Ֆարմակոպեա

Վիքիպեդիայից՝ ազատ հանրագիտարանից

Ֆարմակոպեա (հին հունարեն՝ φαρμακον  - դեղ, թույն և հին հունարեն՝ ποιη  - անում եմ, պատրաստում եմ), դեղամիջոցների որակը նորմավորող ստանդարտների և դրույթների ժողովածու։

Առաջին Ֆարմակոպեան հրատարակվել է Ֆլորենցիայում, 1498 թվականին։ ԽՍՀՄ-ում պետական ֆարմակոպեան հանդիսացել է օրենսդրական բնույթի համապետական փաստաթուղթ։ Դեղամիջոցների նկատմամբ Ֆարմակոպեա պահանջները դեղամիջոցներ պատրաստող, պահպանող, հսկող և օգտագործող ԽՍՀՄ բոլոր ձեռնարկությունների և հիմնարկների համար պարտադիր են եղել։

ԽՍՀՄ Պետական Ֆարմակոպեայի տասերորդ հրատարակությունը (1968) բաղկացած է եղել ներածական, 2 հիմնական բաժիններից և հավելվածից։

Ներկայումս կիրառվող գրականությունն է` «Միջազգային Ֆարմակոպեա» (անգլ.՝ The International Pharmacopoeia), որի առաջին հատորը հրատարակվել է 1951 թվականին, երկրորդը` 1955 թվականին, իսկ 2006 թվականին լույս է տեսել չորրորդ հրատարակչությունը երկու հատորով։ 2008 թվականին վերահրատարակվել է առաջինի լրացումով։ Այս Ֆարմակոպեայից օգտվում են այն երկրները, որոնք չունեն ազգային ֆարմակոպեա։

Եվրոպական երկրների տարածաշրջանի համար օգտագործվում է Եվրոպական Ֆարմակոպեան (անգլ.՝ European Pharmacopoeia; PhEur, Europäisches Arzneibuch), այն թողարկվել է Եվրոպայի Խորհրդի կողմից։ Ներկայումս եվրոպական շատ երկրներում օգտագործվում է հենց Եվրոպական Ֆարմակոպեան։

Այս հոդվածի կամ նրա բաժնի որոշակի հատվածի սկզբնական տարբերակը վերցված է Հայկական սովետական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png