Ա. Սպենդիարյանի անվան օպերայի և բալետի ազգային ակադեմիական թատրոն

Հայաստանի Ազգային Օպերայի և Բալետի թատրոնի շենքը, ճարտարապետ` Ալեքսանդր Թամանյան

Ա. Սպենդիարյանի անվան օպերայի և բալետի ազգային ակադեմիական թատրոնը հիմնադրվել է ՀՍԽՀ Լուսժողկոմատի 1932 թվականի օգոստոսի 5-ի որոշմամբ։ Առաջին ստեղծագործությունը, որ բեմադրվել է թատրոնում, դա Ալեքսանդր Սպենդիարյանի «Ալմաստ» օպերան է եղել, որը բեմադրվել է 1933 թվականի հունվարի 20-ին։ 1930-ական թվականների երկրորդ կեսից թատրոնում բեմադրվում են մի շարք հայկական օպերաներ ու բալետներ՝ «Գայանե», «Քաջ Նազար» և այլն։ 1939 թվականին թատրոնը մասնակցում է Մոսկվայում կայացած հայ արվեստի և գրականությանը նվիրված միջոցառումներին և պարգևատրվում է Լենինի շքանշանով։ Մոսկվայից վերադառնալով՝ 1940 թվականի հունվարի 12-ին, թատրոնը նոր խաղաշրջանը բացում է Ալեքսանդր Թամանյանի նախագծով կառուցված շենքում՝ «Ալմաստ» օպերայով։

Բեմադրված օպերաները և բալետները

• Ալեքսանդր Սպենդիարյանի «Ալմաստ»
• Շառլ Գունոյի «Ֆաուստ»
• Ժորժ Բիզեի «Կարմեն»
• Ջոակինո Ռոսսինիի «Սևիլյան սափրիչ»
• Արամ Խաչատրյանի «Գայանե»
• Հարո Ստեփանյանի «Քաջ Նազար», «Լուսաբացին»
• Արմեն Տիգրանյանի «Անուշ»

Թատրոնի շենքը

Ալեքսանդր Սպենդիարյանի անվան Հայաստանի Ազգային Օպերայի և Բալետի թատրոնը հիմվել է 1933 թվականի հունվարի 20-ին։ Գլխավոր ճարտարագետ Ալեքսանդր Թամանյանի նախագիծը 1937 թվականին Փարիզում անցկացվող համաշխարհային ցուցահանդեսին արժանացել է ոսկե մեդալի։ Թատրոնը հիմնադրվել է 1930-ին, Արամ Խաչատրյանի անվան ֆիլհարմոնիայի մեծ դահլիճը գործում է 1963-ից։ 2002-ին կատարվել են վերանորոգման աշխատանքներ։

Ա. Սպենդիարյանի անվան օպերայի և բալետի ազգային ակադեմիական թատրոնի շենքը ԽՍՀՄ 1979 թվականի փոստային նամականիշի վրա

1938 թվականին թատրոնը կոչվել է Ալեքսանդր Սպենդիարյանի անունով։

1957 թվականից թատրոնը կոչվել է ակադեմիական։

Հայտնի անձինք

• Արկադի Բուրջալյան (Ա. Սպենդիարյանի անվան օպերայի և բալետի ազգային ակադեմիական թատրոնի հիմնադիրներից մեկը, 1933-1938թթ թատրոնի գլխավոր ռեժիսորը)
• Ռոմանոս Մելիքյան (թատրոնի առաջին գեղարվեստական ղեկավարը)

Դիրիժորներ

• Գեորգի Բուդաղյան
• Կոնստանտին Սարաջև
• Ռուբեն Ստեփանյան
• Միքայել Թավրիզյան (1938-1957թթ գլխավոր դիրիժոր)
• Սուրեն Չարեկյան
• Օհան Դուրյան

Ռեժիսորներ

• Արշակ Բուրջալյան
• Արմեն Գուլակյան
• Լևոն Քալանթար

Բեմանկարիչներ

• Մարտիրոս Սարյան
• Միքայել Արուտչյան
• Սեմյոն Ալաջալյան

Բալետի դերասաններ

• Լյուբով Վոյնովա-Շիկանյան
• Ռ. Թավրիզյան
• Ս. Սարգսյան
• Զ. Մուրադյան
• Գեորգի Գևորգյան

Գրականություն

• Театр оперы и балета Армении. Сб. статей, М., 1939;
• Шавердян А., Очерки по истории армянской музыки XIX и XX вв., М., 1959
• Тигранов Г., Армянский музыкальный театр. Ер., т. 1, 1956, т. II, 1960
• Барсамян А., «Алмаст» А. Спендиарова, М., 1959
• Тигранов Г., Балеты А. Хачатуряна, М., 1960

Արտաքին հղումներ

• Ալեքսանդր Սպենդիարյանի անվան Հայաստանի Ազգային Օպերայի և Բալետի թատրոնի պաշտոնական կայքը