֆիլդսի պատվին, որը 1924 թվականին Տորոնտոյում կայացած VII միջազգային մաթեմատիկական կոնգրեսի նախագահն էր։ Նա առաջարկել էր յուրաքանչյուր կոնգրեսի ժամանակ երկու մաթեմատիկոսի պարգևատրել մեդալով ի նշան գնահատանքի և երևելի վաստակի։

Մրցանակի տեսքն ու արժեքը[խմբագրել]

Ֆիլդսյան մրցանակը կազմում է 15000 կանադական դոլար, իսկ մեդալը 583 հարգի ոսկուց է։ Մեդալի երեսին Արքիմեդի կիսադեմն է և լատիներեն գրված է «Transire suum pectus mundoque potiri» (Գերազանցել մարդկային սահմանափակումը և նվաճել Տիեզերքը), հակառակ երեսին գրված է «Congregati ex toto orbe mathematici ob scripta insignia tribuere» («Մաթեմատիկոսները, բոլոր երկրներից, մեծարում են հիասքանչ ներդրումը իմացության մեջ»)։

Ֆիլդսյան և Նոբելյան մրցանակներ[խմբագրել]

Ֆիլդսյան մրցանակը համարվում է աշխարհում մաթեմատիկայի ասպարեզում ամենահեղինակավոր մրցանակը։ Քանի որ Նոբելյան մրցանակը մաթեմատիկոսներին չի տրվում, ֆիլդսյանը հաճախ անվանում են «նոբելյան մրցանակ մաթեմատիկոսների համար»[1], չնայած՝ երկու մրցանակների մեջ մի շարք տարբերություններ կան։

Հղումներ[խմբագրել]

  1. Kenneth Chang (2007-03-12). «Journeys to the Distant Fields of Prime». New York Times.  (անգլերեն)