Օրենջ բոուլ մարզադաշտ
 |
|
| Ամբողջական անվանում | Մայամի Օրենջ բոուլ |
| Նախկին անվանումներ | Բերդին Ստեդիում |
| Տեղագրություն |  Մայամի, ԱՄՆ |
| Հիմնադրված | 1936 |
| Բացված | 10 դեկտեմբերի 1937 |
| Փակված | 14 մայիսի 2008 |
| Կառուցման գին | $340,000 USD |
| Սեփականատեր | City of Miami |
| Տարողություն | 74 000 |
| Տնային թիմ | Miami Hurricanes (NCAA) (1937-2007) FIU Golden Panthers (NCAA) (2007) Miami Tropics (football) (SFL) (2000) Miami Seahawks (AAFC) (1946) Miami Dolphins (AFL / NFL) (1966–86) Miami Toros (NASL) (1972–76) Miami Freedom (ASL / APSL) (1988–92) |
Մայամի օրենջ բոուլ մարզադաշտը (անգլ.՝ Miami Orange Bowl) մարզադաշտ էր ԱՄՆ-ի Ֆլորիդա նահանգի Մայամի քաղաքում, որը նախատեսված էր ռեգբիի և ֆուտբոլային հանդիպումների անցկացման համար: Մարզադաշտը տեղավորում էր ավելի քան 74 հազար հանդիսականի: 2005թ. Օրանժ Բոուլը խիստ տուժեց Վիլմա փոթորկի պատճառով, և 2008թ. մայիսի 14-ին քանդման ենթարկվեց: 2009թ. հուլիսի 1-ից քանդված մարզադաշտի տարաշքում սկսվեց նոր բեյսբոլային մարզադաշտի կառուցման շինարարությունը, որը նախատեսված է ավարտել 2012թ. ապրիլին:
Պատմությունը [խմբագրել]
Մարզադաշտի կառուցումը սկսվեց 1936թ.: Բացումը տեղի ունեցավ 1937թ. դեկտեմբերի մեկին: Նրան տրվեց Բերդին Ստեդիում (Burdine Stadium) անվանումը` ի պատիվ Մայամիի պատվավոր քաղաքացի Ռոբի Բերդինի: 1939թ. մարզադաշտն ստացավ Օրենջ բոուլ անվանումը ամերիկյան ֆուտբոլի «Օրենջ բոուլ» կոչվող քոլեջային թիմերի մրցաշարի ամենամյա անցկացման շնորհիվ: Մարզադաշտում անց են կացվել Ֆուտբոլի ազգային լիգայի՝ NFL-ի ամերիկյան ֆուտբոլի հանդիպումներ, Ֆուտբոլի բարձրագույն լիգայի` MLS-ի, ԿՈՆԿԱԿԱՖ-ի ոսկե գավաթի խաղարկությունների, 1996թ. ամառային օլիմպիական խաղերի ֆուտբոլային հանդիպումներ, 1990թ. բեյսբոլի Կարիբյան սերիան: Օրենջ բոուլը մելն է այն երկու մարզադաշտերից, որտեղ անց են կացվել հինգ Սուպեր Բոուլներ (1968, 1969, 1971, 1976, 1979): Այստեղ անց են կացրել իրենց տնային հանդիպումները Մայամիի բազմաթիվ սպորտային ակումբներ և թիմեր: Մասնավորապես մինչև 1987թ. այն հանդիսանում էր Ֆուտբոլի ազգային լիգայի «Մայամի Դոլֆինս» ակումբի տնային մրցավայրը: Այստեղ անց են կացվել բազմաթիվ համերգներ, տեղի են ունեցել գեղարվեստական ֆիլմերի նկարահանումներ: 2008թ. հունվարի 4-ին անցկացվեց վերջին մարզական միջոցառումը Օրենջ բոուլ մարզադաշտում. տեղի ունեցավ բարձրագույն դպրոցի սաների ամերիկյան ֆուտբոլի աստղերի թիմերի հանդիպումը:
Հղումներ [խմբագրել]
- Օրենջ բոուլի պաշտոնական կայք orangebowlstadium.com (EN)
- Տեղեկություններ Օրենջ բոուլի մասին hurricanesports.cstv.com, stadiumsofprofootball.com (EN)
- Օրանժ Բոուլի լուսանկարներ hurricanesports.cstv.com (EN)
