Օյգեն Յոհում

Յոհումի ծննդյան 100-ամյակի կապակցությամբ թողարկված գերմանական նամականիշ

Օյգեն Յոհում (գերմ. Eugen Jochum, 1902թ. նոյեմբերի 1 - 1987թ. մարտի 26) — գերմանացի երևելի դիրիժոր, հատկապես աչքի է ընկնում Բախի, Բեթհովենի, Բրուքների, Վագների և Կարլ Օրֆի երաժշտության կատարմամբ: Ծնվել է Բաբենհաուսենում (Աուգսբուրգ, Գերմանիա): Մինչև 1922թ. ուսանել է դաշնամուր և երգեհոն Աուգսբուրգում, ապա կատարելագորվել դիրիժորական արվեստի մեջ Մյունխենում:

Սկսել է իր դիրիժորական կարիերան 1926թ.՝ ստանձնելով Մյունխենի ֆիլհարմոնիկ նվագախմբի ղեկավարությունը և կատարելով Բրուքների Յոթերորդ սիմֆոնիան: 20-30 ական թթ. հաջորդաբար եղել է Կիլի օպերային թատրոնի, Մանհայմի, Դույսբուրգի, Բեռլինի ռադիոյի և Բեռլինի ֆիլհարմոնիկ նվագախմբի դիրիժորը: 1934թ. Յոհումը, հաջորդելով Կարլ Բյոմին, ​դարձել է Համբուրգի պետական ​​օպերայի և Համբուրգի ֆիլհարմոնիկ նվագախմբի ղեկավար՝ զբաղեցնելով այդ պաշտոնները մինչը 1949թ.: Երկրորդ համաշխարհային պատերազմից հետո ստանձնել է Բավարիայի ռադիոյի սիմֆոնիկ նվագախմբի գլխավոր դիրիժորը՝ մանլով այդ պաշտոնում մինչև 1960թ.: Զուգահեռաբար հանդես է եկել համերգներով Կոնցերտգեբոու (Concertgebouw) նվագախմբի, Լոնդոնի ֆիլհարմոնիկ և Լոնդոնի սիմֆոնիկ նվագախմբերի և աշխարհի այլ հանրաճանաչ նվագախմբերի հետ: Նա պարբերաբար մասնակցել է Զալցբուրգի և, 1953 - ից, Բայրոյթի փառատոններին:

Նշանավոր ձայնագրությունները

• Անտոն Բրուքներ, Ութերորդ սիմֆոնիա, Hamburg State Philharmonic Orchestra, 1949
• Կարլ Օրֆ, Կարմինա Բուրանա, Bavarian Radio Symphony Orchestra, 1953
• Ռիխարդ Վագներ, Նյուրնբերգի մեյսթերզինգերներ, Deutsche Oper Berlin, 1976
• Յոհաննես Բրամս. Դաշնամուրի կոնցերտ No. 1, Berlin Philharmonic Orchestra,Էմիլ Գիլիելսի հետ, 1972