Ֆալաֆել

Ֆալաֆել
	Ֆալաֆելի բաղադրիչները
Ենթատեսակ	կերակուր և minced food ball?
Առաջացման երկիր	Եգիպտոս
	Falafel Վիքիպահեստում

Ֆալաֆել (արաբ․՝ فلافل‎‎ ( լսել)), արաբական կերակրատեսակ, տապակված գնդեր՝ պատրաստված սիսեռով։ Տարածված է հատկապես Հունաստանում, Եգիպտոսում, Սիրիայում Իրաքում, Սաուդյան Արաբիայում և այլն։

Ֆալաֆելը ղպտիերեն բառ է (Φα Λα Φελ), որը նշանակում է «շատ լոբիներ»։

Պատմություն[խմբագրել | խմբագրել կոդը]

Ֆալաֆելի ծագումն անհայտ է։ Կա մի ընդհանուր տեսություն, որ առաջին անգամ ֆալաֆել պատրաստել են ղպտիները՝ որպես մսին փոխարինող ուտեստ պահքի ժամանակ։ Քանի որ Ալեքսանդրիան նավահանգստային քաղաք է, հնարավոր է եղել ուտեստը տեղափոխել Մերձավորարևելյան այլ երկրներ։ Ավելի ուշ նաև Լևանտ երկրներ։

Մերձավոր Արևելք[խմբագրել | խմբագրել կոդը]

Մերձավոր Արևելքում ֆալաֆելը դարձել է արագ սնունդ։ Ռամադանի ընթացքում ֆալաֆելը կազմել է իֆտարի մաս։ Ֆալաֆելը այնքան տարածված էր որոշ երկրներում, որ ՄաքԴոնալդսի փոխարեն անվանում էին "McFalafel"։ Մեր ժամանակներում ֆալաֆելը համարվում է ազգային ուտեստ Եգիպտոսում, Պաղեստինում և Իսրայելում։

Հյուսիսային Ամերիկա[խմբագրել | խմբագրել կոդը]

Հյուսիսային Ամերիկայում մինչև 1970-ականները ֆալաֆել կար միայն հրեական թաղամասերում և ռեստորաններում։ Այսօր ուտեստը տարածված է ողջ Հյուսիսային Ամերիկայի բազմաթիվ քաղաքներում։

Սննդային արժեքը 100 գ[խմբագրել | խմբագրել կոդը]

Էներգետիկ արժեքը 333 կկալ
ածխաջրեր 31,84 գ
ճարպեր 17.80 գ
Կալցիում (5%) 54 մգ
Երկաթ (26%) 3.42 մգ
Մագնեզիում (23%), 82 մգ
Մանգան (33%) 0.691 մգ
Ֆոսֆոր (27%) 192 մգ
Կալիում (12%) 585 մգ
Նատրիում (20%) 294 մգ
Ցինկ (16%) 1.50 մգ

Արտաքին հղումներ[խմբագրել | խմբագրել կոդը]