Օսկարի 79-րդ մրցանակաբաշխություն
| «Օսկարի» 79-րդ մրցանակաբաշխությունը | ||||
|---|---|---|---|---|
| Ամսաթիվ | 2007 թ. Փետրվարի 25 | |||
| Անցկացման վայրը | «Կոդակ» թատրոն, Լոս Անջելես, Կալիֆորնիա |
|||
| Հեռուստալիք | ABC | |||
| Հաղորդավարող(ներ) | Էլեն Դիջեներես | |||
|
||||
Օսկարի 79-րդ մրցանակաբաշխությանը (անգլ.՝ 79th Academy Awards), որի ընթացքում մրցանակների արժանացան 2006 թվականի լավագույն ֆիլմերը: Այն կայացավ 2007թ. Փետրվարի 25-ին «Կոդակ» թատրոնում, Լոս Անջելեսում: Արարողությունը վարում էր Էլեն Դիջեներեսը:
Երեկոյի ամենամեծ հաղթողը «Հանգուցյալները» ֆիլմն էր, որը ստացավ չորս մրցանակ, իսկ ֆիլմի ռեժիսոր Մարտին Սկորսեզեն շահեց երկար սպասված իր առաջին Օսկարը ռեժիսորական անվանակարգում: Մինչ այդ նա հինգ անգամ առաջադրվել էր Օսկարի այդ անվանակարգում, սակայն ոչ մի անգամ չէր հաղթել:
Դերասանական անվանակարգերում հաղթեցին Հելեն Միրենը` լավագույն դերասանուհու համար և Ֆորեստ Ուիթակերը` լավագույն դերասանի համար, ովքեր իրենց խաղացած ֆիլմերում մարմնավորել էին իրական մարդկանց:
Հաղթողներ և թեկնածուներ [խմբագրել]
Հետևյալ հինգ ֆիլմերը արժանացել են մի քանի Օսկարի:
- 4 Օսկար: «Հանգուցյալները»
- 3 Օսկար: «Ֆավնի լաբիրինթոսը»
- 2 Օսկար: «Անհարմար ճշմարտություն», «Երազանքի աղջիկներ» և «Փոքրիկ միսս երջանկություն»
Հետևյալ ֆիլմերը առաջադրվել են մի քանի անվանակարգում:
- 8 անվանակարգ: «Երազանքի աղջիկներ»
- 7 անվանակարգ: «Բաբելոն»
- 6 անվանակարգ: «Ֆավնի լաբիրինթը»
- 5 անվանակարգ: «Արյունոտ ադամանդ» և «Թագուհին»
- 4 անվանակարգ: «Հանգուցյալները», «Նամակներ Իվոձիմայից», «Փոքրիկ միսս երջանկություն» և «Սկանդալային օրագիր»
- 3 անվանակարգ: «Ապոկալիպտո», «Մարդկանց որդին» և «Փոքր երեխաներ»
- 2 անվանակարգ: «Անհարմար ճշմարտություն», «Մեքենաներ» և «Մեր հայրերի դրոշները»
